ធ្វើការធ្ងន់ទៀតហើយ! U23 កម្ពុជាស្ថិតក្នុងពូល J នៅពានរង្វាន់ AFC U-23 Asian Cup 2024
តាមរយៈលទ្ធផលចាប់ឆ្នោតជម្រើសពូលពានរង្វាន់ AFC U23 Asian Cup Qatar 2024 Qualifiers ក្រុមជម្រើសជាតិកម្ពុជាវ័យក្រោម២៣ឆ្នាំស្ថិតក្នុងពូល J ជាមួយម្ចាស់ផ្ទះ U23 អារ៉ាប៊ីសាអូឌីត U23 លីបង់ និង U23 ម៉ុងហ្គោលី។
ការប្រកួតវគ្គជម្រុះជុំដំបូងនេះនឹងចាប់ផ្ដើមនៅថ្ងៃទី 4 ខែកញ្ញាដល់ថ្ងៃទី 12 ខែកញ្ញាឆ្នាំ 2023។ខាងក្រោមជាតារាងលទ្ធផលពូលទាំងអស់៖
លទ្ធផលចាប់ឆ្នោតនេះត្រូវបានចាត់ទុកថាជាការធ្វើតេស្តិ៍ដ៏លំបាកមួយសម្រាប់គ្រូបង្វឹកលោក Felix Dalmas និងក្រុមជំនួយការរបស់គាត់ ដោយសារក្រុម គៅព្រៃជំទង់ត្រូវលេងនៅក្រៅទឹកដី ហើយគូប្រកួតរបស់ពួកគេក្នុងវគ្គជម្រុះគឺជាក្រុមដែលមានកម្រិតខ្ពស់ជាង ហើយមានប្រហាក់ប្រហែលគ្នាជាមួយ u23 ម៉ុងហ្គោលីមួយតែប៉ុណ្ណោះ។
សម្រាប់រូបមន្តប្រកួតប៉ះគ្នាតែមួយជុំក្នុងពូល ហើយក្រុមកំពូលតារាងក្នុងពូលទាំង 11 និងក្រុមលេខ២ល្អបំផុតចំនួន៤នឹងទទួលបានកៅអីជុំផ្ដាច់ព្រ័ត្រនៅប្រទេសកាតា។ ដោយសារពូល K មានតែ 3 ក្រុមប៉ុណ្ណោះ លទ្ធផលទល់នឹងក្រុមលេខ 4 នឹងមិនត្រូវបានគេយកមកពិចារណាដើម្បីកំណត់ក្រុមលេខ២ដែលល្អបំផុតនោះទេ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
