ជ្រើសរើសផ្កាលីលីមួយ ដើម្បីបង្ហាញសារពិសេសដល់អ្នកសម្រាប់សប្តាហ៍ថ្មីនេះ
នៅក្នុងរូបភាពដូចបានបង្ហាញមានផ្កាលីលី ៣ ពណ៌ខុសៗគ្នា។ តើអ្នកពេញចិត្តមួយណា ចូរធ្វើការជ្រើសរើសមួយ ហើយយើងនឹងបង្ហាញសារដ៏មានឥទ្ធិពលមួយសម្រាប់អ្នកនៅក្នុងសប្តាហ៍ថ្មី៖
ផ្កាលីលីពណ៌ផ្កាឈូក
សប្តាហ៍ថ្មីនេះសម្រាប់អ្នកអាចជាឧបសគ្គបន្តិចបន្តួច ប៉ុន្តែអ្នកត្រូវតែបន្តភាពសុទិដ្ឋិនិយម (ការគិតវិជ្ជមាន) ទោះស្ថិតក្នុងពេលវេលាលំបាកក៏ដោយ ហើយត្រូវត្រៀមខ្លួនសម្រាប់ការផ្លាស់ប្តូរណាមួយដែលអាចកើតឡើង។ អ្នកត្រូវចាំថា អាកប្បកិរិយារបស់អ្នកនឹងកំណត់នូវគុណតម្លៃក្នុងជីវិត ហើយភាពជោគជ័យទាំងឡាយវាតែងរមែងកើតចេញពីសេចក្តីលំបាកណាមួយជាមុនសិន។
អ្នកក៏ត្រៀមនឹងជួបរឿងពិសេសណាមួយ ប៉ុន្តែរយៈពេលនេះគឺជីវិតបាននឹងកំពុងផ្តល់មេរៀនលំបាកមួយចំនួន ដើម្បីលុតដំឲ្យអ្នករឹងមាំ ហើយក្រោយមករឿងអស្ចារ្យដែលចូលមកក្នុងជីវិតអ្នកដោយមិនដឹងខ្លួន។
ផ្កាលីលីពណ៌ស
អ្នកគឺជាមនុស្សដែលចូលចិត្តរស់នៅក្នុងសន្តិភាពផ្លូវចិត្ត ភាពស្ងប់ស្ងាត់ ហើយរត់ចេញពីកន្លែងដែលមានជម្លោះ ការឈ្លោះទាស់ទែងគ្នារបស់មនុស្ស។ នៅសប្តាហ៍ថ្មីនេះ អ្នកអាចនឹងឆ្លងកាត់ការសាកល្បងពីភាពអត់ធ្មត់ណាមួយ ហើយអ្នកកុំរារេក្នុងការសម្រេចចិត្ត ព្រមឬមិនព្រមលើរឿងរ៉ាវដែលជួបប្រទះ។
ចូរយកខ្លួនឯងជាអាទិភាព ហើយធ្វើអ្វីមួយដោយកុំខ្លាចនិងគិតថាវាល្អបំផុតសម្រាប់អ្នក។ សុភមង្គលរបស់អ្នកគឺអាស្រ័យទៅលើនោះហើយ។
ផ្កាលីលីពណ៌លឿង
សាមគ្គីភាពនិងសប្បុរសធម៌ គឺជាអ្វីដែលអ្នកត្រូវតែមានសម្រាប់សប្តាហ៍ថ្មីនេះ។ ពេលខ្លះអ្នកប្រហែលជាធុញទ្រាន់នឹងអាកប្បកិរិយារបស់មនុស្សជុំវិញខ្លួនមួយចំនួន ប៉ុន្តែវាជាការសំខាន់ដែលអ្នកត្រូវព្យាយាមរក្សាទំនាក់ទំនងជាមួយនឹងពួកគេ តាមដែលអាចធ្វើទៅបាន។
បែបនេះមានន័យថា ក្នុងសប្តាហ៍ថ្មីនេះ ចូរកុំបោះបង់អ្វីដោយងាយ ហើយត្រូវចាត់ចែងរឿងនោះទៅតាមលទ្ធភាព និងកុំដាក់សម្ពាធលើផ្លូវចិត្តខ្លួនឯងខ្លាំងពេក មួយផ្សេងទៀតត្រូវគិតថា បញ្ហាជាមេរៀននាំភាពវិជ្ជមានបន្ថែមទៀតមកក្នុងជីវិតរបស់យើង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
