បុគ្គលល្បីក្នុងសង្គ្រាមលោកលើកទី២៖ August Landmesser បុរសម្នាក់គត់មិនលើកដៃគោរពតាមក្បួនរបស់ Hitler
ក្បួនគោរពលើកដៃម្ខាងទៅមុខ "sieg heil" (មានន័យថា "hail victory")ត្រូវគណបក្សណាស៊ីអនុម័តឲ្យប្រើនៅឆ្នាំ១៩៣០ដែលក្បួនលើកនេះទាំងកម្មករ ទាហាន ប្រជាជនអាល្លឺម៉ង់គ្រប់ជាន់ថ្នាក់ក្នុងសម័យនោះត្រូវតែគោរព ដើម្បីបង្ហាញអំពីការស្មោះស្ម័គ្រចំពោះគណៈបក្សណាស៊ី និងប្រជាជាតិអាល្លឺម៉ង់ទាំងមូល។
August Landmesser គឺជាជនជាតិអាល្លឺម៉ង់តែម្នាក់គត់ដែលមិនគោរពលើកដៃសតាមព្យុហយាត្រារបស់ ហ៊ីត្លែនៅឆ្នាំ១៩៣៦ថ្វីបើគាត់ពិតជាស្មោះស្ម័គ្រជាមួយគណបក្សណាស៊ីក៏ដោយ។ August Landmesser បានមកចូលរួមជាមួយគណបក្ស ណាស៊ីក្នុងឆ្នាំ១៩៣១ហើយចាប់ផ្ដើមធ្វើការតាមគោលគំនិតឲ្យស្ថានភាពនយោបាយរបស់ប្រទេសរីកចម្រើនរបស់ខ្លួន។ ២ឆ្នាំក្រោយមក Landmesser លង់ស្រឡាញ់កញ្ញា Irma Ecklerដែលជាស្រ្តីជនជាតិជ្វីសម្នាក់ដ៏ងប់ងល់ហើយរៀការនៅឆ្នាំ១៩៣៥។ ថ្មីបើគណបក្សណាស៊ីស្អប់ជនជាតិជ្វីបខ្លាំងហើយបើតាមគោលនយោបាយរបស់បក្សរូបគេមិនត្រូវអនុញ្ញាតិឲ្យស្រឡាញ់នោះទេ តែស្នេហាពិតមិនអាចឃាត់ឃាំងបានឡើយ។
បន្ទាប់ពីដឹងថា Landmesser ភ្ជាប់ពាក្យជាមួយស្រ្តីជនជាតិជ្វីប គាត់ត្រូវបានបណ្ដេញចេញពីសមាជិករបស់គណបក្សណាស៊ី។ Landmesser និង Eckler បានសម្រេចចិត្តដាក់ពាក្យស្នើសុំរៀបការនៅទីក្រុង Hamburg ប៉ុន្តែត្រូវបានបដិសេធក្រោមច្បាប់ Nuremberg ដែលត្រូវបានអនុម័តថ្មីខណៈច្បាប់ពីពេលមុនអាចរៀបការបាន។
មិនឲ្យរៀបការក៏ហើយទៅ! អ្នកទាំងពីររួមរស់ជាមួយគ្នារហូតបានកូនស្រីដំបូងឈ្មោះ Ingrid នៅឆ្នាំ១៩៣៥។ ហើយនៅខែមិថុនាឆ្នាំ១៩៣៦ លោក Landmesser និងកម្មកររួមទាំងកងទ័ពរាឆប់ម៉ឺននាក់ទៀតចាំបាច់ត្រូវលើកដៃគោរពក្បួនព្យុហយាត្រាកងទ័ពរបស់ ហ៊ីត្លែ តែលោកមិនខ្ចីធ្វើតាម។ ដោយធុញទ្រាន់ នឹងការឲ្យគោរពលើកដៃបែបនេះសឹងរាល់ថ្ងៃនៅឆ្នាំ១៩៣៧លោកបាននាំគ្រួសាចាកចេញពីអាល្លឺម៉ង់តម្រង់ទៅប្រទេសដាណឺម៉ាក។ ទៅដល់ព្រំដែនគាត់ត្រូវទាហានចាប់ឃុំខ្លួនពីបទ ប្រឆាំងការគោរពចំពោះជាតិអាល្លឺម៉ង់និងការរើសអើងជាតិសាសន៍ក្រោមច្បាប់ថ្មីរបស់ក្រុងNuremberg។
គាត់អាចរួចទោសវិញបើលែងលះជាមួយប្រពន្ធគាត់។ ប៉ុន្តែមិនអាចបោះបង់ចោលប្រពន្ធគាត់នោះទេ។ ការមិនធ្វើតាមសំណូមពររបស់គណបក្សណាស៊ី លោកត្រូវចាប់ឃុំខ្លួនក្នុងពន្ធនាគារដល់ទៅជិត៣ឆ្នាំក្នុងជំរំអ្នកទោសមួយ។ គាត់មិនអាចសូម្បីតែឃើញប្រពន្ធនិងកូនរបស់គាត់ម្ដងទៀតនោះទេ។ កងឈ្លបបានចាប់ប្រពន្ធរបស់គាត់ Eckler ដែលកំពុងតែពពោះកូនទី៣របស់ពួកគេ២ទៅ៣ខែហើយនោះរួមទាំងកូនស្រីច្បង២នាក់ទៀត។
ច្រើនខែក្រោយមកនាងបានសម្រួលកូនទី៣ក្នុងជំរំអ្នកទោសហើយកូនៗទាំងអស់ត្រូវបញ្ជូនទៅកងកុមាបន្ទាប់ពីកើតហើយ។ Eckler ត្រូវបានគេជឿថាបានជម្លៀសទៅកាន់ជំរំមួយទៀតរបស់ណាស៊ីឈ្មោះ "euthanasia center" ក្នុងឆ្នាំ១៩៤២ដែលកន្លែងនោះហើយនាងត្រូវបានសម្លាប់ជាមួយជនជាតិជ្វីបដទៃទៀតចំនួន១៤០០០នាក់។
បន្ទាប់ពីចាកចេញពីពន្ធនាគារ Landmesser បានធ្វើការ២ទៅ៣កន្លែងមុនពេលគាត់ចូលធ្វើទាហានចកបាំងក្នុងសមរភូមិនៅឆ្នាំ១៩៤៤។២ទៅ៣ខែក្រោយមក គាត់ត្រូវបានគេបញ្ជាក់ថាបានបាត់ខ្លួនក្នុងការប្រយុទ្ធមួយនៅប្រទេសក្រូអាត។ មួយឆ្នាំក្រោយមកដោយបាត់ខ្លួនលែងឃើញលោកព្រមមិនអាចរកឃើញភ័ស្តុតាងនានា លោកមត្រូវបានបញ្ជាក់ពីរដ្ឋាភិបាលអាល្លឺម៉ង់ថាស្លាប់ក្នុងសង្គ្រាមលោកលើកទី២បាត់ទៅហើយ៕
រក្សាសិទ្ធដោយ៖ Knongsrok.com
ព័ត៌មានថ្មីៗ
