អ្នកគាំទ្រនៅ Euro 2024 ត្រូវព្រមានរបស់មន្រ្តីរៀបចំការប្រកួតដោយសារគប់វត្ថុរឹងចំកីឡាករឱ្យឈឺចាប់
អ្នកគាំទ្រនៅក្នុងព្រឹត្តិការន៍ Euro 2024 ត្រូវបានមន្រ្តីរៀបចំការប្រកួត ព្រមានអំពីការធ្វើឱ្យកីឡាករឈឺចាប់បន្ទាប់ពីឧប្បត្តិហេតុទាត់បាល់ជ្រុងក្នុងការប្រកួតរវាង ក្រូអាត និងអ៊ីតាលី។
ឧបទ្ទវហេតុនេះបានកើតឡើងនៅពេលដែលក្រុមជម្រើសជាតិអ៊ីតាលី ទទួលបានបាល់ជ្រុងនៅដើមការប្រកួត។ Lorenzo Pellegrini និង Federico Dimarco ត្រូវបានក្រុមអ្នកគាំទ្រគប់ដបប្លាស្ទិកចំ។ កាមេរ៉ារបស់ BBC បានថតនៅពេលនេះ ហើយក្រោយមក Dimarco ត្រូវបានគេមើលឃើញថាបានទាត់ពែងមួយទៀតចេញពីទីលាន ខណៈកំពុងរៀបចំទាត់ជ្រុងពីម្ខាងទៀត។
អ្នកអត្ថាធិប្បាយរបស់ BBC Sport លោក Jonathan Pearce បានលើកឡើងថា មន្ត្រីអាឡឺម៉ង់បានពិភាក្សាអំពីសកម្មភាពដែលអាចកើតមាន ប្រសិនបើការបោះនេះនៅតែបន្ត ទោះបីជា UEFA មិនទាន់ចេញសេចក្តីថ្លែងការណ៍ជាផ្លូវការក៏ដោយ។
នេះកើតឡើងបន្ទាប់ពីឧប្បត្តិហេតុស្រដៀងគ្នានេះកាលពីសប្តាហ៍មុន នៅពេលដែលអ្នកគាំទ្រស៊ែប៊ីបានគប់ពែងប្លាស្ទិកទៅលើទីលាន អំឡុងពេលពួកគេស្មើ 1-1 ជាមួយស្លូវេនី ដែលជំរុញឱ្យអ្នកប្រកាសកីឡដ្ឋានជួយអន្តរាគមន៍ និងបញ្ឈប់ការប្រកួតមួយរយៈដើម្បីសម្អាតតំបន់ដែលគប់នោះ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ កីឡា
Tel:
ព័ត៌មានថ្មីៗ
