ហេតុអ្វីមនុស្សស្រីខ្ជិល បែរជាមានសុភមង្គលក្នុងអាពាហ៍ពិពាហ៍ទៅវិញ?
ក្នុងសម័យទំនើបនេះ គេអាចសង្កេតឃើញថា ស្ត្រីខ្ជិលមានសុភមង្គលជាងមនុស្សស្រីដែលឧស្សាហ៍ព្យាយាម និងលះបង់ដើម្បីគ្រួសារទៅទៀត។ វាអាចស្តាប់ទៅមិនទំនង តែចំពោះរឿងនេះគឺជាការពិត ព្រោះស្រ្តីដែលខ្ជិលពិតជាអាចរក្សាអាពាហ៍ពិពាហ៍អោយស្ថិតស្ថេរបានមែន នោះគឺតាមរយៈសកម្មភាព២យ៉ាងខាងក្រោមនេះ៖
១.ស្ត្រីខ្ជិលក្នុងជីវិតអាចធ្វើឱ្យស្វាមីមានអារម្មណ៍ជោគជ័យជាង៖ ជាប្រពៃណី បុរសតែងតែត្រូវបានគេមើលឃើញថាជាអ្នករកលុយក្នុងគ្រួសារ។ សភាវគតិធម្មជាតិរបស់ពួកគេធ្វើឱ្យពួកគេមានអារម្មណ៍ទទួលខុសត្រូវក្នុងការរកប្រាក់ ហើយអាជីពជាញឹកញាប់ត្រូវបានគេដាក់ជាអាទិភាពកំពូល។ ជោគជ័យ ឬ បរាជ័យក្នុងការងារមិនត្រឹមតែប៉ះពាល់ដល់ហិរញ្ញវត្ថុរបស់ពួកគេប៉ុណ្ណោះទេ ថែមទាំងការជឿជាក់លើខ្លួនឯងទៀតផង។ នៅពេលដែលបុរសរៀបការជាមួយនារីដែលមានសមត្ថភាពជាង ធ្វើការកាន់តែមានប្រសិទ្ធភាព និងរកប្រាក់ចំណូលបានកាន់តែច្រើន បុរសអាចមានអារម្មណ៍ថាមានការគាបសង្កត់ យល់ថាខ្លួនអន់ គ្មានសមត្ថភាព ហើយថែមទាំងលែងមានទំនុកចិត្តលើខ្លួនឯងទៀតផង។ ជារឿយៗបុរសមិនចង់រស់នៅក្នុងកម្រិតនៃប្រពន្ធរបស់ពួកគេ ហើយពិបាកទទួលយកថាសមត្ថភាពរបស់ពួកគេទាបជាងប្រពន្ធណាស់។ ជាឧទាហរណ៍ ក្នុងរឿង Perfect Relationship តួឯកស្រី Stella គឺជាស្ត្រីរឹងមាំម្នាក់ ដែលគ្រប់គ្រងក្រុមហ៊ុន និងថែរក្សាហិរញ្ញវត្ថុគ្រួសារ។ ទន្ទឹមនឹងនេះ ប្តីគាត់ត្រឹមតែជាអ្នកមើលថែគ្រួសារតែប៉ុណ្ណោះ។ ទោះជាយ៉ាងណាក៏ដោយយូរ ៗ ទៅគាត់សម្រេចចិត្តក្បត់នាងទៅរកនារីម្នាក់ទៀតដោយសារតែអារម្មណ៍នៃតម្លៃខ្លួនឯង ការជឿជាក់លើខ្លួនឯងនិងតួនាទីនៅក្នុងអាពាហ៍ពិពាហ៍ត្រូវបានខូចខាត។ ប្រសិនបើស្ត្រីឆ្លាតដឹងរឿងនេះនាងនឹងដឹងពីរបៀប "ខ្ជិល" បន្តិចហើយផ្ទេរការទទួលខុសត្រូវផ្នែកហិរញ្ញវត្ថុទៅប្តីរបស់នាង។ បន្ទាប់មក បុរសនឹងមានការលើកទឹកចិត្តឱ្យខិតខំធ្វើការឱ្យកាន់តែមានអារម្មណ៍ថាខ្លួនជាមេគ្រួសារពិតប្រាកដ ខណៈដែលស្ត្រីនៅតែអាចសម្រាក និងរីករាយនឹងជីវិតជព្រះនាង។
២.ស្ត្រីខ្ជិលធ្វើកិច្ចការផ្ទះ បុរសនឹងទទួលខុសត្រូវជាង៖ ក្នុងជីវិតគ្រួសារ មានកិច្ចការផ្ទះតូចៗរាប់មិនអស់ ដូចជាការបង្រៀនកូន ការមើលថែឪពុកម្ដាយដែលមានវ័យចំណាស់ រក្សាទំនាក់ទំនងជាមួយសាច់ញាតិ មិត្តភ័ក្តិ មិត្តរួមការងារ។ល។ ប្រសិនបើស្ត្រីតែងតែចង់គ្រប់គ្រងអ្វីៗគ្រប់យ៉ាង ចាប់ពីការសម្រេចចិត្តធំរហូតដល់រឿងតូចបំផុត ស្ថានភាពនឹងកាន់តែតានតឹង។ សូម្បីតែពេលបុរសចូលរួមធ្វើការងារផ្ទះ ប្រពន្ធអាចនឹងមិនអោយប្តីធ្វើព្រោះគិតថាគាត់មិនពូកែ។ តែយូរៗទៅ នេះនឹងធ្វើឱ្យបុរសមានអារម្មណ៍ថាពួកគេមិនចាំបាច់ចូលរួមជួយប្រពន្ធទេ ជាហេតុក្លាយទៅជាទម្លាប់នាំឱ្យពួកគេកាន់តែព្រងើយកន្តើយនឹងបញ្ហាគ្រួសារ។ នៅពេលដែលស្ថានភាពនេះនៅតែបន្តកើតមាន ស្ត្រីមានទំនោរត្អូញត្អែរថាប្តីរបស់ពួកគេតែងតែលេងទូរស័ព្ទ មិនខ្វល់ពីកូនរបស់ពួកគេ និងមិនខ្វល់ជាមួយការងារផ្ទះ។ ទោះជាយ៉ាងណាក៏ដោយ នៅពេលដែលទម្លាប់មួយត្រូវបានបង្កើតឡើង វាពិតជាលំបាកណាស់ក្នុងការផ្លាស់ប្តូរ។ ការត្អូញត្អែរមិនអាចជួយបុរសឱ្យត្រឡប់ទៅធ្វើកិច្ចការផ្ទះវិញទេ ព្រោះពួកគេនៅឆ្ងាយពីការទទួលខុសត្រូវនោះយូរពេក។ ផ្ទុយទៅវិញ ស្ត្រីមានប្រាជ្ញាយល់ថាគ្រួសារជារបស់អ្នកទាំងពីរ ដូច្នេះការងារផ្ទះក៏ត្រូវចែករំលែកដែរ។ ជំនួសឱ្យការទទួលយកអ្វីគ្រប់យ៉ាង ពួកគេសុខចិត្តឱ្យស្វាមីចូលរួមជួយដោះស្រាយបញ្ហា។ នេះជួយបុរសមានអារម្មណ៍ថាតួនាទីរបស់ពួកគេកាន់តែសំខាន់ ដោយហេតុនេះបង្កើតអារម្មណ៍នៃការទទួលខុសត្រូវចំពោះគ្រួសារ។ នៅពេលដែលយើងយល់ពីគោលការណ៍ផ្លូវចិត្តនេះ វាកាន់តែងាយស្រួលសម្រាប់យើងក្នុងការកសាងជីវិតដ៏រីករាយ។ ការចែករំលែកទំនួលខុសត្រូវមិនត្រឹមតែជួយកាត់បន្ថយបន្ទុកលើស្ត្រីប៉ុណ្ណោះទេ ថែមទាំងធ្វើឱ្យបុរសកាន់តែមានភាពស្និទ្ធស្នាល និងស្រលាញ់គ្រួសាររបស់ពួកគេថែមទៀត៕
ព័ត៌មានថ្មីៗ
