ជ្រើសរើសគ្រាប់ភ្នែកមួយ ដែលអាចបង្ហាញថាអ្នកជាប្រភេទមនុស្សបែបណា
តាមរយៈគ្រាប់ភ្នែកទាំង ៩ នេះ ប្រសិនឲ្យធ្វើការសម្រេចចិត្ត តើអ្នកនឹងជ្រើសរើសយកមួយណា? ចម្លើយមួយរបស់អ្នកអាចបង្ហាញអ្វីដែលជាអ្នក និងការគិតមួយចំនួនរបស់អ្នក ហើយ ៩០ ភាគរយគឺត្រូវ៖
១) ភាពជាមនុស្សមានទំនុកចិត្ត
ប្រសិនអ្នកជ្រើសរើសគ្រាប់ភ្នែកទី ១ អាចបង្ហាញបានថា អ្នកជាមនុស្សដែលហ៊ានអនុញ្ញាតនិងបើកទទួលយកអ្នករាល់គ្នាទាំងអស់ចូលមកក្នុងជីវិតអ្នក។ ជាទូទៅអ្នកគិតថាការប្រឈមហានិភ័យគឺជារឿងល្អប្រសើរ ជាជាងការចាកចេញពីបញ្ហា។ មនុស្សប្រភេទនេះមិនចេះបង្ហាញចំណុចខ្សោយ ឬការភ័យខ្លាចណាមួយទៅកាន់មជ្ឈដ្ឋានជុំវិញខ្លួនឡើយ ហើយធ្វើអ្វីធ្វើដោយជឿជាក់និងមានទំនុកចិត្តខ្ពស់លើខ្លួនឯង។
២) ភាពជាមនុស្សច្បាស់លាស់ត្រឹមត្រូវ
អ្នកជាមនុស្សដែលតែងតែព្យាយាមធ្វើឲ្យមានការចាប់អារម្មណ៍មកលើខ្លួនអ្នក តាមរយៈការធ្វើនូវសកម្មភាពត្រឹមត្រូវណាមួយ។ អ្នកឲ្យតម្លៃលើទង្វើដែលអ្នកបានធ្វើខ្លាំងណាស់ ហើយរាល់ទង្វើទាំងអស់នោះ ក៏អ្នកមិនធ្វើឲ្យប៉ះពាល់ជីវិតនរណាម្នាក់ដែរ។
៣) ភាពជាមនុស្សដែលហ៊ានលះបង់
អ្នកព្យាយាមរកកន្លែងស្ងប់ស្ងាត់ក្នុងជីវិត ហើយក្តីសុខមួយចំនួនក៏មិនខ្លាចនឹងលះបង់ឲ្យអ្នកដទៃដែរ ប្រសិនគេចង់បាន។ ក្នុងពិភពលោកយើងនេះមិនងាយមានមនុស្សប្រភេទបែបនេះឡើយ ពោលគឺឲ្យតែបានឃើញគេសប្បាយ មានក្តីសុខ ខ្លួនឯងក៏អស់ចិត្តហើយ។
៤) ភាពជាមនុស្សដែលមានសមាធិ
អ្នកជាមនុស្សដែលប្រើប្រាស់អារម្មណ៍ខ្ពស់នៅគ្រប់រឿងអ្វីទាំងអស់ ហើយអ្នកចេះត្រៀមចិត្តនិងត្រៀមដំណោះស្រាយទុកមុននូវគ្រប់បញ្ហាក្នុងជីវិត។ ប៉ុន្តែក្នុងកាលៈទេសៈខ្លះ ក៏ធ្លាប់ធ្វើឲ្យអ្នកមានការរវើរវាយខ្លាំងពេក ដល់ថ្នាក់នាំឲ្យអ្នកមានអារម្មណ៍តានតឹងនិងពិបាកក្នុងការដកខ្លួនចេញ តែដោយសារការដែលចេះទប់អារម្មណ៍ និងសមាធិផ្លូវចិត្តទើបនាំឲ្យអ្នកនៅទីខ្មៅងងឹតនោះពុំបានយូរឡើយ។
៥) ភាពជាមនុស្សអាថ៌កំបាំង
អ្នកជាមនុស្សដែលអាថ៌កំបាំង ហើយមានមនុស្សជាច្រើនគេព្យាយាមស្វែងយល់ពីអ្នក។ ក្នុងស្ថានភាពខ្លះអ្នកជាមនុស្សមានអារម្មណ៍មួយរយ ដែលងាយផ្លាស់ប្តូរលឿន ហើយអ្នកខ្លួនឯងក៏ដឹងច្បាស់ពីចំណុចហ្នឹងលើខ្លួនឯងដែរ។
៦) ភាពជាមនុស្សចេះបត់បែន
អ្នកជាមនុស្សដែលមានភាពល្អិតល្អន់ ធ្វើអ្វីដែលការគិតពិចារណា ហើយចេះបត់បែនតាមគ្រប់កាលៈទេសៈ គ្រប់បុគ្គលតូចធំដែលអ្នកបានជួប។ ប៉ុន្តែរឿងមួយដែលអ្នកត្រូវចាំ សូមកុំបង្ហាញឲ្យអ្នកក្រៅដឹងពីភាពទន់ជ្រាយរបស់អ្នកឲ្យសោះ។
៧) ភាពជាមនុស្សដែលពោរពេញដោយថាមពល
អ្នកជាមនុស្សដែលមានភាពស្វាហាប់ រហ័សរហួន និងស្រលាញ់នូវអ្វីដែលខ្លួនធ្វើ។ ជាមនុស្សដែលមានការយល់ដឹងជ្រៅជ្រះ ហើយមានគំនិតការគិតល្អៗច្រើន និងសម្រេចចិត្តលើរឿងរ៉ាវអ្វីមិនងាយខុសឡើយ។ ក្នុងការបំពេញកិច្ចការងារទូទៅ អ្នកក៏មានថាមពលទាំងផ្លូវចិត្តនិងកាយក្នុងការធ្វើ តែក៏មានអារម្មណ៍ភិតភ័យរាងច្រើនបន្តិចដែរ។
៨) ភាពជាមនុស្សដែលប្លែកពីគេ
អ្នកជាប្រភេទមនុស្សដែលមានការចាប់អារម្មណ៍ ឬចូលចិត្តរបស់អ្វីមួយ និងជឿលើរឿងអ្វីមួយខុសពីអ្នកដទៃ។ និយាយសាមញ្ញទៅអ្នករាងចម្លែកពីគេបន្តិច ប៉ុន្តែគ្រប់កិច្ចការងារអ្វីគឺអ្នកធ្វើច្បាស់លាស់ណាស់ មិនចេះលំៗនោះទេ។
៩) ភាពជាមនុស្សពោរពេញដោយវិចារណញ្ញាណ
អ្នកគឺជាមនុស្សដែលយល់ច្បាស់ពីពិភពខាងក្រៅ និងយល់ច្បាស់ពីមនុស្សជុំវិញខ្លួនច្បាស់។ អ្នកអាចស្គាល់នៅចំណុចជាច្រើនអំពីពួកគេ ដោយពេលខ្លះត្រឹមតែមើលទឹកមុខឬការប្រើប្រាស់សំឡេងក៏ដឹង ហើយបើនរណាម្នាក់ចង់កុហក ចង់បោកបញ្ឆោតអ្នកក៏ពិបាកបន្តិចហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
