តារាសម្តែងចិត្តធម៌លោក ស្រេន វុធថា សង្ហាហើយថែមទាំងតែងតែជួយដល់សង្គមជាតិទៀត
តារាសម្តែងរូបស្រស់សង្ហាដែលមានសមត្ថភាពមួយរូបហើយមានឈ្មោះបោះសម្លេងនៅក្នុងប្រទេសកម្ពុជា លោក ស្រេន វុធថា ក្រៅពីការងារសិល្បៈ យើងសង្កេតឃើញថា លោកតែងតែចំណាយពេលវេលាផ្ទាល់ខ្លួនជាច្រើនដើម្បីជួយដល់សង្គមជាតិជានិច្ច។
យោងតាមការPostរបស់តារារូបនេះផ្ទាល់លើគណនី Facebook របស់លោកដែលមានឈ្មោះ ស្រេន វុធថា គឺបញ្ជាក់ឲ្យយើងឃើញយ៉ាងច្បាស់ៗថា ពេលវេលាទំនេររបស់លោកភាគច្រើន គឺជួយដល់សង្គមជាតិ មិនថាជាការប្រកាសស្វែងរកជំនួយ ជូនជនក្រីក្រ ចាស់ជរា ជនពិការ នោះទេ លោកថែមទាំងយកជំនួយទៅជូនដល់កន្លែងថែមទៀតផង។
ការធ្វើរបស់លោក ស្រេន វុធថា មិនមែនជាការសម្តែងយកមុខមាត់ឬចង់ល្បីនៅក្នុងសង្គមថាជាមនុស្សល្អអ្វីនោះទេ គឺលោកធ្វើចេញពីចិត្តធ្វើដោយភាពពេញចិត្តរបស់លោកផ្ទាល់តែម្តង។
សម្រាប់សប្បុរសជនដែលចង់ផ្តល់ជាជំនួយឬចង់ចូលរួមជាមួយលោក ស្រេន វុធថា អាចចូលទៅក្នុង គណនី facebook របស់លោកផ្ទាល់ ដោយមានឈ្មោះថា ស្រេន វុធថាបាន។
រួមគ្នាចែករំលែកទឹកចិត្តនិងក្តីស្រលាញ់ទៅកាន់អ្នកខ្វះខាត ដើម្បីសង្គមជាតិរបស់យើងទាំងអស់គ្នា។
អត្ថបទដោយ៖ Mr. Fun Cambodia
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
