រន្ថើនពហុកីឡាជាតិមរតកតេជោ ! ពីកំពូលតារាចម្រៀងប្រចាំប្រទេស អ្នកនាង ឱក សុគន្ធកញ្ញា
នៅក្នុងឱកាសដ៏វិសេសវិសាលនេះ ដើម្បីអបអរសារទពិធីបើក មហាព្រឹត្តិការណ៍កីឡាសុីហ្គេម លើកទី៣២ និងអាស៊ានប៉ារ៉ាហ្គេមលើកទី១២ វត្តមានរបស់កំពូលតារាចម្រៀង អ្នកនាង ឱក សុគន្ធកញ្ញា បានចូលមករន្ថើនអស់ពហុកីឡដ្ឋានជាតិ មរតកតេជោ ជាមួយនឹងចម្រៀងដ៏មានអត្ថន័យ " Victory For All " ពិតជាមិនធ្វើឱ្យអ្នកគាំទ្រខកបំណងមែន។
ចម្រៀងមួយបទដែលបង្ហាញពីឆន្ទៈមោះមុត រួមកម្លាំងយកជ័យជម្នះជូនកម្ពុជា ធ្វើឱ្យអ្នកគាំទ្រចូលរួមទស្សនាផ្ទាល់ព្រឺសម្បុរជាមួយនឹងចម្រៀងមួយបទនេះ។
គួរបញ្ជាក់ផងដែរថា នេះគឺជាព្រឹត្តិការណ៍ប្រវត្តិសាស្ត្រនៃកម្ពុជា ដែលធ្វើជាម្ចាស់ផ្ទះនៃព្រឹត្តិការណ៍ស៊ីហ្គេមលើកទី ៣២ និងអាស៊ានប៉ារាហ្គេមលើកទី ១២។ ព្រឹត្តិការណ៍នេះ ពិតជាមានការរៀបចំបានយ៉ាងល្អ ដែលធ្វើឱ្យកូនខ្មែរទាំងអស់មានមោទកភាពយ៉ាងខ្លាំង ដែលបានកើតទាន់ព្រឹត្តិការណ៍ដ៏អស្ចារ្យមួយនេះ ក៏ជាព្រឹត្តិការណ៍ស្ថិតក្នុងចិត្តកូនខ្មែរគ្រប់រូប ព្រោះអស់រយៈពេលជាង ៦០ ឆ្នាំហើយ ទើបបានប្រារព្ធជាថ្មីនៅក្នុងថ្ងៃនេះ៕
ព័ត៌មានថ្មីៗ
