បើចង់ក្លាយជាអ្នកមានលឿន ត្រូវចេះទទួលយករឿង៤យ៉ាងនេះ
បើមនុស្សចង់ក្លាយជាអ្នកមានត្រូវតែជាមនុស្សឧស្សាហ៍ព្យាយាម មានការតស៊ូខ្ពស់ រៀនចេះគ្រប់គ្រងអារម្មណ៍ខ្លួនឯង។ អារម្មណ៍គ្រាន់តែជាផ្នែកមួយនៃជីវិត តែប្រសិនបើអ្នកមិនអាចគ្រប់គ្រងវាបាន អ្នកក៏មិនអាចគ្រប់គ្រងជីវិត និងអនាគតរបស់ខ្លួនបានទេ! ខាងក្រោមនេះគឺជាចំណុច៤យ៉ាង ដែលអ្នកត្រូវតែទទួលយកដាច់ខាត ប្រសិនបើអ្នកចង់ក្លាយជាអ្នកមាន សម្បូរទ្រព្យទៅថ្ងៃមុខ៖
១.បាត់បង់និចលភាពរបស់អ្នក៖ ជារឿយៗយើងមានគម្រោងក្រោកពីគេងនៅម៉ោង 6 ព្រឹក ហាត់ប្រាណ និងញ៉ាំអាហារ។ ប៉ុន្តែនៅម៉ោង 6 ព្រឹកអ្នកបែរជាមិនចង់ក្រោកពីដំណេកទេ ដែលធ្វើអោយវាក្លាយជាទម្លាប់អាក្រក់។ ការទុកឱ្យខ្លួនអ្នករស់នៅដោយសុខស្រួលនឹងដូចជាទឹកហូរយ៉ាងលឿននឹងរំសាយមហិច្ឆតារបស់មនុស្សបន្តិចម្តងៗ។ មានតែឧបសគ្គ និងភាពលំបាកប៉ុណ្ណោះ ដែលជាធុងទឹកត្រជាក់ ដើម្បីធ្វើឲ្យចិត្តរបស់យើងស្រស់ស្រាយ។ នៅពេលអ្នកទទួលបានទ្រព្យសម្បត្តិ អ្នកនឹងក្រឡេកមើលទៅអតីតកាលនៃការបរាជ័យ ដែលទាំងអស់នេះកើតឡើងដោយសារតែខ្លួនអ្នកមិនអាចយកឈ្នះលើភាពនិចលភាពផ្ទាល់ខ្លួនរបស់អ្នក។
២.គ្រប់គ្រងកំហឹងរបស់អ្នក៖ បើអ្នកចង់ក្លាយជាអ្នកមានត្រូវតែរៀនគ្រប់គ្រងអារម្មណ៍ខ្លួនឯង។ ប្រសិនបើអ្នកមិនអាចគ្រប់គ្រងវាបាន អ្នកមិនអាចគ្រប់គ្រងជីវិតបានទេ។មនុស្សខ្លាំង គឺជាមនុស្សដែលចេះគ្រប់គ្រងអារម្មណ៍របស់ខ្លួន ពួកគេចេះអត់ធ្មត់ និងមិនឆាប់ខឹង។ មនុស្សដែលអាចធ្វើរឿងនេះបាន ក៏អាចធ្វើកិច្ចការធំទៅថ្ងៃក្រោយបានដែរ ព្រោះការអត់ធ្មត់ខ្ពស់គឺជាស្ពានអាចជួយចម្លងពួកគេទៅកាន់ភាពជោគជ័យបាន។
៣.ពឹងលើសមត្ថភាពខ្លួនឯង៖ ក្នុងជីវិតនេះ អ្នកគ្រាន់តែត្រូវរៀនរស់នៅដោយឯករាជ្យ និងពឹងផ្អែកលើខ្លួនឯង ទើបក្លាយជាអ្នកមាន។ ជាការពិតណាស់ អ្នកអាចស្វែងរកជំនួយពីអ្នកដទៃ ប៉ុន្តែកុំពឹងផ្អែកលើពួកគេខ្លាំងពេក បើមិនដូច្នេះទេ អ្នកនឹងមិនអាចបង្កើតទ្រព្យសម្បត្តិផ្ទាល់ខ្លួនរបស់អ្នកបានទេ។ នៅលើផ្លូវទៅកាន់ទ្រព្យសម្បត្តិ លុះត្រាតែអ្នកមានកម្លាំងគ្រប់គ្រាន់ ទើបអ្នកអាចបើកប្រអប់កំណប់ និងទទួលបានទ្រព្យសម្បត្តិដែលអ្នករំពឹងទុក។
៤.ឈប់ត្អូញត្អែរ៖ ជីវិតនេះមិនងាយស្រួលនោះទេ ប៉ុន្តែពេលជួបការលំបាក អ្នកខ្លះជ្រើសរើសត្អូញត្អែរ អ្នកខ្លះទៀតជ្រើសរើសទទួលយកបញ្ហាដោយសុទិដ្ឋិនិយម។ តែត្រូវដឹងថាការត្អូញត្អែរនឹងធ្វើឱ្យអ្នកបាត់បង់ថាមពលប៉ុណ្ណោះ។ ត្រូវដឹងថាអ្នកមាន គេកម្រនឹងត្អូញត្អែរណាស់ព្រោះពួកគេដឹងថាបើធ្វើបែបនេះនឹងជម្រុញអោយស្ថានភាពរបស់ពួកគេកាន់តែអាក្រក់។ ផ្ទុយទៅវិញ ពួកគេជ្រើសរើសរក្សាភាពស្ងប់ស្ងាត់ ហើយរកវិធីដោះស្រាយបញ្ហា៕
ព័ត៌មានថ្មីៗ
