ជ្រើសរើសគូរាំមួយ អាចបង្ហាញពីទំនាក់ទំនងស្នេហាបែបណាដែលត្រូវអ្នកត្រូវការពិតប្រាកដ
ក្នុងគូស្នេហ៍និងទម្រង់បែបបទនៃការរាំទាំង ៦ ដូចមានបង្ហាញក្នុងរូប តើអ្នកពេញចិត្តរូបណាមួយជាងគេ? ការជ្រើសរើសមួយរបស់អ្នក អាចបង្ហាញច្បាស់ពីទំនាក់ទំនងស្នេហាដែលអ្នកត្រូវការនិងចង់បានពិតប្រាកដក្នុងជីវិតមួយនេះ។
រូបភាពទី ១
អ្នកជាមនុស្សដែលត្រូវការភាព Romantic និងទំនាក់ទំនងស្នេហាមួយដ៏មានន័យ។ ក្នុងន័យស្នេហាអ្នកចង់បានដៃគូ ដែលចេះលើកទឹកចិត្ត ចេះសាទរនិងរីករាយជាមួយអ្វីដែលអ្នកមាន។ បើប្រដូចទៅនឹងមនុស្សស្រី គឺមនុស្សស្រីដែលពូកែថ្នាក់ថ្នម ផ្អែមល្ហែម និងទន់ភ្លន់។
រូបភាពទី ២
ក្នុងទំនាក់ទំនងស្នេហា អ្នកចង់បានដៃគូដែលគេមានភាពខ្លាំងក្លាជាងអ្នក ពោលអ្នកមិនសម្លឹងអ្នកដែលទាបជាង ឬខ្សោយជាងអ្នកនោះទេ។ ប៉ុន្តែប្រភេទមនុស្សអ្នក បើមានស្នេហាក៏ចេះដាក់ខ្លួន និងចេះអត់ឱនខ្ពស់ រមែងឲ្យដៃគូឈ្នះសឹងតែគ្រប់រឿង។
រូបភាពទី ៣
អ្នកត្រូវការគាំទ្រ ការយកចិត្តទុកដាក់ខ្ពស់នៅក្នុងទំនាក់ទំនងស្នេហា។ ប្រសិនអ្នកជានារី អ្នកត្រូវការបុរសដែលមានភាពរឹងមាំ អាចយកមកជាការពឹងពាក់បាន ជាពិសេសនៅពេលអ្នកមានបញ្ហា គេមិនរត់ចោលអ្នក។
រូបភាពទី ៤
អ្នកចូលចិត្តទំនាក់ទំនងស្នេហាបែបចាស់បុរាណ បែបចាស់ទុំ និងរឹងមាំ ដែលលាយឡំនឹងការយោគយល់ អធ្យាស្រ័យខ្ពស់ទៅវិញទៅមក។ ដូចគ្នានេះផងដែរ ការគោរពនិងឲ្យតម្លៃក្នុងទំនាក់ទំនងនោះ ជាអ្វីដែលត្រូវការជាចាំបាច់។ ប្រសិនអ្នកទទួលបានមនុស្សម្នាក់ដែលគេផ្តល់ទំនុកចិត្តដល់អ្នក នោះអ្នករមែងស្រលាញ់គេខ្លាំងដកចិត្តមិនបានឡើយ។
រូបភាពទី ៥
ក្នុងទំនាក់ទំនងស្នេហាអ្នកចង់ក្លាយជាអ្នកដឹកនាំ ជាអ្នកកាន់ចង្កូត ដោយរឿងជាច្រើនអ្នករមែងសម្រេច តែសម្រេចក្នុងន័យល្អ មិនឲ្យប៉ះពាល់អារម្មណ៍ដៃគូម្ខាងទៀតឡើយ។ ជាងនេះអ្នកក៏មានភាពស្វាហាប់ រហ័សរហួន ក្នុងការបំពេញសកម្មភាពនានាជាមួយដៃគូ។
រូបភាពទី ៦
ក្នុងរូបភាពបន្លំទី ៦ នេះ ពុំមែនជាគូស្នេហ៍នោះទេ នោះគឺជានារីដែលរាំម្នាក់ឯង។ វាមានន័យថាអ្នកមិនទាន់គិតដល់ជីវិតគូនោះឡើយ ដោយអ្នកចង់បានជីវិតឯករាជ្យ សេរីភាពពេញទំហឹង ហើយទៅណាមកណា ប្រើប្រាស់ជីវិតបែបតែឯងៗច្រើនជាង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
