ផលិតកម្មថោន ចេញលិខិតសុំទោសទាំងយប់ ចំពោះកំហុស ទង់ជាតិបញ្រ្ចាស
នៅក្នុងការសម្តែងព្រឹត្តិការណ៍បេីក SeaGame ដែលសម្តែងដោយផលិតកម្ម Town បានបង្កកំហុសឆ្គងដោយកាន់ទង់ជាតិប្រទេស ឥណ្ឌូនេស៉ី មីយ៉ាន់ម៉ា និងវៀតណាម ខុសពីទម្រង់ដេីមធ្វេីឱ្យរងការប្រតិកម្មជាខ្លាំង ជាពិសេសពីសំណាក់ប្រជាជនប្រទេសឥណ្ឌូណេស៊ី ។
ពេលនេះ ផលិតកម្ម Town បានចេញមុខសុំទោសលេីទំព័រហ្វេសប៊ុកជាផ្លូវការរបស់ខ្លួនហេីយ ដោយគ្រោងនឹងដាក់លិខិតសុំទោសជាផ្លូវការទៅបណ្តាប្រទេសស្ថានទូតខាងលេីផងដែរ។
ដោយផលិតកម្ម Town រៀបរាប់ថា ៖
" លិខិតសុំទោសជាសាធារណៈ
សូមគោរពជូន ពលរដ្ឋឥណ្ឌូនេស៊ី ពលរដ្ឋវៀតណាម ពលរដ្ឋមីយ៉ាន់ម៉ា (ភូមា) ផលិតកម្មទីក្រុងភាពយន្ត សុំធ្វើការសុំទោសជាសាធារណៈ និងសុំការអនុគ្រោះជាទីបំផុតពីសំណាក់ ពលរដ្ឋឥណ្ឌូនេស៊ី ពលរដ្ឋវៀតណាម ពលរដ្ឋមីយ៉ាន់ម៉ា (ភូមា) ដោយខ្វះស្មារតីប្រុងប្រយ័ត្ននៃក្រុមការងារបានថ្វេសប្រហេសកាន់ទង់ជាតិបញ្ជ្រាស់ក្នុងកម្មវិធី «បើកកីឡាស៊ីហ្គេមលើកទី៣២» នៅពហុកីឡាដ្ឋានជាតិមរតកតេជោកាលពីល្ងាចថ្ងៃទី០៥ខែឧសភា ឆ្នាំ២០២៣ ។
ក្រោយពីបានពិនិត្យឡើងវិញទើបដឹងថាក្រុមការងារបានកាន់ទង់ជាតិនៃប្រទេសសាធារណរដ្ឋឥណ្ឌូនេស៊ី ប្រទេសសាធារណរដ្ឋសង្គមនិយមវៀតណាម ប្រទេសសាធារណរដ្ឋនៃសហភាពមីយ៉ាន់ម៉ា (ភូមា) បញ្ជ្រាស់ដោយអចេតនា ជាហេតុនាំឲ្យប៉ះពាល់ដល់កិត្តិនាមនៃប្រជាជាតិខាងលើ។
ផលិតកម្មទីក្រុងភាពយន្ត សូមធ្វើការសុំទោសជាសាធារណៈ និងសុំក្តីអនុគ្រោះបំផុតពីប្រមុខរាជ រដ្ឋាភិបាលកម្ពុជា ប្រជាពលរដ្ឋខ្មែរ និងពលរដ្ឋបរទេសបានទស្សនាផ្សាយផ្ទាល់ពីព្រឹត្តិការណ៍កីឡាស៊ីហ្គេមលើកទី៣២ នៅពហុកីឡាដ្ឋានជាតិមរតកតេជោ។
ជាថ្មីម្តងទៀត ផលិតកម្មទីក្រុងភាពយន្ត ក្រោយចេញលិខិតសុំទោសជាសាធារណៈនេះរួច និងធ្វើលិខិតសុំទោសដល់ប្រមុខរាជរដ្ឋាភិបាលកម្ពុជា ប្រជាពលរដ្ឋខ្មែរ និងដាក់លិខិតសុំទោសជូនដល់បណ្តាស្ថានទូតនៃប្រទេសខាងលើបន្ថែមទៀត៕
អត្ថបទ ៖ #Kavei #KaveiMedia
ព័ត៌មានថ្មីៗ
