Arsenalខ្វាករចង់ចុះហត្ថលេខាលើកីឡាករ Alphonso Davies នៅឆ្នាំ 2025 ប៉ុន្តែត្រូវប្រឈមមុខនឹងការប្រកួតប្រជែងពីក្លិបទាំង២នេះ
យោងតាម HITC បានឱ្យដឹងថា Arsenal កំពុងសម្លឹងមើលស្ថានភាពរបស់ Alphonso Davies នៅ Bayern Munich ខណៈដែលកិច្ចសន្យារបស់គាត់នឹងផុតកំណត់នៅឆ្នាំ 2025 ។
ក្រុមកាំភ្លើងធំចង់ចុះហត្ថលេខាលើខ្សែការពារឆ្វេងសញ្ជាតិកាណាដាលើការផ្ទេរដោយមិនគិតថ្លៃ ប្រសិនបើគាត់បញ្ចប់ការចាកចេញពីក្លិបអាល្លឺម៉ង់ដោយគ្មានតម្លៃខ្លួន នៅរដូវក្តៅក្រោយ។
ទោះជាយ៉ាងណាក៏ដោយ Arsenal ដឹងយ៉ាងច្បាស់ថា Real Madrid កំពុងត្រៀមខ្លួនរួចរាល់ ដើម្បីចុះហត្ថលេខាលើកិច្ចព្រមព្រៀងជាមួយគាត់។ Man City ក៏ចាប់អារម្មណ៍ក្នុងការចុះហត្ថលេខាលើរូបគេផងដែរ។
ប្រសិនបើ Davies មិនយល់ព្រមលើកិច្ចសន្យាថ្មីជាមួយ Bayern គាត់អាចចុះហត្ថលេខាលើកិច្ចសន្យាមុនជាមួយក្លិបណាមួយក្នុងខែមករា ឆ្នាំ 2025។ Los Blancos ត្រូវបានគេរាយការណ៍ថាកំពុងសម្លឹងរកឱកាសចុះ កុងត្រាយ៉ាងលឿនតែម្ដង។
Davies បានបង្ហាញខ្លួន 197 ប្រកួតឱ្យក្រុម Bavarians រហូតមកដល់ពេលនេះ ដោយស៊ុតបញ្ចូលទីបាន 11 គ្រាប់ និងបញ្ជូនបាល់ 31 ដងក្នុងការប្រកួតទាំងអស់។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ កីឡា
Tel:
ព័ត៌មានថ្មីៗ
