ហេតុផល ៣ យ៉ាង ដែលអ្នកមិនគួរបាត់បង់ជំនឿលើស្នេហា
ដ្បិតថាយើងត្រូវបានឆ្លងកាត់ និងជួបប្រទះនូវបញ្ហា ការឈឺចាប់ និងបរាជ័យព្រោះតែរឿងស្នេហា ធ្វើឱ្យយើងមានអារម្មណ៍ថាអស់សង្ឃឹមយ៉ាងខ្លាំង។ តែយ៉ាងណាមិញ គឺមានហេតុផល៣យ៉ាង ដែលធ្វើឱ្យយើងគួរតែបន្តជំនឿលើរឿងស្នេហា កុំបោះបង់ ហើយក៏កុំខ្លាចនឹងមានស្នេហាជាថ្មីអី។
ខាងក្រោមនេះ ជាហេតុផល៣ចំណុច ដែលអ្នកមិនគួរបាត់បង់ជំនឿលើរឿងស្នេហានោះឡើយ!
១. សេចក្តីស្រឡាញ់បង្រៀនអ្នកពីមេរៀនល្អជាច្រើន
ឆ្លងកាត់ភាពបរាជ័យក្នុងរឿងស្នេហា អាចធ្វើឱ្យមានអារម្មណ៍តានតឹង និងឈឺចាប់ខ្លាំង។ ប៉ុន្តែសូមចាំថា ដោយសារតែសេចក្តីស្នេហាមួយបានបញ្ចប់ មិនមានន័យថា សេចក្តីស្រឡាញ់បានបញ្ចប់ដែរនោះទេ។
ជំនួសឱ្យការគិតថាទំនាក់ទំនងដែលបរាជ័យ គឺជាការខ្ជះខ្ជាយពេលវេលាសូមរាយបញ្ជីមេរៀនដែលអ្នកអាចរៀនពីទំនាក់ទំនងទាំងនោះ។ អ្នកនឹងរៀនពីរបៀបនៃការយកចិត្តទុកដាក់ របៀបផ្តល់ទិន្នផល របៀបអត់ធ្មត់ និងរបៀបបណ្តោយឱ្យស្នេហាមិនសមបំណងចាកចេញទី។ មិនថាមានរឿងអ្វីកើតឡើង ចូររៀនពីសេចក្តីស្រឡាញ់ និងឱ្យតម្លៃការចងចាំដ៏មានតម្លៃ។
២. របស់ដែលមានតម្លៃតែងតែមិនងាយទទួលបាន
ល្អបំផុតនឹងធ្វើឱ្យអ្នកមានមោទកភាពពេញចិត្ត និងជម្រុញអ្នកដោយការលើកទឹកចិត្តខ្ពស់។ ឧទាហរណ៍ការដណ្តើមយកភាសាបរទេស ការសម្រកទម្ងន់ ឈប់ទម្លាប់អាក្រក់ ... ទាំងនេះជារបស់ដែលត្រូវការពេលវេលាច្រើន ប៉ុន្តែអ្នកនឹងមានអារម្មណ៍ពេញចិត្តនៅពេលដែលអ្នកឆ្លងកាត់ឧបសគ្គ ហើយអាចសម្រេចបានផលគាប់ចិត្ត។
សម្រេចចិត្តរង់ចាំមនុស្សដែលត្រឹមត្រូវ ជំនួសឱ្យការប្រញាប់ប្រញាល់ឆ្លើយតបនឹងនរណាម្នាក់ ដោយសារតែអ្នកនៅម្នាក់ឯងមិនងាយស្រួលទេ។ ប៉ុន្តែអ្នកនឹងសប្បាយចិត្តខ្លាំងណាស់ដែលអ្នកបានធ្វើវា។ ប្រសិនបើអ្នកត្រូវការរង់ចាំយូរបន្តិចដើម្បីរកបុរសដ៏ល្អឥតខ្ចោះ ហេតុអ្វីអ្នកត្រូវខ្លាចក្នុងការរង់ចាំនោះ?
៣. អ្នកនឹងកាន់តែចាស់ចិត្តចាស់គំនិត និងរឹងមាំជាងមុន
បន្ទាប់ពីបែកបាក់ស្នេហា ប្រាកដជាបន្សល់នូវការឈឺចាប់យ៉ាងខ្លាំង ហើយមេរៀនដែលបានធ្វើឱ្យយើងឈឺចាប់នេះហើយ ដែលធ្វើឱ្យយើងកាន់តែមានការយល់ដឹង និងរឹងមាំខ្លាំងជាងមុនកាន់តែខ្លាំង។
ដូច្នេះ ការឈឺចាប់ដែលបានមកពីការបរាជ័យក្នុងរឿងស្នេហា វាគឺជាមេរៀនដ៏ល្អ និងសក្តិសមបំផុតដែលយើងទទួលបានគឺ ការអាចដុសខាត់គំនិតខ្លួនឯងឱ្យចេះមើលមនុស្ស ចេះជ្រើសមនុស្សមករួមដំណើរជីវិត ការឈឺចាប់ ធ្វើឱ្យមនុស្សផ្លាស់ប្ដូរ មានភាពល្អប្រសើរឡើងទាំងផ្លូវកាយ និងផ្លូវចិត្ត ពិតជាធ្វើឱ្យយើងរឹងមាំខ្លាំង៕
ប្រភព ៖ Phunutoday / ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
