អបអរសាទរ! សម្តេចអគ្គមហាសេនាបតីតេជោ ហ៊ុន សែន ទទួលបានមេដាយមរតកអូឡាំពិកអន្តរជាតិ ដែលជា ‘មេដាយខ្ពស់បំផុត’ របស់គណៈកម្មាធិការអូឡាំពិកអន្តរជាតិ (IOC)
នៅក្នុងរាត្រីនេះ គឺពិតជារាត្រីដ៏អស្ចារ្យក្រៃលែង ដែលធ្វើឱ្យកូនខ្មែរគ្រប់រូបមានមោទកភាពចំពោះប្រទេសជាតិយ៉ាងខ្លាំង ក្រោមការដឹកនាំរបស់សម្ដេចអគ្គមហាសេនាធិបតីតេជោ ហ៊ុន សែន ប្រកបដោយភាពអង់អាច ក្លាហាន និងឈ្លាសវៃ ក្នុងការបង្កើតស្នាដៃ និងដឹកនាំរៀបចំនូវព្រឹត្តិការណ៍កីឡាសុីហ្គេម លើកទី៣២ និងអាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះសម្រាប់ឆ្នាំ ២០២៣ នេះ។
ហើយនៅក្នុងរាត្រីនេះដែរ ក៏ជាវេលាដែលខ្មែរបើកបង្ហាញនូវភាពអស្ចារ្យជាច្រើន ដែលដែនដីអច្ឆរយៈមួយនេះមានទាំងប៉ុន្មាន គឺបានយកមកលើកឡើងនៅក្នុងពេលនេះទាំងវប្បធម៌ អរិយធម៌ សិល្បៈ ប្រពៃណី រួមទាំងមានការបញ្ចូលនូវតួអក្សរដ៏មានតម្លៃរបស់ខ្មែរ សុទ្ធសឹងតែជាអ្វីដែលជារបស់ខ្មែរពិតៗ។
ដោយការខិតខំប្រឹងប្រែងយ៉ាងខ្លាំងពីថ្នាក់ដឹកនាំ ពេលនេះដែរ សម្តេចអគ្គមហាសេនាបតីតេជោ ហ៊ុន សែន ក៏ទទួលបាននូវមេដាយមរតកអូឡាំពិកអន្តរជាតិ ដែលជា " មេដាយខ្ពស់បំផុត " របស់គណៈកម្មាធិការអូឡាំពិកអន្តរជាតិ (IOC) នេះរឹតតែធ្វើឱ្យពិភពលោកទទួលស្គាល់ នូវភាពអស្ចារ្យរបស់កូនខ្មែរ ក្រោមការដឹកនាំរបស់សម្ដេចពុក ជាមួយនឹងពាក្យស្លោកមួយឃ្លាគឺ " កីឡារស់ក្នុងសន្តិភាព "៕
ព័ត៌មានថ្មីៗ
