ជ្រើសរើសសត្វទីទុយមួយ ដើម្បីទទួលបានសារដ៏មានតម្លៃសម្រាប់ជីវិតរបស់អ្នក
មិនថាតែអ្នកកំពុងប្រឈមឬស្ថិតក្នុងកាលៈទេសៈដ៏អាក្រក់បែបណា ការទទួលបានយោបល់ឬគំនិតល្អមួយ គឺជាសារលើកទឹកចិត្តដ៏វិសេសវិសាលបំផុតដែលអ្នកគួរតែទទួលបាន។
តាមរយៈរូបភាពនៃសត្វទីទុយទាំង ៦ ខាងលើ ចូរជ្រើសរើសសត្វទីទុយមួយ នោះយើងនឹងបង្ហាញសារណែនាំដ៏ល្អសម្រាប់ជីវិតរបស់អ្នកនៅពេលនេះ៖
១) ទីទុយនៃក្តីសង្ឃឹម
សត្វទីទុយអ្នកបានប្រាប់មកថា ក្តីសុបិនដ៏ធំបំផុតរបស់អ្នកគឺកៀកនឹងក្លាយជាការពិតហើយ ដោយជាការពិតលទ្ធផលល្អៗនឹងតបស្នងត្រលប់មកវិញ សម្រាប់មនុស្សដូចជាអ្នកដែលបានខិតខំពុះពាររឿងគ្រប់យ៉ាង ដោយភាពក្លាហាននិងការលះបង់ដ៏ធំ។
សារមួយសម្រាប់អ្នក៖ ប្រសិនបើក្នុងស្ថានភាពណាមួយអ្នកមិនបានដូចអ្វីដែលគិត ដូចអ្វីដែលរំពឹងទុក ហើយជួបបញ្ហាដល់ថ្នាក់នាំឲ្យអ្នកដួល សូមកុំបោះបង់ ហើយក្រោកឡើងព្យាយាមម្តងទៀត ព្រោះការជឿជាក់និងក្តីសង្ឃឹមគឺជាកូនសោឆ្ពោះទៅកាន់ភាពជោគជ័យពិតប្រាកដ។
២) ទីទុយនៃវិបុលភាព
សត្វទីទុយមួយនេះបានប្រាប់មកថា អ្នកជាមនុស្សដែលខិតខំខ្លាំង និងពុំសូវបានគេងគ្រប់គ្រាន់ទេ ហើយក៏ដើម្បីតែគោលដៅមួយ នោះគឺចង់ជោគជ័យឲ្យបានឆាប់រហ័ស។ ពេលខ្លះអ្នកទើបតែសម្រេចបានរឿងតូចៗប៉ុណ្ណោះ តែវាជាបំណែកនៃជោគជ័យធំនៅថ្ងៃខាងមុខ។
សារមួយសម្រាប់អ្នក៖ ចូរបន្តខិតខំធ្វើការនិងបំពេញនូវចន្លោះប្រហោងក្នុងជីវិត ជាមួយជំនឿជាក់ដែលប្រកបដោយភាពរុងរឿងទាំងផ្លូវការនិងចិត្ត ហើយរង្វាន់ដ៏អស្ចារ្យមួយនឹងតបស្នងមកការខិតខំរបស់អ្នកនៅពេលខាងមុខ។
៣) ទីទុយនៃភាពស្ងប់ស្ងាត់
សូមចាំថាពេលវេលាដ៏ខ្មៅងងឹតក្នុងជីវិត គឺអាចនឹងក្លាយជារាត្រីដ៏ភ្លឺចិញ្ចាចមួយ ហើយមានថាតែក្នុងកាលៈទេសៈណាក៏ដោយ ក៏កុំបោះបង់ កុំបាត់បង់ឆន្ទៈ និងបំណងប្រាថ្នា ដើម្បីឈានទៅមុខ។ គ្មានជ័យជម្នះណាបានមកដោយគ្មានការប្រយុទ្ធនោះទេ ហើយវាតែងតែមានតម្លៃបើអ្នកកាន់តែព្យាយាម។
សារមួយសម្រាប់អ្នក៖ បន្តរស់នៅដោយភាពជឿជាក់និងភាពស្ងប់ស្ងាត់នៃផ្លូវចិត្ត ពីព្រោះរឿងដែលល្អបំផុតក៏ត្រូវការពេលវេលាបន្តិចដែរ។
៤) ទីទុយនៃភាពរឹងមាំ
បង្ហាញថាអ្នកជាមនុស្សដ៏អស្ចារ្យ ដែលអ្នកបានសម្រេចរឿងជាច្រើនហើយក្នុងជីវិត ហើយកម្លាំងនៃភាពរឹងមាំរបស់អ្នកនឹងបន្តដឹកនាំផ្លូវអ្នកឆ្ពោះទៅកាន់បំណងប្រាថ្នាដែលអ្នកចង់បាន។
សារមួយសម្រាប់អ្នក៖ ចូរបន្តភាពរីករាយ និងរឹងមាំផ្លូវចិត្តផ្លូវកាយ ហើយបន្តសកម្មភាពគ្រប់យ៉ាងដោយស្នាមញញឹម និងព្យាយាមធ្វើឲ្យបានល្អបំផុត។ ការដែលអ្នកព្យាយាមធ្វើអស់ពីចិត្ត លទ្ធផលត្រលប់មកវិញក៏ល្អបំផុតដែរ។
៥) ទីទុយនៃសុភមង្គល
វាបង្ហាញថាអ្វីក៏ដោយឲ្យតែអ្នកធ្វើដោយមានជាប់ស្នាមញញឹមលើមុខ នោះប្រាកដជានឹងជោគជ័យ។ ចូររស់នៅដោយជំនឿ សុទិដ្ឋិនិយម ហើយបន្ទាប់មកវានឹងបង្ហាញលទ្ធផលដ៏អស្ចារ្យសម្រាប់អ្នក។
សារមួយសម្រាប់អ្នក៖ ចូររស់នៅដោយភាពរីករាយ ភ្ជាប់ស្នាមញញឹមនៅក្នុងជីវិតឲ្យបានច្រើន ដើម្បីបង្កើតសុភមង្គលនៅក្នុងជីវិត។
៦) ទីទុយនៃក្តីសុបិន
វាបានរំឭកអ្នកថាភាពជោគជ័យនៃក្តីសុបិនណាមួយ ក៏នឹងទទួលបានតាមរយៈការខិតខំប្រឹងប្រែង ហើយសូមកុំបញ្ឈប់ការសុបិនឲ្យសោះ។ គ្រប់យ៉ាងដែលអ្នកបានសុបិន ចូរបន្តធ្វើវាដោយភាពរីករាយ នោះវានឹងចេញរូបរាងក្លាយជាការពិតនៅពេលខាងមុខ ហើយកុំភ្លេចភ្ជាប់ការគិតវិជ្ជមានជាមួយផង រៀងរាល់ព្រឹកត្រូវប្រាប់ខ្លួនឯងថា ខ្លួនអាចអាចធ្វើបាននិងឆ្ពោះទៅមុខបន្តទៀត។
សារមួយសម្រាប់អ្នក៖ ចូរបន្តដើរទៅមុខ ដើម្បីឲ្យក្តីសុបិនរបស់អ្នកក្លាយជាការពិត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
