ទទួលទានផ្លែឈើ ៥ មុខនេះងាយឡើងទម្ងន់ជាងញ៉ាំសាច់ ញ៉ាំកាន់តែច្រើន ខ្លាញ់ក្បាលពោះកាន់តែឡើង
ផ្លែឈើទាំងនេះមានរសជាតិឆ្ងាញ់ និងមានជីវជាតិ ប៉ុន្តែការទទួលទានច្រើនពេកអាចបណ្តាលឱ្យធាត់បានយ៉ាងងាយ។ ដូច្នេះសូមកុំទទួលទានច្រើនពេកប្រសិនបើអ្នកស្ថិតក្នុងការរក្សាទម្ងន់ ឬសម្រកទម្ងន់។
ស្វាយទុំ
ផ្លែឈើមួយប្រភេទទៀតដែលងាយនឹងឡើងទម្ងន់ពេលទទួលទានច្រើនគឺស្វាយទុំ។ យោងតាមការស្រាវជ្រាវរបស់អ្នកជំនាញ បានឲ្យដឹងថា ក្នុងផ្លែស្វាយ ២០០ក្រាម មានផ្ទុកកាឡូរីដល់ទៅ ១៤៥កាឡូរី និងមានជាតិស្ករច្រើន នោះទទួលទានស្វាយទុំកាន់តែច្រើន បរិមាណស្ករក៏កាន់តែខ្ពស់។
នៅពេលទទួលទានស្វាយទុំ បរិមាណប្រូតេអ៊ីន adiponectin ក្នុងរាងកាយនឹងកើនឡើង ដែលនាំឱ្យមានការរឹតបន្តឹងនៃអាស៊ីតខ្លាញ់ដែលបំប្លែងទៅជាថាមពល ដោយហេតុនេះបង្កឱ្យមានការប្រមូលផ្តុំជាតិខ្លាញ់លើស។ ដូច្នេះហើយ បើអ្នកចូលចិត្តស្វាយ អ្នកអាចជ្រើសរើសញ៉ាំស្វាយបៃតង ហើយស្វាយបៃតងក៏ជាផ្លែឈើមួយប្រភេទដែលជួយដល់ការសម្រកទម្ងន់របស់អ្នកផងដែរ។
ចេកទុំ
ផ្លែឈើនេះមានកាឡូរីខ្ពស់ជាងផ្លែឈើដទៃទៀតព្រោះវាផ្ទុកជាតិស្ករច្រើន បរិមាណអាហារូបត្ថម្ភរបស់ចេកមួយផ្លែពេលទុំ ប៉ុន្តែចំនួនកាឡូរីនៅដដែលប្រហែល ១០០ ទៅ ១១៥ កាឡូរី។ ប្រសិនបើអ្នកញ៉ាំចេកទុំ ២ឬ៣ ផ្លែក្នុងមួយថ្ងៃ កិច្ចខិតខំប្រឹងប្រែងសម្រកទម្ងន់របស់អ្នកនឹង "បាត់បង់" ។
លើសពីនេះ ផ្លែចេកផ្តល់វីតាមីនជាច្រើនប្រភេទដូចជា A, B (B6 - B12), D និង E ព្រមទាំងសារធាតុរ៉ែដូចជា ម៉ាញេស្យូម កាល់ស្យូម ប៉ូតាស្យូម ជាតិដែក ផូស្វ័រ អ៊ីយ៉ូត ស័ង្កសី... ផ្លែឈើនេះសមស្រប សម្រាប់អ្នកដែលចង់ឡើងទម្ងន់។
ផ្លែបឺរ
ផ្លែបឺរ ដែលត្រូវបានមនុស្សជាច្រើនស្រលាញ់ចូលចិត្ត សម្បូរទៅដោយជាតិខ្លាញ់ ប្រូតេអ៊ីន វីតាមីន កាល់ស្យូម និងប៉ូតាស្យូម ដែលមានប្រសិទ្ធភាពការពារជំងឺដាច់សរសៃឈាមខួរក្បាល សរសៃឈាម និងភាពស្លេកស្លាំង។
ដូចយើងដឹងស្រាប់ហើយថា នារីៗជាច្រើននៅពេលសម្រកទម្ងន់ ចូលចិត្តបន្ថែមផ្លែបឺរនៅក្នុងចានអាហារសាឡាត់បន្លែ។ ប៉ុន្តែជាតិប្រេងនៅក្នុងផ្លែបឺរគឺមានកំរិតខ្ពស់ពី ៨% ទៅ ២៩% ហើយជាតិខ្លាញ់គឺប្រហែល ១៥% ច្រើនជាងទ្វេដងនៃខ្លាញ់និងកាឡូរីនៃសាច់មាន់និងត្រីមួយចំនួន។ លើសពីនេះ បរិមាណកាឡូរីដែលមាននៅក្នុងផ្លែបឺរគឺស្មើនឹងបាយ ១,៤ ចាន ដែលផ្លែបឺរ ១០០ ក្រាមមានចំនួន ១៦១ កាឡូរី។
ដូច្នេះហើយ បើអ្នកចង់បន្ថែមផ្លែបឺរទៅក្នុងអាហាររបស់អ្នក គ្រាន់តែបន្តិចក៏គ្រប់គ្រាន់ដែរ កុំញ៉ាំច្រើនពេក។ ប៊័របន្តិចមានមូលដ្ឋានគ្រប់គ្រាន់សម្រាប់ប្រេងរាងកាយមនុស្សពេញមួយថ្ងៃ! ដូច្នេះហើយ ពេលធ្វើអាហារសម្រកទំងន់ នារីៗក៏គួរពិចារណាឱ្យបានល្អិតល្អន់ ថាតើអាចបន្ថែមផ្លែប័របានដែរឬទេ!
ទុរេន
ទុរេនមានរសជាតិពិសេសដែលមិនមែនគ្រប់គ្នាអាចទទួលទានបានដោយងាយ ប៉ុន្តែទោះជាយ៉ាងណាក៏គ្មាននរណាម្នាក់អាចបដិសេធបានដែរថាវាជាស្តេចនៃផ្លែឈើ។ ទុរេនសម្បូរទៅដោយសារធាតុចិញ្ចឹម ប្រូតេអ៊ីន កាបូអ៊ីដ្រាត ជាតិសរសៃ វីតាមីន C...។
ប៉ុន្តែទុរេនក៏សម្បូរទៅដោយកាឡូរីផងដែរ ដោយទុរេនក្នុង ១០០ ក្រាមមានកាឡូរីរហូតដល់ ១៤៧ កាឡូរី ស្មើនឹងបាយ ១,៣ ចាន ហើយបរិមាណខ្លាញ់ក៏ខ្ពស់ខ្លាំងផងដែរ។
ខ្នុរ
ខ្នុរក៏ជាផ្លែឈើត្រូពិចដ៏ពេញនិយមផងដែរ វាមានផ្ទុកជាតិស្ករច្រើន វីតាមីន C និងគ្រឿងផ្សំផ្សេងៗទៀត កាឡូរីក្នុង ១០០ ក្រាមរបស់ផ្លែខ្នុរគឺ ១០៥ កាឡូរី ។ ថ្វីត្បិតតែបរិមាណកាឡូរីទាបជាងផ្លែឈើខាងលើក៏ដោយ ខ្នុរមានផ្ទុកជាតិស្ករខ្ពស់ ជាតិស្ករច្រើនពេកនឹងធ្វើឱ្យរាងកាយបង្កើនកាឡូរី និងបណ្តាលឱ្យធាត់៕
ប្រែសម្រួលដោយ៖ វីរៈ(Knongsrok)
ព័ត៌មានថ្មីៗ
