ធម្មជាតិ ៤ យ៉ាងរបស់មនុស្សប្រុស ដែលគ្មាននារីចុះពីឋានសួគ៌ណាអាចផ្លាស់ប្តូរពួកគេបានឡើយ
ប្រសិនជាអ្នកមានមិត្តប្រុស ឬស្វាមី តើក្នុងនាមអ្នកជាមនុស្សស្រីម្នាក់ អ្នកបានយល់អ្វីខ្លះហើយអំពីបុរសទាំងនោះ? ត្បិតបុរសខ្លះមានអត្តចរិតខុសគ្នា ឬការគិតខុសគ្នា ប៉ុន្តែចំណុចធម្មជាតិ ៤ យ៉ាងនេះ ជឿថាគ្មានបុរសណាដែលខុសគ្នាឡើយ ហើយមនុស្សស្រីបើអាចដឹងបានក៏ល្អម្យ៉ាងដែរ៖
៤) ទម្លាប់មើលស្រីផ្សេង
ជឿទៅ កុំថាឡើយបុរសនោះស្មោះប៉ុណ្ណា គួរឲ្យទុកចិត្តប៉ុណ្ណា តែបើមាននារីណាស៊ិចស៊ី ខើចលើខើចក្រោម ដើរកាត់ ភ្នែករបស់បុរសៗគឺមិនអាចងាកចេញបានឡើយ។ បើទោះបីជាមិនដាក់ភ្នែកចំ ក៏រាងដៀងភ្នែកលួចមើលបន្តិចៗដែរ។ តើអ្នកដឹងទេថា សកម្មភាពបែបហ្នឹងគឺជាក្តីសុខមួយដែររបស់បុរស?
៣) ទម្លាប់លើការលេងកីឡា
ត្រូវហើយ គឺដោយដែរបុរសខ្លះមិនចេះលេងកីឡាសោះតែម្តង។ ប៉ុន្តែជឿថា ៩៥ ភាគរយនៃមនុស្សប្រុស គឺមានទម្លាប់នៃការហាត់ប្រាណ ការលេងបាល់ទាត់ បាល់ទះ ឬការទស្សនាកីឡាប្រភេទណាមួយ។ ប្រសិនពួកគេសម្រេចថាលេងឬទស្សនាអីមួយហើយ គឺដកចិត្តមិនរួចឡើយ ឧទាហរណ៍៖ ដូចជាការទស្សនាបាល់ទាត់ យប់ខ្លះស៊ូងើបម៉ោង ២ ម៉ោង ៣ ព្រឹកឲ្យតែបានមើល ហើយអ្នកមិនបាច់ហាមពួកគាត់ទេ ព្រោះនាំតែមានសម្ពាធនឹងគ្នា។
២) ធុញទ្រាន់នឹងការរង់ចាំ
ការរង់ចាំក្នុងន័យនេះ មិនសំដៅដល់ការរង់ចាំចម្លើយស្នេហាអ្វីនោះទេ ផ្ទុយទៅវិញគឺនិយាយពីការរង់ចាំមនុស្សស្រី កំឡុងពេល Make up តុបតែងខ្លួន ឬដើរផ្សារទិញឥវ៉ាន់។ ដំបូងៗពួកគេអាចរង់ចាំបាន ហើយញញឹមស្រស់ចេញពីចិត្ត តែយូរៗទៅវាក្លាយជារឿងគួរឲ្យធុញទ្រាន់មួយហើយ ក្នុងការដែលរង់ចាំរាប់ម៉ោង។
១) មិនធុញទ្រាន់នឹងរឿងលើគ្រែ
រឿងលើគ្រែសម្រាប់បុរស គឺជាអ្វីដែលខួរក្បាលរបស់មនុស្សប្រុសខ្លះសឹងតែដក់ជាប់រៀងរាល់ថ្ងៃ។ បុរសមានចំណង់លើការរួមភេទខ្លាំងជាងនារី ហើយវាគឺជាធម្មជាតិរបស់មនុស្សប្រុស ដែលខ្វះមិនបាន៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
