គិតត្រឹមរសៀលនេះកម្ពុជាបានមេដាយសរុប១៣គ្រឿងហើយខណៈការប្រកួតលើវិញ្ញាសាផ្សេងៗកំពុងបន្ត
ក្រុមជម្រើសជាតិកម្ពុជាដែលទៅចូលប្រកួតប្រកួតក្នុងព្រឹត្តិការណ៍ SEA Games 2019 នៅប្រទេសហ្វីលីពីន គិតមកត្រឹមម៉ោង២និង៣០នាទីនេះទទួលបានមេដាយសរុប១៣គ្រភងហើយដែលក្នុងនោះបានមេដាយមាស១ ប្រាក់៣ និងសំរឹទ្ធិ៩គ្រឿង។
នៅថ្ងៃទី០២ខែធ្នូនេះកីឡាករ យ៉ុង ម៉េងលី បានទទួលមេដាយមាសក្នុងការប្រកួតកីឡាដំបងខ្លី Arnis លើវិញ្ញាសា Padded Stick ទម្ងន់៦០-៦៥គីឡូក្រាម ក្រោយយកឈ្នះម្ចាស់ផ្ទះហ្វីលីពីន VALENZUELA BILLY JOEL នៅវគ្គផ្តាច់ព្រ័ត្រហើយវាជាមេដាយមាសតែមួយគត់ដែលកម្ពុជាទទួលបានដំបូងគេ។ ចំណែកមេដាយប្រាក់ ២គ្រឿងបានមកពីការប្រកួតលើវិញ្ញាសាប្រកួតកីឡា Arnis ដែលកីឡាប្រពៃណីហ្វីលីពីន ខណៈមួយទៀតបានលើវិញ្ញាសាសីដក់។
ក្រុមម្ចាស់ផ្ទះហ្វីលីពីនកំពុងឈរលើគេនៃតារាងមេដាយដោយមានសរុប ៥៤គ្រឿង មេដាយមាស ២៨គ្រឿង ប្រាក់ ១៧ និងសំរឹទ្ធិ៩គ្រឿង។ វៀតណាមឈរលេខ២មានមេដាយសរុប៤០គ្រឿង ឥណ្ឌូណេស៊ី ២១គ្រឿង ថៃ២៣គ្រឿង ម៉ាឡេស៊ី ១១ សិង្ហបុរី១២គ្រឿងខណៈប្រទេសដែលមិនទាន់មានមេដាយគឺទីម័រខាងកើត៕
ព័ត៌មានថ្មីៗ
