ជ្រើសរើសរូបភាពមួយ ដើម្បីបង្ហាញពីចំណុចអ្វីដែលអ្នកដទៃកំពុងគិតមកលើអ្នក
តាមរយៈការតេស្តបែបវិទ្យាសាស្រ្តមួយនេះ អាចជួយឲ្យអ្នកកាន់តែយល់ច្បាស់អំពីអ្វីដែលអ្នកដទៃមើលឃើញនិងគិតមកលើអ្នក ហើយក៏រឿងដែលអ្នកអាចយល់ពីខ្លួនឯងកាន់តែច្បាស់ផងដែរ។
រូបភាពទី ១
អ្នកគឺជាមនុស្សដែលចេះបត់បែនតាមកាលៈទេសៈ ហើយចំណុចខ្លាំងរបស់អ្នកគឺជា "ភាពស្មោះត្រង់"។ អ្នកចេះអភ័យទោសនិងបំភ្លេចនូវកំហុសរបស់មនុស្សជុំវិញខ្លួន ប៉ុន្តែលើកលែងតែសម្រាប់ទង្វើដែលមិនមែនជាការកុហកឬការលាក់ពុតតែប៉ុណ្ណោះ។
យ៉ាងណាមិញមនុស្សជុំវិញខ្លួនអ្នក ខ្លះគេបានគិតថា អ្នកជាមនុស្សដែលមានទំនុកចិត្តលើខ្លួនឯងជ្រុល តែជាក់ស្តែងអ្នកមិនមែនដូច្នោះទេ។ ក៏មានមតិខ្លះទៀតគិតថាអ្នកជាមនុស្សចចេសរឹងរូស តែការពិតវាគ្រាន់ជាសំបកក្រៅតែប៉ុណ្ណោះ។ អ្នកក៏ត្រូវបានគេកោតសរសើរអំពីសមត្ថភាពក្នុងការក្លាយជាមិត្តពិតប្រាកដជាមួយនឹងនរណាម្នាក់ ជាពិសេសគឺការប្រើប្រាស់ភាពស្មោះត្រង់នោះផ្ទាល់តែម្តង។
រូបភាពទី ២
អ្នកតែងតែធ្វើឲ្យអ្នកដទៃចាប់អារម្មណ៍នូវចំណុចល្អរបស់អ្នក តាមរយៈភាពស្ងប់ស្ងាត់ ឆ្លាតវៃ និងកក់ក្ដៅ នៅពេលដែលពួកគេមានទំនាក់ទំនងឬប្រាស្រ័យទាក់ទងជាមួយអ្នក។ ក៏មានមនុស្សជាច្រើនបានកោតសរសើរអំពីភាពសាមញ្ញរបស់អ្នក ហើយពេលនៅជាមួយអ្នកតែងតែមានអារម្មណ៍ថាមានសុវត្ថិភាព។
រូបភាពទី ៣
អ្នកគឺជាមនុស្សដែលពោរពេញដោយភាពជាអ្នកដឹកនាំ និងរហ័សក្នុងការរកវិធីដោះស្រាយនៅស្ថានភាពលំបាកនានា។ អ្នកមិនខ្លាចការសាកល្បងថ្មីនោះទេ ហើយគឺជាមនុស្សដែលពូកែខាងប្រាស្រ័យទាក់ទង ទាំងនេះហើយជាចំណុចដែលអ្នកដទៃគេចាប់អារម្មណ៍មកលើអ្នក។ ប៉ុន្តែក្នុងក្រសែភ្នែកអ្នកខ្លះ មើលមកអ្នកគិតថាអ្នកជាមនុស្សពូកែអួត តែធាតុពិតពុំដូច្នោះទេ អ្នកគ្រាន់តែជាមនុស្សដែលមានមោទនភាពចំពោះអ្វីដែលខ្លួនឯងបានសម្រេចតាមរយៈការខិតខំប្រឹងប្រែងតែប៉ុណ្ណោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
