គ្រូបង្វឹកវៀតណាមថា មិនបានបញ្ជូនក្រុមស៊ើបការណ៍ទៅលួចថតក្រុមកម្ពុជាហ្វឹកហាត់ទេ
ក្រុមជម្រើសជាតិ U22វៀតណាមនឹងត្រូវជួបក្រុម U22កម្ពុជាក្នុងវគ្គពាក់កណ្ដាលផ្ដាច់ព្រ័ត្រវិញ្ញាសាបាល់ទាត់ក្នុងស៊ីហ្គេម២០១៩ខណៈជួបគ្នានេះដែរ គ្រូបង្វឹកវៀតណាមលោក Park Hang-Seo ថាកម្ពុជាមានចំណុចមួយល្អជាងវៀតណាម។
ក្នុងសន្និសីទកាសែតមុនការប្រកួតកាលពីថ្ងៃមិញ! គ្រូបង្វឹកសញ្ជាតិកូរ៉េខាងត្បូងរូបនេះនិយាយថា៖ " ការប្រកួតជាមួយកម្ពុជានៅថ្ងៃស្អែកគឺពិតជាមានអត្ថន័យ នឹងជាការប្រកួតដ៏លំបាកមួយ។បើយើងឈ្នះយើងនឹងឡើងទៅវគ្គផ្ដាច់ព្រ័ត្រហើយវាជាការប្រកួតដែលលំបាកពីព្រោះកម្ពុជាស្ថិតក្នុងពូលA"។
" ដូច្នេះពួកគេលេងតិចជាងយើងមួយប្រកួតហើយពួកគេចំណេញបានមួយថ្ងៃដើម្បីសម្រាក តែយើងនឹងប្រឹងប្រែងរាល់អ្វីៗទាំងអស់សម្រាប់ថ្ងៃស្អែក"។
"យើងគោរពក្រុមកម្ពុជាយើងមិនដែលបញ្ជូនក្រុមស៊ើបការណ៍ណាទៅយកព័ត៌មានពីក្រុមដទៃទៀតនោះទេ។ ពួកយើងរវល់ជាមួយការងារយើងដូច្នេះយើងមិនបានស៊ើបការពីក្រុមកម្ពុជាទេ"៕
ព័ត៌មានថ្មីៗ
