ផ្នែកមួយរបស់មាន់គឺជា “ឃ្លាំងផ្ទុកមេរោគ” ប៉ុន្តែមនុស្សជាច្រើនចាត់ទុកថាវាជាម្ហូបឆ្ងាញ់បំផុតទៅវិញ
សាច់មាន់មួយផ្នែកត្រូវបានអ្នកជំនាញណែនាំកុំឱ្យញ៉ាំព្រោះវាអាចបង្កគ្រោះថ្នាក់ដល់សុខភាព ប៉ុន្តែមនុស្សជាច្រើនយល់ឃើញថាវាជាមុខម្ហូបដែលចូលចិត្ត។
មុខម្ហូបដូចជា ត្រីស្ងោរ ចំហុយ និងដុត កញ្ចូញមាន់ ពេលទទួលទាននឹងអាចមានអារម្មណ៍ថាមានរសជាតិឆ្ងាញ់ មានខ្លាញ់ និងមានក្លិនឈ្ងុយ ដូច្នេះហើយបានជាវាក្លាយជាអាហារដែលពេញនិយមរបស់មនុស្សជាច្រើន។ ប៉ុន្តែតាមពិតទៅ បើតាមអ្នកជំនាញ កញ្ចូញមាន់ គឺជាផ្នែកមួយ ដែលត្រូវបោះចោល ដោយសារហេតុផលខាងក្រោម។
១. កខ្វក់ពេក
ជាផ្នែក "ពិសេស" កញ្ចូញមាន់ គឺជាកន្លែងបណ្ដុំនៃមេរោគជាច្រើន បាក់តេរីបង្កជំងឺ និងបង្កគ្រោះថ្នាក់ជាច្រើនទៀតដែលអាចប៉ះពាល់ដល់សុខភាពរបស់អ្នកបរិភោគ។ មិនថាអ្នកសម្អាតខ្លាំងប៉ុណ្ណាក៏ដោយ វាពិតជាលំបាកណាស់ក្នុងការកំចាត់បាក់តេរីទាំងអស់នៅក្នុងផ្នែកនេះ។ ប្រសិនបើយើងទទួលទានផ្នែកនេះ មានន័យថាយើងកំពុងនាំមេរោគ និងសារធាតុពុលចូលទៅក្នុងខ្លួនដោយប្រយោល ក្នុងការបង្កជាជំងឺ។
២. ផ្ទុកដោយជាតិខ្លាញ់
កញ្ចូញ គឺជាផ្នែកចុងក្រោយនៃរាងកាយរបស់បសុបក្សី ដូចជា មាន់ ទា ក្ងាន ឬបក្សីមួយចំនួន... ជាមួយគ្នានេះ នេះក៏ជាផ្នែកមួយដែលផ្ទុកជាតិខ្លាញ់ និងកូលេស្តេរ៉ុលច្រើនជាងគេបំផុត។ នៅពេលញ៉ាំកញ្ចូញ គេអាចទទួលបានរសជាតិខាញ់ ដែលមនុស្សជាច្រើនចូលចិត្តខ្លាំងណាស់។ ទោះជាយ៉ាងណាក៏ដោយ មានមនុស្សមិនច្រើនទេដែលដឹងថាវាជាខ្លាញ់ ដែលអាចបង្កឱ្យមានជំងឺជាច្រើនដូចជា ធាត់ លើសជាតិខ្លាញ់ ជាដើម។ ខ្លាញ់ និងកូលេស្តេរ៉ុលនៅក្នុងកញ្ចូញគឺខ្ពស់ណាស់។ វាបង្កឱ្យមានបញ្ហាសុខភាពដល់អ្នកដែលមានជំងឺសរសៃឈាមបេះដូង ជំងឺខ្លាញ់ក្នុងឈាម... អ្នកទាំងនេះមិនគួរទទួលទានអាហារដែលមានជាតិខ្លាញ់បែបនេះជាដាច់ខាត។
៣. គ្មានតម្លៃអាហារូបត្ថម្ភ
មានមនុស្សជាច្រើនតែងគិតថាការទទួលទានកញ្ចូញមាន់ អាចជួយឱ្យសក់ខ្មៅរលោង និងស្បែកស្អាតជាងមុន។ ប៉ុន្តែបើតាមអ្នកជំនាញ ពួកគេជឿថា ការទទួលទានកញ្ចូញមាន់ មិនមានផ្ដល់គុណសម្បត្តិទាំងនេះទេ។ តាមពិតទៅ ក្នុងកញ្ចូញមាន់ មានផ្ទុកនូវវីតាមីន E ជាច្រើនដែលអាចជួយឱ្យស្បែក និងសក់មើលទៅស្អាតជាងមុន ប៉ុន្តែឥទ្ធិពលនេះមិនពិសេសនោះទេ អ្វីដែលសំខាន់គឺវាគ្រោះថ្នាក់ច្រើនជាងអត្ថប្រយោជន៍។ ដូច្នេះប្រសិនបើអ្នកពិចារណាពីគុណសម្បត្តិ និងគុណវិបត្តិនៃផ្នែកនេះ ជាការល្អបំផុតអ្នកមិនត្រូវបរិភោគឡើយ។ ក្នុងករណីដែលអ្នកញ៉ាំកញ្ចូញមាន់តិចជាងមុន ប្រហែលជាមិនអីទេ ប៉ុន្តែប្រសិនបើអ្នកញៀនការញ៉ាំញឹកញាប់គឺមានគ្រោះថ្នាក់ខ្លាំងណាស់។
ដូច្នេះតើអ្វីទៅជាផ្នែកដ៏មានជីវជាតិច្រើនបំផុតរបស់មាន់?
បើសួរអំពីផ្នែកដែលមានជីវជាតិច្រើនបំផុតរបស់មាន់ គឺទ្រូងមាន់។ វាមានសារធាតុចិញ្ចឹម មានជាតិខ្លាញ់ទាប និងផ្តល់ប្រូតេអ៊ីន សេលេញ៉ូម ផូស្វ័រ វីតាមីន B6 និង niacin ច្រើន។ សូម្បីតែនៅប្រទេសខ្លះ ទ្រូងមាន់គឺជាសាច់ដ៏មានតម្លៃ ហើយលក់បានថ្លៃជាងភ្លៅ និងស្លាប។ នៅខ្មែរយើងទ្រូងមាន់មានតម្លៃសមរម្យ និងជាប្រភពអាហារមានប្រយោជន៍ក្នុងការបញ្ចូលក្នុងបញ្ជីរបបអាហារដែលមានសុខភាពល្អសម្រាប់អ្នកសម្រកទម្ងន់ សម្រាប់អ្នកហាត់ប្រាណ កុមារ ឬសម្រាប់គ្រួសារទាំងមូល។
ជាមួយនឹងទ្រូងមាន់ អ្នកអាចធ្វើម្ហូបឆ្ងាញ់ៗជាច្រើនមុខដូចជា៖
- បំពង៖ ទ្រូងមាន់បំពងមានសភាពទន់ មានក្លិនឈ្ងុយ មិនស្ងួត ហើយអាចទទួលទានជាមួយទឹកជ្រលក់ជាច្រើនប្រភេទ សម្បូរបែប និងទាក់ទាញ។
- សាឡាត់ទ្រូងមាន់៖ នេះគឺជាការរួមបញ្ចូលគ្នាដ៏ល្អឥតខ្ចោះនៃសាច់ទ្រូងមាន់ បន្លែ និងទឹកជ្រលក់ដូចជា ទឹកស៊ីអ៊ីវអាំង ឬសាឡាដលាយជាមួយទឹកខ្មេះ។
- ចៀន៖ សាច់ទ្រូងក្រោយចៀនមានពណ៌មាសស្អាត ស្រទាប់ខាងក្រៅសាច់ក្រៀម ខាងក្នុងនៅតែរក្សាភាពទន់ និងផ្អែមធម្មជាតិ អាចទទួលទានជាមួយទឹកជ្រលក់ផ្សេងៗបានច្រើនមុខដូចជា ទឹកត្រីផ្អែម ទឹកជ្រលក់ ទឹកជ្រលក់ហឹរ ឬទឹកឃ្មុំ...។
លោកអ្នកក៏អាចយកទៅផ្សំធ្វើជាម្ហូបផ្សេងៗទៀតតាមចំណង់។
ប្រភព៖ បរទេស|ប្រែសម្រួល៖ វីរៈ(Knongsrok)
ព័ត៌មានថ្មីៗ
