លោក Zidane ឈឺក្បាលខ្ទោកៗក្រោយខ្សែប្រយុទ្ធ២រូបអវត្តមានក្នុងពាន Spanish Supercopa នៅអារ៉ាប៊ីសាអូឌីត
ក្លិបស្ដេចស Real Madrid នឹងលេងពានរង្វាន់ Spanish Supercopaដោយគ្មាន Karim Benzema និង Gareth Bale ក្នុងសប្ដាហ៍នេះខណៈពានរង្វាន់មួយនឹងលេងនៅប្រទេសអារ៉ាប់ប៊ីសាអូឌីត។
ស្របពេលដែល Eden Hazard បានស្ថិតក្នុងបញ្ជីក្រៅទីលានរួចទៅហើយនោះ Madrid បានបន្ថែមរឿងឈឺក្បាលបន្តទៀតដោយសារជម្រើសក្នុងតំបន់ប្រយុទ្ធត្រូវអវត្តមាន។ Benzema មានបញ្ហារបួសសរសៃពួរហើយនឹងមិនធ្វើដំណើរទៅកាន់ទឹកដីអារ៉ាប់ប៊ីសាអូឌីតនោះទេ។ ជាមួយគ្នាននេះដែរ Gareth Bale ក៏ត្រូវអវត្តមានដោយសារឆ្លងជំងឺ។
Real Madrid នឹងត្រូវជួប Valencia ក្នុងវគ្គពាក់កណ្ដាលផ្ដាច់ព្រ័ត្រនៅថ្ងៃពុធនេះ។ក្រុមដែលឈ្នះនឹងត្រូវជួបក្រុមមួយរវាង Barceona ឬក៏ Atletico Madrid ក្នុងពាន Supercopa វគ្គផ្ដាច់ព្រ័ត្រ៕
ព័ត៌មានថ្មីៗ
