ខែកុម្ភៈ ជាខែនាំលាភ នាំលុយ ចូលដល់អ្នកកើតឆ្នាំទាំង ៤ នេះ
សម្រាប់ខែកុម្ភៈ ដែលមានរយៈពេល ២៨ ថ្ងៃ គឺនឹងផ្តល់សំណាងល្អ ប្រាក់ចំណូលហូរចូលច្រើនដល់អ្នកកើតឆ្នាំទាំង ៤ ដូចខាងក្រោម៖
ឆ្នាំថោះ
អ្នកកើតឆ្នាំថោះ ឬឆ្នាំទន្សាយ ជាមនុស្សដែលមានអំណោយទានពីធម្មជាតិ និងរមែងទទួលបានគោរពស្រលាញ់ពីមនុស្សជុំវិញខ្លួន។ នៅខែកុម្ភៈ ឆ្នាំ ២០២១ នេះ ជោគវាសនារបស់មនុស្សកើតឆ្នាំថោះ គឺនឹងមានការផ្លាស់ប្តូរឈានទៅរកកម្រិតដ៏ល្អមួយ ហើយនឹងបានជួបមនុស្សល្អៗដែលផ្តល់ប្រយោជន៍ និងផលចំណេញឲ្យអ្នកជាច្រើន។ រាល់ការដំណើរការអាជីវកម្មតូចធំ គឺនឹងទទួលបានជោគជ័យ ហើយមិនចាំបាច់សូវព្រួយបារម្ភពីបញ្ហានោះឡើយ។
ឆ្នាំរកា
អ្នកកើតឆ្នាំរកាឬឆ្នាំមាន់ ជាមនុស្សដែលពោរពេញទៅដោយឆន្ទៈ និងការខិតខំប្រឹងប្រែងខ្ពស់។ ពួកគេមានទេពកោសល្យភាពជាអ្នកដឹកនាំពីកំណើត អ៊ីចឹងហើយសឹងតែអាចដឹកនាំនៅគ្រប់វិស័យ។
ដោយឡែកសម្រាប់ខែកុម្ភៈ ឆ្នាំ ២០២១ នេះ អ្នកកើតឆ្នាំរកា គឺនឹងទទួលបានដំណឹងល្អ ហើយមានឱកាសនាំលាភចូលមកជារឿយៗ។ បើនិយាយពីការងារនិងអាជីវកម្មវិញ ក៏នឹងមានភាពរលូនជាងមុនផងដែរ។
ឆ្នាំរោង
អ្នកកើតឆ្នាំរោងឬឆ្នាំនាគ គឺជាមនុស្សមានភាពរហ័សរហួន និងប្រសព្វខាងនិយាយ ក៏ដូចជាការកសាងទំនាក់ទំនងឲ្យជោគជ័យក្នុងជីវិត។
នៅខែកុម្ភៈ ឆ្នាំ ២០២១ នេះ ភាពឆ្លាតវៃរបស់គេនឹងពាំនាំនូវលាភសំណាងជាច្រើន ហើយសមិទ្ធផលការងារក៏ទទួលបានជោគជ័យគួរឲ្យកត់សម្គាល់។ ជាងនេះក៏អាចមានឱកាសឡើងមុខតំណែងថ្មីដែលមានចំណូលខ្ពស់ជាងមុនទៀតផង។
ឆ្នាំម្សាញ់
អ្នកកើតឆ្នាំម្សាញ់ឬឆ្នាំពស់ ជាអ្នកមានសមត្ថភាពខ្ពស់ក្នុងការបំពេញកិច្ចការងារ ហើយជាមនុស្សមានភាពម៉ឺងម៉ាត់។ ពួកគេជាមនុស្សដែលហ៊ានគិតហ៊ានធ្វើ បែបនេះពួកគេកម្រនឹងបរាជ័យរឿងណាមួយខ្លាំងណាស់។
នៅខែកុម្ភៈ ឆ្នាំ ២០២១ នេះ អ្នកកើតឆ្នាំម្សាញ់នឹងទទួលបានលាភធំប្រសិនមានការវិនិយោគលើជំនួញណាមួយ ហើយបើក្នុងការបំពេញការងារក៏ទទួលបានការស្រលាញ់ពេញចិត្តពីថ្នាក់លើនិងអាចបង្កើនចំណូលខ្ពស់ជាងមុនផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
