ទម្លាប់អាក្រក់ ៤ ដែលមនុស្សភាគច្រើនធ្វើខុសក្នុងបង្គន់ ពេលនេះត្រូវប្រញាប់កែជាបន្ទាន់!
យោងតាមរបាយការណ៍ចុងក្រោយពាក់ព័ន្ធនឹងបញ្ហាសុខភាព គេសង្កេតឃើញថា មូលហេតុដែលបង្កឲ្យមានជំងឺផ្សេងៗទៅក្នុងខ្លួនប្រាណរបស់មនុស្ស មិនមែនដោយសារតែកត្តាចំណីអាហារ កត្តាអាកាសធាតុទាំងស្រុងនោះទេ ផ្ទុយទៅវិញទម្លាប់អាក្រក់ ៤ ក្នុងការប្រើប្រាស់បង្គន់ ក៏អាចជះឥទ្ធិពលផងដែរ។
១) ទម្លាប់នៃការកាច់ទឹកដោយមិនបិទគម្រប
ក្រុមហ៊ុនផលិតចានបង្គន់នៅចក្រភពអង់គ្លេសមួយបានធ្វើតេស្តបង្ហាញឲ្យឃើញ នៅពេលដែលអ្នកចុចកាច់ទឹកដោយមិនបិទចានបង្គន់ នោះវានឹងសាយភាយនូវបាក់តេរីនិងតំណក់ទឹកជាច្រើនខ្ទាតចេញមកបរិយាកាសខាងក្រៅ។ ចំហាយសាយភាយនេះ អាចបង្កគ្រោះ.ថ្នាក់ធ្ងន់ធ្ងរដល់មនុស្ស ដែលជាបណ្តាលឲ្យរាករូស ក្អក ហើយអាចឈានដល់ការរលាកសួត ឬក្រពះទៀតផង។
២) កាច់ទឹកនៅពេលអ្នកកំពុងអង្គុយបន្ទោរបង់
ជឿថាមនុស្សជាច្រើនទម្លាប់បែបហ្នឹង នៅពេលកំពុងអង្គុយបន្ទោបង់គឺបានកាច់ទឹកដើម្បីសម្អាតវា។ អ្នកសូមប្រញាប់កែប្រែទម្លាប់នេះ ព្រោះស្រដៀងនឹងការបង្ហាញខាងលើ គឺមានបាក់តេរីតូចៗរាប់លានដែលវាហោះចេញមកបរិយាកាស បែបនេះប្រសិនអ្នកកំពុងអង្គុយនៅលើចានបង្គន់ស្រាប់នោះ បាក់តេរីនឹងហោះទៅប៉ះស្បែកអ្នកបានឆាប់រហ័សបំផុត។
៣) សម្អាតបង្គន់ដោយមិនប្រើប្រាស់ស្រោមដៃនិងម៉ាស
មនុស្សជាច្រើនរំលងការអនុវត្តនេះ ហើយនៅពេលសម្អាតបង្គន់ពួកគេប្រើប្រាស់ដៃទទេ និងគ្មានម៉ាសការពារនោះទេ។ អ្នកត្រូវដឹងថា បង្គន់ គឺជាទីតាំងកខ្វក់បំផុត ដែលយើងមិនអាចមើលឃើញដោយភ្នែកទទេ។
៤) ហាលគ្រឿងក្នុង នៅក្នុងបង្គន់
នេះក៏ជាទម្លាប់របស់មនុស្សមួយចំនួនដែរ ដែលឧស្សាហ៍យកខោក្នុងឬអាវក្នុងមកហាលសម្ងួតក្នុងបង្គន់។ ស្រដៀងនឹងការបង្ហាញខាងលើ បាក់តេរីដែលហោះក្នុងបរិយាកាសវានឹងមកទំនៅលើគ្រឿងក្នុងដែលបានហាលនោះ ហើយជាទូទៅក្លិនក្នុងបង្គន់វាមិនល្អដូចនៅខាងក្រៅទេ បែបនេះងាយនឹងផ្អាប់ក្លិននោះជាប់លើសាច់ក្រណាត់ខ្លាំងបំផុត៕
ប្រភព៖ Phunutoday | ប្រែសម្រួល៖ ក្នុងស្រុក
ព័ត៌មានថ្មីៗ
