Carrasco បានត្រឡប់មកចូលរួមជាមួយ Atletico Madrid ហើយ Arsenal បានខ្ចីខ្សែរការពារម្នាក់ពីក្លឹប….
Yannick Carrasco បានត្រឡប់មកចូលរួមជាមួយ Atletico Madrid ម្តងទៀត។បន្ទាប់ពីក្លឹបDalian Yifang នៅលីគកំពូលចិនបានខ្ចីជើង។
កីឡាករសញ្ជាតិប៊ែលហ្សិក Carrasco បានហ្វឹកហាត់ជាមួយ Atletico មុនពេលបញ្ជាក់ពីកិច្ចព្រមព្រៀងដែលត្រូវបានប្រកាសនៅថ្ងៃសុក្រនេះហើយគ្រូបង្វឹក Simeone សង្ឃឹមថានឹងអាចកោះហៅរូបគេលេងនៅក្នុងជំនួប LaLiga ជាមួយគូប្រជែង Real Madrid នៅ Santiago Bernabeu នៅថ្ងៃសៅរ៍។
កីឡាករវ័យ ២៦ ឆ្នាំរូបនេះបានចាកចេញពី Monaco មកចូលរួមជាមួយ Atletico ក្នុងឆ្នាំ ២០១៥ និងបានចាកចេញទៅលេងនៅ Dalian នៅលីគកំពូលចិនកាលពីខែកុម្ភះឆ្នាំ ២០១៨ ប៉ុន្តែពេលនេះលោក Simeone រីករាយដែលបាន Carrasco ត្រឡប់មកវិញ។
លោក Simeone មានប្រសាសន៍ថា៖ « Carrasco រំភើបណាស់ហើយចង់ត្រឡប់មកទីនេះវិញ។ “ ខ្ញុំចង់ឲ្យ គាត់មកជាមួយការប្តេជ្ញាចិត្តដូចយើងបាននិយាយតាមទូរស័ព្ទ។ ខ្ញុំចូលចិត្តបំណងរបស់ Carrasco ចង់មកលេងនៅ Atletico ។ នេះគឺជាជំហានសំខាន់សម្រាប់អ្វីដែលអាចកើតឡើងបន្ទាប់។
ក្រុមកាំភ្លើងធំ Arsenal បានខ្ចី Cedric Soares ពី Southamptonដើម្បីបង្កើនការការពាររបស់ពួកគេ
ក្រុមកាំភ្លើងធំ Arsenal បានបញ្ជាក់ថាកីឡាករ Cedric Soares នឹងចូលរួមជាមួយក្លឹប ក្នុងការខ្ចីជើងពី Southampton រហូតដល់ចុងបញ្ចប់នៃរដូវកាលនេះ។
ខ្សែការពារព័រទុយហ្កាល់រូបនេះនឹងមកពង្រឹងតំបន់ការពារបន្ថែមទៀតដោយ Arsenal កំពុងមានបញ្ហានៅតំបន់ការពារខ្លាំង។
Cedric Soares បាននិយាយថា Arsenal គឺជាក្រុមកំពូលមួយ។ ពួកគេគឺជាក្លិបល្អណាស់ហើយមានអ្នកគាំទ្រអស្ចារ្យផងដែរ។“សម្រាប់ខ្ញុំវាពិតជារីករាយដែលបានមកទីនេះ។ ដូចអ្វីដែលខ្ញុំបាននិយាយអញ្ចឹងវាជាក្តីសុបិន្តក្លាយជាការពិតព្រោះខ្ញុំតែងតែគិតអំពីការមកទីនេះហើយស្រមៃថាវានឹងកើតឡើងពិតជាអស្ចារ្យមែន”។
ហើយ Cedric បានបង្ហាញខ្លួនចំនួន ៣៣ ដងអោយព័រទុយហ្កាល់ឈ្នះយូរ៉ូឆ្នាំ ២០១៦ និងបានបង្ហាញខ្លួនក្នុងព្រឹត្តិការណ៍បាល់ទាត់ពិភពលោកឆ្នាំ ២០១៨ ។
ប្រភព: foxsportsasia.com
ព័ត៌មានថ្មីៗ
