អាចគ្រប់គ្រង ៣ យ៉ាងនេះបាន ទើបពាក់កណ្ដាលជីវិតរហូតដល់ចាស់ អ្នកមានសំណាង ទទួលបានពរជ័យកាន់តែច្រើន
បើចង់ឱ្យចាប់ពីពាក់កណ្ដាលជីវិតរហូតដល់ចាស់ទៅ ទទួលបានពរជ័យ និងលាភសំណាងច្រើន ត្រូវចេះគ្រប់គ្រងលើ ៣ យ៉ាងនេះឱ្យបានល្អ ទើបជីវិតអ្នកបានល្អប្រសើរពេលចាស់ទៅ។
១) គ្រប់គ្រងមាត់ឱ្យបានល្អ៖ បុរាណបានបង្រៀនថា៖ ប្រាជ្ញាកើតចេញពីការស្តាប់ ហើយកំហុស និងភាពសោកស្ដាយកើតចេញពីការនិយាយ។ អ្នកណាមាត់នៅមិនចេះស្ងៀមស្ងាត់នឹងជួបតែរឿងអកុសល។ ពាក្យគឺងាយស្រួលក្នុងការនិយាយណាស់ គ្រលាស់តែអណ្ដាតក៏និយាយចេញបានដែរ។ ទោះយ៉ាងណាក៏ដោយ ពាក្យអាក្រក់នឹងនាំមកនូវគ្រោះមហន្តរាយជាច្រើនដល់អ្នក។ ដូច្នេះមិនថាអ្នកស្ថិតក្នុងដំណាក់កាលណាទេ ចូររៀនគ្រប់គ្រងមាត់ឱ្យបានល្អ។ នោះមានន័យថា អ្នកត្រូវតែគ្រប់គ្រងរាល់ប្រយោគ រាល់ពាក្យដែលអ្នកនិយាយ។ ទាំងនេះគឺជាកម្រាលដែលត្រួសត្រាយផ្លូវនៅក្រោមជើងរបស់អ្នក។ បុគ្គលមានប្រាជ្ញាអាចធ្វើការងារតិចតួច ប៉ុន្តែទទួលបានប្រយោជន៍ច្រើន។ បុគ្គលដែលនិយាយពាក្យមិនល្អនឹងនាំឱ្យមានគ្រោះមហន្តរាយដល់ខ្លួន។
២) គ្រប់គ្រងរាងកាយឱ្យបានល្អ៖ កាលណាមនុស្សរស់នៅដោយមិនមានការអត់ធ្មត់ ចេះតែខ្ជះខ្ជាយខ្លួនប្រាណ នោះប្រាកដជាមានជំងឺចូលមក ហើយពរជ័យក៏នឹងត្រូវបាត់បង់ដែរ។ មនុស្សជាច្រើនតែងតែជប់លៀង ទទួលទានអាហារ និងទំនាក់ទំនងសង្គមជាមួយមនុស្សជាច្រើនពេលកំពុងធ្វើការ ដូច្នេះវាពិបាកក្នុងការបដិសេធគ្រឿងស្រវឹងណាស់។ ប៉ុន្តែដោយសារតែបែបនេះហើយ ទើបសុខភាពរបស់ពួកគេធ្លាក់ចុះជាលំដាប់ ហើយពេលទៅជួបពេទ្យក៏ដឹងថាមានជំងឺច្រើនមុខ។ មនុស្សជាច្រើនទទួលយកការបោះបង់ការងារដើម្បីការពារសុខភាពរបស់ពួកគេ។ ដើម្បីកសាងឧត្តមគតិ អ្នកត្រូវតែកសាងមូលដ្ឋានគ្រឹះនៃសុខភាពជាមុនសិន។
៣) គ្រប់គ្រងចិត្តឱ្យបានល្អ៖ សត្រូវដ៏ធំបំផុតរបស់យើងក្នុងជីវិតគឺខ្លួនយើង។ រាងកាយរបស់យើងមានកម្រិត ប៉ុន្តែចិត្តគំនិត និងបំណងប្រាថ្នារបស់យើងគឺគ្មានព្រំដែនទេ។ ពួកវាអាចក្លាយជាអវយវៈគ្មានបាត ដែលអាចលេបអ្វីៗគ្រប់យ៉ាង ឬអាចបំប៉ោង និងបំភ្លៃអ្វីៗទាំងអស់។ នៅពេលដែលមនុស្សរស់នៅដោយមានទំនុកចិត្តលើគំនិតរបស់ពួកគេ និងខ្វល់ខ្វាយពីអ្នកដទៃ វាពិតជានឹងជួយអ្នកឱ្យត្រូវបានគេស្រឡាញ់កាន់តែច្រើនឡើង។ ប៉ុន្តែកុំឱ្យចិត្តសម្រេចចិត្តគ្រប់យ៉ាង ព្រោះចិត្តមនុស្សតែងតែមិនអាចគ្រប់គ្រងបានដោយងាយឡើយ។ បើយើងមិនយល់ខ្លួនឯងច្បាស់ទេ ការយល់ខុសទាំងនោះនឹងធ្វើឱ្យអ្នកបាត់បង់អ្វីៗជាច្រើន។ ប្រសិនបើអ្នកមិនគ្រប់គ្រងមាត់របស់អ្នកទេ អ្នកនឹងនាំគ្រោះមហន្តរាយមកលើខ្លួនអ្នកយ៉ាងងាយ។ ប្រសិនបើអ្នកមិនថែរក្សាសុខភាពទេ អ្នកនឹងបាត់បង់ទ្រព្យសម្បត្តិដែលមិនអាចកាត់ថ្លៃបាន។ ប្រសិនបើអ្នកមិនអាចគ្រប់គ្រងចិត្តរបស់អ្នកបានទេ អ្នកតែងតែត្រូវបានគ្រប់គ្រងដោយអារម្មណ៍ នាំអ្នកឱ្យវង្វេង បាត់បង់ស្មារតី៕
ព័ត៌មានថ្មីៗ
