ដឹងតម្លៃរថយន្ត Ronaldo ទើបតែទិញថ្មីថ្មោងហើយ វាមានតែ ១០ គ្រឿងគត់ក្នុងលោក
ដើម្បីអបអរការឈានចូលវ័យ ៣៦ ឆ្នាំ តារាឆ្នើម Cristiano Ronaldo បានចំណាយលុយយ៉ាងក្រាស់ក្រែលលើការទិញរថយន្តថ្មីមួយគ្រឿង នោះគឺម៉ាក Bugatti Centodieci ដែលជាប្រភេទរថយន្តកម្រ មានតែ ១០ គ្រឿងគត់ក្នុងលោក។
នេះជាម៉ូឌែលថ្មីមួយទៀតនៃសេរ៊ី Bugatti ដែលស្ថិតក្នុងការ៉ាសរបស់ CR7 ដោយកន្លងមកធ្លាប់មានម៉ូឌែល Veyron, Chiron និង La Voiture Noire រួចមកហើយ។ ដោយឡែកចំពោះត្រកូលថ្មី Centodieci គឺវាមានតម្លៃ ៨ លានអឺរ៉ូឬជាង ៩,៧ លានដុល្លារអាមេរិក។
បញ្ជាក់ថា Bugatti Centodieci ជាប្រភេទរថយន្តទ្វារ 2-door Coupe ដែលមានប្រភេទម៉ាស៊ីនចំណុច ៨ លីត្រ Quad-Turbocharged W16 ប្រើប្រាស់ចង្កឹះលេខ Dual-clutch ៧ វគ្គ ហើយវាមានល្បឿនស្ទុះពី ០-១០០ គ.ម/ម៉ ប្រើពេលត្រឹម ២,៤ វិានទី និងល្បឿនអតិបរមាអាចរត់ដល់ ៣៨០ គ.ម/ម៉។
បង្វែរមកក្នុងអាជីពរបស់ Ronaldo បន្តិច កីឡាករព័រទុយហ្គាល់ខាងលើហាក់កាន់តែជោគជ័យបន្ថែមទៀតក្នុងវិស័យកីឡាបាល់ទាត់ ជាពិសេសថ្មីៗនេះទើបតែចារឈ្មោះក្លាយជាកីឡាកររកបានគ្រាប់បាល់ច្រើនបំផុតក្នុងប្រវត្តិសាស្ត្រ យកឈ្នះអ្នកចាស់លោក Josef Bican ថែមទៀតផង៕
ប្រភព៖ SportBible | ប្រែសម្រួល៖ ក្នុងស្រុក
ព័ត៌មានថ្មីៗ
