ទឹក ២ ប្រភេទដែលបង្កឱ្យកើតជំងឺមហារីក ត្រូវបានអង្គការសុខភាពពិភពលោកព្រមាន៖ ប្រភេទទី ១ ដែលអ្នករាល់គ្នាអាចញ៉ាំរាល់ថ្ងៃ
WHO បានសន្មត់ថា ទឹក ២ ប្រភេទនេះអាចពន្លឿនការលូតលាស់នៃកោសិកាមហារីក មនុស្សគ្រប់គ្នាគួរតែយកចិត្តទុកដាក់ ។
ទឹកដែលមានសីតុណ្ហភាពក្តៅពេក
មនុស្សមួយចំនួនគិតថាការផឹកទឹកក្តៅគឺល្អជាងទឹកត្រជាក់ ប៉ុន្តែនេះមិនមែនជាការពិតទេ។ តាមពិតទៅ ស្រទាប់ខាងក្នុងនៃបំពង់អាហាររបស់មនុស្សគឺងាយរងគ្រោះខ្លាំងណាស់ ហើយការទទួលទានទឹកក្តៅខ្លាំងពេក អាចបង្កគ្រោះថ្នាក់ដល់វា។ ជាមួយនឹងការប៉ះពាល់នឹងទឹកក្តៅខ្លាំងពេកយូរៗទៅ កោសិកា mucosal នឹងកាន់តែក្រាស់ ដើម្បីទប់ទល់នឹងការរលាក ដែលនាំឱ្យបាត់បង់ភាពប្រែប្រួល និងហានិភ័យនៃជំងឺមហារីកបំពង់អាហារ។
ការស្រាវជ្រាវបានបង្ហាញថាទឹកក្តៅដែលមានកម្ដៅលើសពី ៦៥ អង្សាសេ ត្រូវបានចាត់ថ្នាក់ជាសារធាតុបង្កមហារីកថ្នាក់ 2A ដោយទីភ្នាក់ងារអន្តរជាតិសម្រាប់ការស្រាវជ្រាវជំងឺមហារីក នៃអង្គការសុខភាពពិភពលោក (WHO) ។ លើសពីកម្រិតសីតុណ្ហភាពនេះ អាហារក្តៅណាក៏ដោយ អាចបណ្តាលឱ្យកើតមហារីកបំពង់អាហារ។ លើសពីនេះ អាហារក្តៅខ្លាំងពេកក៏អាចបំផ្លាញភ្នាសរំអិលនៃមាត់ និងក្រពះផងដែរ។ ដូច្នេះហើយ មុននឹងញ៉ាំអាហារ យើងគួរទុកអាហារឲ្យត្រជាក់ល្មមសិន។
គ្រឿងស្រវឹង
ក្រោមឥទិ្ធពលនៃជាតិអាល់កុល និងសារធាតុមេតាបូលីត អាសេតាល់ដេអ៊ីត កោសិកាដើម hematopoietic ដែលមានសុខភាពល្អអាចឆ្លងកាត់ការផ្លាស់ប្តូរជាអចិន្ត្រៃយ៍ និងមិនអាចត្រឡប់វិញបាន។ នេះបង្កើនហានិភ័យនៃជំងឺមហារីកនៅក្នុងខ្លួន នេះបើយោងតាមការសិក្សាវិទ្យាសាស្ត្រ។
ទីភ្នាក់ងារអន្តរជាតិសម្រាប់ការស្រាវជ្រាវលើជំងឺមហារីក របស់អង្គការសុខភាពពិភពលោក (WHO) បានចុះបញ្ជីអាសេតាល់ឌីអ៊ីត (ទាក់ទងនឹងការទទួលទានគ្រឿងស្រវឹង) ក្នុងចំណោមសារធាតុបង្កមហារីកកំពូល ១២០ ។
យោងតាមបទប្បញ្ញត្តិរបស់ WHO ជាតិអាល់កុលមួយឯកតាស្មើនឹង 10 ក្រាមនៃជាតិអាល់កុលសុទ្ធ។ នេះគឺស្មើនឹង ៣/៤ នៃមួយដបស្រាបៀរ ៣៣០ml (៥%) ស្រា ១០០ml មួយកែវ (១៣,៥%) ស្រាបៀរ ៣៣០ml មួយដប ឬមួយពែង ៣០ml ( ៤០%)។
ការទទួលទានគ្រឿងស្រវឹងច្រើនពេកនឹងកំណត់សមត្ថភាពរបស់រាងកាយក្នុងការបញ្ចេញតាមរយៈថ្លើម។ ថ្លើមកាន់តែធ្វើការ ហានិភ័យនៃជំងឺមហារីកថ្លើម និងក្រិនថ្លើមកាន់តែខ្ពស់។
ការប៉ះពាល់ជាបន្តបន្ទាប់ទៅនឹងសារធាតុ acetaldehyde នៅក្នុងទឹកមាត់ដែលមានជាតិអាល់កុលអាចបណ្តាលឱ្យខូចខាត DNA នៅក្នុងកោសិកាដែលនៅជាប់មាត់ បំពង់ក បំពង់អាហារ និងផ្លូវដង្ហើមផ្នែកខាងលើ។ ការផឹកស្រាជាប្រចាំអាចនាំអោយកើតមហារីកបំពង់អាហារ មហារីកមាត់ និងមហារីកក្រពះ។
លើសពីនេះ ការប្រើប្រាស់គ្រឿងស្រវឹងក៏អាចបង្កើនកម្រិតនៃអរម៉ូនអ៊ឹស្ត្រូសែន ដែលជាអរម៉ូនដ៏សំខាន់ក្នុងការវិវត្តនៃជំងឺមហារីកសុដន់ និងបង្កើនហានិភ័យនៃជំងឺមហារីកសុដន់។
មនុស្សមួយចំនួនអះអាងថា ស្រាមានអត្ថប្រយោជន៍ចំពោះសុខភាព ដោយសារតែសារធាតុប្រឆាំងអុកស៊ីតកម្មខ្ពស់របស់វា។ ទោះជាយ៉ាងណាក៏ដោយ ស្រានៅតែមានផ្ទុកសារធាតុអេតាណុល ដែលជាសារធាតុបង្កមហារីកនៅក្នុងភេសជ្ជៈមានជាតិអាល់កុល ។ អ្នកជំនាញសុខភាពណែនាំថា ស្ត្រីមិនគួរផឹកស្រាលើសពី ១កែវ/ថ្ងៃ។ ចំពោះបុរសគឺ ២ កែវ/ថ្ងៃ៕
ប្រែសម្រួលដោយ៖ វីរៈ(Knongsrok)
ព័ត៌មានថ្មីៗ
