មនុស្សស្រីមួយចំនួនត្រូវការពេលវេលាពីសង្សារ ច្រើនជាងសម្ភារៈនិយមដែលសង្សារផ្តល់ឲ្យ
នៅក្នុងសង្គមបច្ចុប្បន្នមនុស្សស្រីមួយចំនួនស្រលាញ់រកតែមនុស្សប្រុសស្អាត សង្ហា មានលុយ ឡូយឆាយ ស៊ីវីល័យ ទាន់សម័យតែប៉ុណ្ណោះ។ មនុស្សស្រីដែលHigh Show ប្រភេទនេះ ពួកគាត់មិនដែលចាត់ទុកថាស្នេហាសំខាន់ចំពោះគាត់ឡើយ។ រឿងដែលសំខាន់ចំពោះគាត់គឺពួកគាត់អាចបានដើរលេងជាមួយសង្សារនៅកន្លែង Brand Brand បានសង្សារប៉ាវញ៉ាំអាហារ Brand Brand បានអួតសម្ភារៈនិយមរបស់សង្សារនៅលើបណ្តាញសង្គម ដូចជា Facebook Instagram ជាដើម។
ហើយមនុស្សស្រីប្រភេទនេះផងដែរ គឺពួកគាត់តែងតែបោះបង់សង្សារឬស្នេហារបស់គាត់ចោល នៅពេលដែលសង្សាររបស់គាត់ធ្លាក់ខ្លួនឬមានអ្នកថ្មីដែលល្អជាង មានជាង សង្សាររបស់ខ្លួន។
មនុស្សប្រុសបើសិនជាប៉ះសង្សារប្រភេទនេះគួរដកខ្លួនចេញជាបន្ទាន់ ព្រោះស្នេហានេះវាគ្មានតម្លៃឡើយ។ ហើយមនុស្សស្រីដែលចូលចិត្តស្រលាញ់មនុស្សប្រុសសម្លឹងមើលសម្ភារៈនិយមបែបនេះគឺតែងតែជួបមនុស្សដែលព្រាននារី សាវា បោកប្រាស់ ស្រលាញ់ស្រីសម្លឹងប្រាណដូចគ្នា។
មនុស្សស្រីមិនមែនសុទ្ធតែអាក្រក់ទាំងអស់នោះទេ មនុស្សស្រីមួយចំនួនក៏ល្អ ស្រលាញ់មនុស្សប្រុសមិនខ្វល់ពីឋានៈ យសសក្កិអ្វីឡើយ។ មនុស្សស្រីប្រភេទនេះបើមនុស្សប្រុសណាបាននាងធ្វើជាសង្សារឬប្រពន្ធគួរតែថែរក្សាកុំឲ្យរបូតពីដៃឲ្យសោះ ព្រោះនាងជាមនុស្សដែលអាចរស់នៅជាមួយអ្នកបានគ្រប់កាលៈទេសៈ ទោះបីជាអ្នកធ្លាក់ខ្លួលដល់កម្រិតណាក៏ដោយ ក៏នាងនៅតែតស៊ូជាមួយអ្នក និងមិនបោះបង់អ្នកចោលឡើយ។
មនុស្សស្រីប្រភេទនេះគឺនាងមិនដែលចាត់ទុកសម្ភារៈក្រៅខ្លួនសំខាន់ជាមនុស្សដែលនាងស្រលាញ់ឡើយ។ នាងមិនត្រូវការសម្ភារៈនិយមល្អៗ ទាន់សម័យ ថ្លៃៗ ឬ Brand Brand នោះទេ អ្វីដែលនាងត្រូវការចាំបាច់បំផុតពីមនុស្សដែលនាងស្រលាញ់គឺពេលវេលា។ ពេលវេលានៅក្បែរគ្នា សំខាន់សម្រាប់នាងជាងសម្ភារៈនិយមរាប់រយពាន់ដង ព្រោះនាងតែងតែសប្បាយចិត្តពេលបាននៅក្បែរមនុស្សដែលខ្លួនស្រលាញ់ ជាងការបានកាដូBrand ល្អៗពីមនុស្សដែលខ្លួនស្រលាញ់តែគ្មានពេលនៅក្បែរគ្នា។
មនុស្សប្រុសទាំងអស់ត្រូវចាំថា "មនុស្សស្រីដែលស្រលាញ់អ្នកខ្លាំងបំផុត នាងមិនត្រូវការអ្វីក្រៅពីពេលវេលានៅក្បែរអ្នកឡើយ"។ អ្នកត្រូវផ្តល់ពេលវេលា និង ស្នាមញញឹមទៅនាងឲ្យបានច្រើន ព្រោះនេះជាកាដូដែលនាងចង់បានបំផុតពីអ្នក។
អរគុណសម្រាប់ការអាន
សូមអភ័យទោសទុកជាមុននូវរាល់ពាក្យពេចន៍លើសលួសឬខ្វះខាតដោយប្រការណាមួយ
អត្ថបទដោយ: Mr. Fun Cambodia
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
