កំពង់ស្ពឺនេះសោះ! «ទំនប់ស្លា» ទេសភាពដ៏ស្រស់ត្រកាលនៅថ្ងៃសម្រាកលំហែអារម្មណ៍
ថ្មីៗនេះ នៅក្នុងខេត្តកំពង់ស្ពឺ មានរមណីយដ្ឋានមួយ ដែលជាគោលដៅទេសចរណ៍ដ៏មានសក្ដានុពល ដែលលាតត្រដាងនូវផ្ទាំងទេសភាពដ៏ស្រស់ត្រកាល ធ្វើឱ្យវាក្លាយជាកន្លែងសម្រាកលំហែកាយគួរជាទីមនោរម្យសម្រាប់ភ្ញៀវជាតិ និងអន្តរជាតិ នោះគឺ«រមណីយដ្ឋានទំនប់ស្លា» ។
«រមណីយដ្ឋានទំនប់ស្លា» ជាទំនប់បែបកែច្នៃ និងបែបធម្មជាតិ ដែលមានទេសភាពដ៏ស្រស់ស្អាតត្រកាលជាមួយនឹង ទិដ្ឋភាពក្នុងទំនប់ មើលទៅដាច់កន្ទុយភែ្នក មានព្រៃព្រឹក្សា និងភ្នំដុះអមជុំវិញ ។ ចំណែកឯទឹកទំនប់វិញ មានផៃ្ទទឹកពណ៏ខៀវស្រងាត់ ទឹកត្រជាក់ថ្លាឆ្វង់ស្ទើរតែអាចឆ្លុះមុខបាន រហូតធ្វើឲ្យអ្នកទស្សនាមិនចង់ឃ្លាតពីកនែ្លងនេះឡើយ។
ក្រៅពីការរីករាយនឹងទស្សនីយភាពជុំវិញបម្រើក្រសែភ្នែក ភ្ញៀវទេសចរអាចជួលទូក កៃយ៉ាក់ ទាទឹក ជិះលេងកំស្ដានបាន និងការកម្សាន្តផ្សេងៗទៀត យ៉ាងសប្បាយរីករាយ ពិសេសក៏មានកញ្ចុះត្រជាក់សម្រាប់សម្រាកលំហែ និងអាចកម្មង់ម្ហូបអាហារបែបជនបទ និងភេសជ្ជៈជាច្រើនមុខយ៉ាងឆ្ងាញ់ពិសាទៀតផង ដោយសេវាកម្មដ៍សប្បាយរីករាយទាំង ការជិះទូកកំស្តាន អាហារ ភេសជ្ជៈ និងការកំស្តានជាច្រើនផ្សេងទៀតសុទ្ធតែមានតម្លៃសមរម្យអាចទទួលយកបាន។
គួរឱ្យដឹងផងដែរថា «រមណីយដ្ឋានទំនប់ស្លា» មានទីតាំង ស្ថិតនៅ ភ្វមិស្លា ឃុំស្រង់ ស្រុកគងពិសី ខេត្តកំពង់ស្ពឺ ចេញពីផ្លូវលំក្វោងទ្វា វត្តក្រាំងគម្ពឺ ចេញពីផ្លូវលេខ ១៤៣, ឃុំស្រង់, ស្រុកគងពិសី, ខេត្តកំពង់ស្ពឺ ផែនទី：https://goo.gl/maps/M7HpfK2BG8BC5ZWr5 សម្រាប់ព័ត៌មានបន្ថែមសូមទំនាក់ទំនងទៅគាន់លេខទូរស័ព្ទ 012 798 430៕
អត្ថបទ៖ ក្នុងស្រុក
ប្រភពរូបភាព៖ រម្មណីយដ្ឋាន ទំនប់ស្លា
ព័ត៌មានថ្មីៗ
