ទឹកដូងបំបាត់ស្រេកទឹក ល្អសម្រាប់សុខភាព ប៉ុន្តែមនុស្ស ៨ ប្រភេទនេះត្រូវចៀសឱ្យឆ្ងាយ ព្រោះគ្រោះថ្នាក់ដល់សុខភាព
ទឹកដូងផ្ដល់ភាពត្រជាក់ខ្លាំង ល្អសម្រាប់សុខភាព ប៉ុន្តែមនុស្ស ៨ ប្រភេទនេះមិនគួរទទួលទានទឹកដូងទេ។
យោងតាមអ្នកជំនាញឱសថបូព៌ា ទឹកដូងមានរសជាតិផ្អែមល្មម បំបាត់ការស្រេកទឹក គ្មានជាតិពុល ជួយបង្កើនភាពរស់រវើក ធ្វើឱ្យសម្រស់ស្រស់ស្រាយ ឆាប់ត្រជាក់រាងកាយ បញ្ឈប់ការហូរឈាម ដូច្នេះល្អខ្លាំងណាស់ពេលព្យាបាលគ្រុនក្តៅ។ នៅក្នុងឱសថទំនើប ទឹកដូងត្រូវបានបញ្ជាក់ឱ្យឃើញថា មានភាពធន់នឹងជំងឺ ផ្តល់ជាតិទឹកដល់រាងកាយ ធ្វើឱ្យស្បែកស្រស់ស្អាត និងល្អសម្រាប់បេះដូង។
ទោះជាយ៉ាងណាក៏ដោយ អ្នកជំនាញក៏បានណែនាំផងដែរថា ទឹកដូងគឺមិនល្អសម្រាប់មនុស្សគ្រប់គ្នាទទួលទាននោះទេ។ ជាពិសេសមនុស្សទាំង ៨ ប្រភេទខាងក្រោមនេះមិនគួរទទួលទានទឹកដូងទេ។
១. មនុស្សដែលមានកម្រិតប៉ូតាស្យូមខ្ពស់ក្នុងឈាម
ទឹកដូងមានផ្ទុកប៉ូតាស្យូមខ្ពស់។ ដូច្នេះ អ្នកដែលមានជាតិប៉ូតាស្យូមខ្ពស់ក្នុងឈាមមិនគួរពិសាទឹកដូងឡើយ។
២. អ្នកដែលមានជំងឺតម្រងនោម
ទឹកដូងមានផ្ទុកប៉ូតាស្យូមខ្ពស់។ ជាធម្មតាប៉ូតាស្យូមត្រូវបានបញ្ចេញតាមទឹកនោម ប្រសិនបើកម្រិតប៉ូតាស្យូមក្នុងឈាមខ្ពស់ពេក។ ប៉ុន្តែប្រសិនបើតម្រងនោមធ្វើការមិនបានត្រឹមត្រូវ ការបញ្ចេញប៉ូតាស្យូមក្នុងទឹកនោមនឹងបង្កឱ្យមានផលប៉ះពាល់។ ដូច្នេះ អ្នកដែលមានជំងឺតម្រងនោមរ៉ាំរ៉ៃ ឬលេបថ្នាំគួរប្រយ័ត្នប្រយែងនេះបើតាមកាសែត The Indian Express បានចុះផ្សាយ។
៣. អ្នកដែលមានជម្ងឺរលាកពោះវៀនធំ
ទឹកដូងក៏មានជាតិកាបូអ៊ីដ្រាតខ្ពស់ផងដែរ ដែលអាចបណ្តាលឱ្យ ឬធ្វើឱ្យរោគសញ្ញានៃការរំលាយអាហារកាន់តែអាក្រក់ចំពោះអ្នកដែលមានជម្ងឺពោះវៀនធំ។
៤. មនុស្សដែលមានជំងឺ cystic fibrosis
យោងតាមគ្លីនិក Mayo (USA) Cystic fibrosis គឺជាជំងឺតំណពូជដែលបណ្តាលឱ្យមានការខូចខាតធ្ងន់ធ្ងរដល់សួត ប្រព័ន្ធរំលាយអាហារ និងសរីរាង្គផ្សេងទៀតនៅក្នុងរាងកាយ។
Cystic fibrosis អាចបន្ថយកម្រិតអំបិលក្នុងខ្លួន។ អ្នកខ្លះដែលមានជំងឺដុំគីសត្រូវផឹកទឹក ឬលេបថ្នាំដើម្បីបង្កើនការទទួលទានអំបិល (សូដ្យូម)។ ទឹកដូងមានផ្ទុកជាតិសូដ្យូមតិចជាងទឹក ប៉ុន្តែប៉ូតាស្យូមច្រើនពេកអាចកាត់បន្ថយកម្រិតជាតិប្រៃដែលខ្វះរួចហើយចំពោះអ្នកដែលមានជំងឺដុំគីស នេះបើយោងតាម WebMD ។
៥. មនុស្សដែលខ្សោយក្រលៀន
ប្រសិនបើអ្នកជាអ្នកខ្សោយក្រលៀន យកល្អគួរតែចៀសវាងទឹកដូង ព្រោះភេសជ្ជៈនេះមានសារធាតុបញ្ចុះទឹកនោមខ្លាំង។ ការទទួលទានទឹកដូងច្រើនពេកនឹងប៉ះពាល់ដល់សកម្មភាពប្រចាំថ្ងៃ ជាពិសេសកាត់បន្ថយគុណភាពនៃការគេង។
៦. មនុស្សដែលចាញ់ត្រជាក់
ចំពោះមនុស្សដែលចាញ់ធាតុត្រជាក់ គួរចៀសវាងការទទួលទានទឹកដូង។ ដោយសារតែភេសជ្ជៈនេះមានធាតុត្រជាក់ បើអ្នកទទួលទានច្រើន វានឹងនាំឱ្យប៉ះពាល់យ៉ាងធ្ងន់ធ្ងរដល់ការរំលាយអាហារ ធ្វើឱ្យអ្នកខ្សោយ។
៧. អ្នកមានផ្ទៃពោះ ៣ ខែដំបូង
ទឹកដូងជាភេសជ្ជៈដ៏ល្អសម្រាប់ស្ត្រីមានផ្ទៃពោះ ព្រោះវាមានវីតាមីន និងសារធាតុរ៉ែជាច្រើន។ ទោះជាយ៉ាងណាក៏ដោយ ស្ត្រីមានផ្ទៃពោះក្នុងរយៈពេល 3 ខែដំបូងមិនគួរទទួលទានទឹកដូងទេ ព្រោះវាអាចបណ្តាលឱ្យមានការកន្ត្រាក់ស្បូននាំឱ្យរលូតកូន។
៨. មនុស្សដែលមានសម្ពាធឈាមទាប
ទឹកដូងមានឥទ្ធិពលល្អណាស់ក្នុងការកាត់បន្ថយសម្ពាធឈាម ព្រោះវាបន្ថែមប៉ូតាស្យូមដល់រាងកាយ ដោយហេតុនេះជួយបង្កើនដំណើរការនៃការបំបាត់អំបិល (អ៊ីយ៉ុងសូដ្យូម) តាមរយៈប្រព័ន្ធទឹកនោម។ សូដ្យូមដែលបញ្ចេញនឹងអូសដោយទឹក កាត់បន្ថយបរិមាណឈាមរត់ សម្ពាធឈាមក៏នឹងថយចុះបន្តិចម្តងៗ។
ទោះជាយ៉ាងណាក៏ដោយ ចំពោះអ្នកដែលមានសម្ពាធឈាមទាប ការផឹកទឹកដូងច្រើនពេកអាចបណ្តាលឱ្យសម្ពាធឈាមធ្លាក់ចុះភ្លាមៗ៕
ប្រែសម្រួលដោយ៖ វីរៈ(Knongsrok)
ព័ត៌មានថ្មីៗ
