ក្រោយឡាំប៉ាលើរឿងទីលានកាលពីប៉ុន្មានថ្ងៃមុន ពេល U22 ថៃទទួលបានទីលានថ្មីសម្រាប់ហ្វឹកហាត់ហើយ
ក្រុមជម្រើសជាតិ U22 ថៃបានត្រឡប់ទៅទីលានហ្វឹកហាត់វិញនៅពេលព្រឹកមិញនេះ ខណៈដែលការហ្វឹកហាត់ធ្វើនៅកីឡដ្ឋាន AIA KMH Park ដែលជាផ្ទះរបស់ក្លឹប អាយ អេស អាយ ខណ្ឌដង្កោសែនជ័យ ដែលជាក្រុមថ្មីក្នុងលីគកំពូលកម្ពុជា។
ក្នុងការហ្វឹកហាត់នេះលោក Issara Sritaro ផ្តោតលើការកែកំហុសដែលកើតឡើង កាលប្រកួតដំបូង និងបង្វឹកដែលពឹងផ្អែកខ្លាំងលើទម្រង់លេង មុនពេលជួបជាមួយ ក្រុមជម្រើសជាតិម៉ាឡេស៊ី នៅក្នុងការប្រកួតទី២។
កាលពីមកដល់ប្រទេសកម្ពុជាដំបូងៗ គ្រូបង្វឹករូបនេះបានបង្ហាញការមិនពេញចិត្តលើទីលានរបស់ ក្រុមអគ្គិសនីកម្ពុជា ខណៈដែលគាត់បាននិយាយថាទីលាននេះមានស្មៅស្លឹកធំ សណ្ឋានដីរឹងធ្វើឱ្យពិបាកហ្វឹកហាត់ ហើយកីឡាកររបស់លោកអាចជួបហានីភ័យរបួសពេលហ្វឹកហាត់៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
