ពិតជាត្រេកអរខ្លាំងណាស់! វ៉ាក់សាំង AstraZeneca ដែលផលិតនៅឥណ្ឌាចំនួន ៣២៤.០០០ ដូស ផ្តល់ជាជំនួយដោយមជ្ឈមណ្ឌលកូវ៉ាក់ (COVAX Facility) នឹងមកដល់កម្ពុជា នៅល្ងាចថ្ងៃទី០២ ខែមីនា ឆ្នាំ២០២១ នេះ ៖
ក្រសួងសុខាភិបាល៖ វ៉ាក់សាំង AstraZeneca ដែលផលិតនៅឥណ្ឌា មានឈ្មោះថា Covishield ចំនួន ៣២៤.០០០ ដូស ផ្តល់ជាជំនួយដោយមជ្ឈមណ្ឌលកូវ៉ាក់ (COVAX Facility) នឹងមកដល់កម្ពុជា នៅល្ងាចថ្ងៃទី០២ ខែមីនា ឆ្នាំ២០២១ នេះ។
ក្រសួងសុខាភិបាល ព្រមទាំងអង្គការសុខភាពពិភពលោក (WHO) និងអង្គការយូនីសែហ្វ (UNICEF) ប្រចាំនៅកម្ពុជា សូមគោរពជម្រាបជូនសាធារណៈជនទាំងអស់ឱ្យបានជ្រាបថា នៅល្ងាចនៃថ្ងៃអង្គារ ០៤រោច ខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០២ ខែមីនា ឆ្នាំ២០២១ វ៉ាក់សាំងអាស្រ្តាហ្សឺណិកា (AstraZeneca /SII) ចំនួន ៣២៤.០០០ ដូស ដែលបានទទួលអាជ្ញាបណ្ណផលិតដោយវិទ្យាស្ថានសេរ៉ុម (Serum Institute) នៃប្រទេសឥណ្ឌានឹងត្រូវបានដឹកជញ្ជូនមកដល់អាកាសយានដ្ឋានអន្តរជាតិភ្នំពេញ។
ព័ត៌មានថ្មីៗ
