កុំគិតថាមិនអី! បើឧស្សាហ៍ជួបអាការៈ ៣ នេះញឹកញាប់ ប្រញាប់ទៅរកពេទ្យជាបន្ទាន់
ប្រសិនអ្នកសង្កេតឃើញថារាងកាយអ្នកឧស្សាហ៍ចេញរោគសញ្ញាសុខភាព ៣ នៅខាងក្រោមនេះជាប្រចាំ មិនថាអ្នកជួបតែ ១ រោគសញ្ញាឬទាំង ៣ គួរតែប្រញាប់ទៅមន្ទីរពេទ្យដើម្បីធ្វើការពិនិត្យសុខភាពជាបន្ទាន់៖
៣) ក្អកយូរមិនងាយបាត់
ការកើតជំងឺក្អកញឹកញាប់ យូរៗទៅអាចបណ្តាលឲ្យឈានទៅរកជំងឺរលាកផ្លូវដង្ហើម។ ចូរសង្កេតមើលខ្លួនឯង បើឧស្សាហ៍តឹងទ្រូង ពិបាកដកដង្ហើម ហើយពេលក្អកម្តងៗព្យាបាលមិនងាយជា រួចងាយនឹងលប់មកវិញ វាអាចទាក់ទងដល់បញ្ហាសួត ដែលអ្នកត្រូវតែប្រញាប់រកការព្យាបាលដ៏ត្រឹមត្រូវ។
២) អ្នកឧស្សាហ៍វិលមុខ ឈឺក្បាលកម្រិតស្រាល
អ្នកឧស្សាហ៍វិលមុខញឹកញាប់ ហើយមួយរយៈពេលខ្លីក៏បាត់ទៅវិញ វាអាចទាក់ទងនឹងការឡើងចុះសម្ពាធឈាមខ្លាំង។ ប្រសិនអ្នកទម្លាប់មានអាការៈវិលមុខរយៈពេល ៣០ នាទី ហើយបាត់ទៅវិញ លុះប៉ុន្មានថ្ងៃក្រោយលេចចេញមកវិញទៀតនោះ វាកំពុងបង្ហាញពីរោគសញ្ញានៃជំងឺជាច្រើន តួយ៉ាងដូចជាជំងឺបេះដូង ជំងឺសរសៃឈាមបេះដូងជាដើម។ ប្រសិនបើអ្នកមិនប្រញាប់រកការព្យាបាល នោះទៅថ្ងៃមុខអាចនឹងគ្រោះថ្នាក់ខ្លាំងដល់ជីវិត។
១) ដុះក្បាលពោះ
ក្បាលពោះធំ ក៏ជាសញ្ញានៃជំងឺមហារីកមួយដែរ ជាពិសេសអ្នកដែលមានអាយុលើសពី ៥០ ឆ្នាំឡើងទៅ។
ដើមហេតុមកពីអ្នកទទួលទានអាហារមិនល្អចូលមកក្នុងរាងកាយច្រើន ហើយនៅពេលដែលខ្លាញ់កកច្រើននៅខាងក្នុងនោះ វាធ្វើឲ្យជុំវិញចង្កេះមើលទៅឡើងធំ ដែលនេះជាហានិភ័យនៃជំងឺខ្លាញ់រុំបេះដូង និងប៉ះពាល់ដល់អាយុជីវិតធ្ងន់ធ្ងរ បើមិនប្រញាប់ទៅរកដំណោះស្រាយ ឬកែតម្រូវឲ្យបានទាន់ពេល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
