មនុស្សស្រីបើអាច មិនបាច់ធ្វើដឹងច្រើនពេកទេ ដឹងច្រើនទុក្ខច្រើន វេទនាតែខ្លួនឯងប៉ុណ្ណោះ
មនុស្សស្រី អាចនិយាយបានថា អ្នកគឺជាភាគីដែលមានភាគរយខ្ពស់បំផុតដែលនឹងត្រូវរងគ្រោះ រងការឈឺចាប់ ដូច្នេះហើយ មានរឿងជាច្រើនដែលអ្នកគួរតែដឹងឱ្យច្បាស់ រឿងខ្លះ ធ្វើល្ងង់ៗគឺជារឿងល្អ មិនបាច់គិត មិនបាច់ខ្វល់ ទើបជាសុភមង្គលពិត។
១) ខ្វាយខ្វល់កាន់តែតិច ទទួលបានក្ដីស្រឡាញ់កាន់តែច្រើន៖ មនុស្សស្រីអ្នកត្រូវដឹងថា អ្នកកាន់តែយល់ចិត្តគេ គេស្រឡាញ់អ្នកកាន់តែតិច ព្រោះគេដឹងថាទោះបីជាគេព្រងើយកន្តើយនឹងនាងក៏ដោយ ក៏នាងមិនខឹង និងមិនបង្កបញ្ហាដោយគ្មានហេតុផលដែរ។ មនុស្សស្រីកាន់តែមានភាពធន់ មនុស្សឱ្យតម្លៃអ្នកកាន់តែតិច ព្រោះពួកគេដឹងថា ទោះបីជាវាលំបាកយ៉ាងណា ក៏នាងអាចយកឈ្នះវាបានដែរ។ ការយល់ចិត្តមនុស្សស្រីកាន់តែច្រើន នាងកាន់តែមានភាពអត់ធ្មត់ចំពោះមនុស្សជុំវិញខ្លួន និងអ្វីៗជាច្រើន ហើយដោយសារតែនោះ មនុស្សកាន់តែច្រើនកាន់តែស៊ាំនឹងការខ្វាយខ្វល់របស់នាង។ ហេតុនេះ កុំមានចិត្តល្អពេក វានឹងធ្វើឱ្យមនុស្សជុំវិញខ្លួនមិនចេះស្រលាញ់ និងឱ្យតម្លៃអ្នក។
២) កុំមានចិត្តទូលាយពេក កុំខ្វល់គិតពីអ្នកដទៃពេក៖ ក្នុងជីវិតអ្នកគួរមានចិត្តសប្បុរស តែកុំចិត្តល្អ ទូលាយខ្លាំងពេក។ អ្នកគួរមានចរិតឆេវឆាវ ប៉ុន្តែកុំឆេវឆាវពេក។ កុំគិតពីអ្នកដទៃគ្រប់យ៉ាងពេក ព្រោះគេមិនដែលគិតពីអារម្មណ៍របស់អ្នកឡើយ។ ការលំបាករបស់អ្នក ទុក្ខសោករបស់អ្នក មានមនុស្សតិចណាស់ដែលសុខចិត្តយល់ សូម្បីតែពាក្យលួងលោមក៏ដោយ។ បើអ្នកតែងតែគិតពីអ្នកដទៃក្នុងរឿងគ្រប់យ៉ាងបន្តិចម្តងៗ គេនឹងទទួលយកវាទៅដោយឥតប្រយោជន៍ ទោះបីជាថ្ងៃណាមួយអ្នកមិនអាចទ្រាំបានទៀតក៏ដោយ អ្នកយំ អ្នកហត់នឿយ ក៏គេមិនខ្វល់ ឬអាណិតអ្នកដែរ។ ដូច្នេះស្ត្រីមានប្រាជ្ញាគួរយល់ពីចំណុចនេះ ដើម្បីចៀសវាងការឈឺចាប់ដែលមិនចាំបាច់។
៣) មនុស្សស្រីលះបង់ច្រើន ច្រើនតែគ្មានផលល្អ៖ ក្នុងនាមជាមនុស្សស្រី កុំលះបង់ច្រើនពេក ព្រោះក្នុងជីវិតគ្មានអ្វីត្រជាក់ជាងភាពត្រជាក់នៃចិត្តមនុស្សឡើយ។ អ្នកជួយគេដប់ដង ប៉ុន្តែថ្ងៃមួយពេលអ្នកមិនជួយគេ អ្នកនឹងក្លាយជាមនុស្សអាក្រក់ភ្លាម។ ពាក្យចាស់ពោលថា "ឱ្យអង្ករតែមួយគ្រាប់ក៏ក្លាយជាអ្នកមានគុណ" ពាក្យចាស់មិនដែលខុស។ ដូច្នេះ កុំផ្តល់អ្វីគ្រប់យ៉ាងឱ្យអ្នកដទៃអស់ពីខ្លួន រក្សាមោទនភាព និងស្រឡាញ់ខ្លួនឯងបន្តិច។ ស្ត្រីមានប្រាជ្ញាមិនគួរសេពគប់នឹងមនុស្សដែលចង់បានតែពីអ្នកនោះឡើយ។ ប្រសិនបើអ្នកបានឆ្លងកាត់ផ្លូវរួចហើយ អ្នកគួរតែប្រយ័ត្នឱ្យបានច្រើន។
៤) រក្សាសម្ដីជាមួយមនុស្សស្មោះបានហើយ៖ ក្នុងនាមជាស្ត្រី អ្នកគួរចេះបែងចែកខុសត្រូវឱ្យច្បាស់ក្នុងជីវិត។ កុំធ្វើបាបមនុស្សដែលល្អនឹងអ្នក កុំល្អនឹងមនុស្សដែលធ្វើបាបអ្នក។ ចូររក្សាការសន្យា ពាក្យសម្ដី រក្សាការបារម្ភរបស់អ្នកចំពោះអ្នកដែលមានចិត្តស្មោះ និងមានតម្លៃពិតប្រាកដ។ រក្សាចិត្តស្មោះចំពោះអ្នកដែលដឹងគុណ រក្សាចិត្តស្មោះចំពោះអ្នកដែលឱ្យតម្លៃអ្នក។ ច្បាប់នៃសង្គមនេះ គឺអ្នកកាន់តែយល់ពីគេ គេកាន់តែមិនសូវខ្វល់ពីអ្នក អ្នកកាន់តែខ្វលពីគេ នោះគេស្រឡាញ់អ្នកកាន់តែតិច។ ក្នុងនាមជាមនុស្សស្រី ការយល់ចិត្តអ្នកដទៃពេកនឹងធ្វើឱ្យអ្នកឈឺចាប់ថែមទៀត។ ដូច្នេះស្ត្រីក្នុងជីវិតមិនគួររស់នៅដោយយល់ចិត្តអ្នកដទៃពេកទេ កុំយកការខាតបង់ទាំងអស់មកដាក់លើខ្លួនឯងឱ្យសោះ៕
ព័ត៌មានថ្មីៗ
