ចាក់ដោតខ្លាំង! ផ្ទះមួយ សុភមង្គលមួយ ផ្តើមពីមនុស្សពីរនាក់
ជីវិតគូ ជាពាក្យដែលងាយស្រួលនិយាយ តែពិបាកធ្វើ ហើយការស្រលាញ់គ្នាជាគូសង្សារ វាខុសពីការរៀបការរួមរស់នៅជាមួយគ្នា។ ដោយការរស់នៅជីវិតជាប្តីប្រពន្ធវាក៏មានរឿងជាច្រើនដែលត្រូវអត់ធន់ ត្រូវតស៊ូ ជម្នះឧបសគ្គ ពិសេសគឺការយោគយល់ និងការឱ្យតម្លៃគ្នានេះតែម្តង។
យ៉ាងណាមិញ ថ្មីៗនេះគូស្នេហ៍ថ្មោងថ្មីមួយគូ បានលាតត្រដាងនូវការរស់នៅជីវិតជាប្តីប្រពន្ធរបស់ខ្លួនធ្វើឱ្យអ្នកលេងបណ្តាញសង្គមបង្ហាញការគាំទ្រ និងយកជាគំរូថាការគិតបែបនេះ អនុវត្តបែបនេះច្បាស់ណាស់ថាជីវិតគូប្រាកដជាល្អប្រសើរខ្លាំង។
តាមរយៈគណនីហ្វេសប៊ុក Kimse បានរៀបរាប់ឱ្យដឹងថា៖ « ផ្ទះមួយ សុភមង្គលមួយ ផ្តើមពីមនុស្សពីរនាក់ ❤️
ហត់ពីការងារ មកផ្ទះ គឺត្រូវភ្លេចរឿងការងារចោលសិន
គិតរឿងក្នុងផ្ទះម្តង 👩❤️👨
នៅផ្ទះមួយគ្នាម៉្យាងដែរតាស ផ្ទះមួយនៅពីរនាក់
- ហូបបាយជុំគ្នា អូនធ្វើម្ហូប បងជួយអូនលាងចាន មានអីពិបាកសប្បាយណាស់ 🥘 🍲 🍽
- ខោអាវ អូនបោក បងជួយអូនហាល មានអីមិនល្អ 👕👚
- អូនបោសផ្ទះ បងជួយអូនជូតផ្ទះ មានអីពិបាក ជូតផងរាំផង 😂
ការងារទាំងអស់នេះអ្នកធ្លាប់ទៅរៀនឆ្ងាយពីផ្ទះ ស្គាល់ហើយ 🤣
អាចធ្វើតែប៉ុណ្ណឹងបាននៅជាមួយគ្នាសប្បាយដូចនៅជាមួយពួកម៉ាក់ចឹង 😘 មិនអផ្សុកទេ
👶 ចាំពេលមានកូនចាំរក ម៉ែដោះ 🐮 ព្រោះពេលនេះត្រូវការពេលវេលាពីរនាក់ ម៉ែវា 😍
ស្នេហាដែលគង់វង្សបាន ព្រោះតែភាគីទាំងសងខាងបានព្យាយាមធ្វើអោយវាគង់វង្ស មិនមែនដោយគ្រាន់តែបណ្តោយតាមវាសនា និង និស្ស័យហើយអាងថាបើវាជាស្នេហាពិតវានឹងមិនបែកបាក់ឡើយ 🪢
អ្នកនឹងកែប្រែដើម្បីមនុស្សអ្នកស្រលាញ់ ពេលដែលអ្នកជួបមនុស្សដែលអ្នកស្រលាញ់ពិតប្រាកដ ហើយគិតថាអាចរស់នៅជាមួយគេអស់មួយជីវិតបាន គឺ ផ្តើមចេញពីយើងពីរនាក់ 🥰 #kimsesreying»។
ក្រោយពីអានសំណេរជីវិតប្តីប្រពន្ធមួយគូខាងលើ សង្គមថាគូស្នេហ៍ដទៃ នឹងអាចយកទុកជាមេរៀន និងយកតម្រាប់តាមដើម្បីឱ្យជីវិតគូមានតែភាពផ្អែមល្ហែម និងមានការរស់នៅចុះសម្រុងគ្នាជាដរាប៕
ព័ត៌មានថ្មីៗ
