មនុស្សស្រីដែលមានអាយុវែង មិនងាយចាស់ច្រើនតែមានលក្ខណៈ ៥ យ៉ាងនេះ បើមានត្រឹម ៣ ចំណុចក៏អស្ចារ្យណាស់ដែរ
(Knongsrok): នៅអាយុ ៤៥ ឆ្នាំ ស្ត្រីនៅតែមានចរិតលក្ខណៈ ៥ យ៉ាងនេះ ដែលបញ្ជាក់ថាពួកគេមានអាយុវែង សាច់ចាំ និងមិនងាយចាស់។
ក្នុងអំឡុងសតវត្សទី ២០ អាយុកាលជាមធ្យមរបស់មនុស្សបានកើនឡើងដល់ ៣០ ឆ្នាំ ដែលជាការកើនឡើងបំផុតក្នុងរយៈពេល ៥០០០ ឆ្នាំនៃប្រវត្តិសាស្ត្រមនុស្សជាតិ។ ហេតុអ្វីបានជាអាយុសង្ឃឹមរស់របស់មនុស្សមានភាពប្រសើរឡើងដូច្នេះ? វាគឺជាលទ្ធផលនៃភាពជឿនលឿនក្នុងវិស័យសុខាភិបាល ការអប់រំ ការការពារ និងព្យាបាលជំងឺរ៉ាំរ៉ៃជាច្រើន។ ជាងនេះទៅទៀត មនុស្សសម័យនេះក៏ដឹងពីរបៀបថែរក្សារាងកាយរបស់ពួកគេផងដែរ។
ស្ត្រីចាប់ពីអាយុ ៤៥ ឆ្នាំ គួរតែយកចិត្តទុកដាក់លើរាងកាយរបស់ពួកគេឲ្យបានច្រើន ព្រោះយោងទៅតាមវេជ្ជសាស្ត្រចិន យុគសម័យនេះក៏ជាដំណាក់កាលដែលបង្ករជំងឺគ្រប់ប្រភេទ ឬហៅថា “យុគមាសនៃការថែរក្សាសុខភាព” ពីព្រោះបន្ទាប់ពីអាយុនេះសុខភាពរបស់យើងធ្លាក់ចុះហើយសម្រស់ក៏ធ្លាក់កាន់តែលឿន។
នៅអាយុ ៤៥ ឆ្នាំ ស្ត្រីនៅតែមានចរិតលក្ខណៈទាំង ៥ នេះ ដែលបញ្ជាក់ថាពួកគេរស់នៅនៅបានយូរ។
១. នៅតែទទួលទានបន្លែ និងផ្លែឈើឱ្យបានច្រើនជាប្រចាំ
ស្ត្រីដែលញ៉ាំបន្លែ និងផ្លែឈើច្រើន មានហានិភ័យទាបនៃការស្លាប់មុនអាយុ ៤៦% ជាងអ្នកដែលមិនបានញ៉ាំវាជាប្រចាំ នេះបើយោងតាមការសិក្សារបស់សាកលវិទ្យាល័យ Michigan លើអ្នកចូលរួម ៧០០ នាក់ក្នុងវ័យ ៧០ ឆ្នាំ។
អ្នកស្រុកនៅអូគីណាវ៉ា ប្រទេសជប៉ុន ដែលមានអត្រារស់រានមានជីវិតខ្ពស់បំផុតមួយរបស់ពិភពលោក ក៏តែងតែទទួលទានបន្លែបៃតងក្នុងបញ្ជីមុខម្ហូបជារៀងរាល់ថ្ងៃផងដែរ។ ប្រជាជនអូគីណាវ៉ា បានបរិភោគអាហារសម្បូររុក្ខជាតិសម្រាប់ជីវិតរបស់ពួកគេ ហើយស្ទើរតែទាំងអស់នៃពួកគេដាំដំណាំផ្ទាល់ខ្លួនរបស់ពួកគេ។
២. បបូរមាត់ពណ៌ផ្កាឈូក
ស្ត្រីដែលមានសុខភាពល្អ នៅក្រោមកាលៈទេសៈធម្មតា បបូរមាត់នឹងប្រែជាក្រហម និងរលោង ប៉ុន្តែសម្រាប់អ្នកដែលមានរាងកាយទន់ខ្សោយ បបូរមាត់តែងតែមានពណ៌ស។ នេះមានច្រើនទាក់ទងនឹងចរន្តឈាមក្នុងខ្លួន ព្រោះបបូរមាត់ជាផ្នែកចុងក្រោយនៃរបត់ឈាម។ របត់ឈាមត្រូវបានស្ទះ ឈាមមិនត្រូវបានផ្គត់ផ្គង់ពេញលេញទេ ហើយបបូរមាត់នឹងមានពណ៌ស។
ឧបមាថា ស្ត្រីម្នាក់មិនបានលាបបបូរមាត់ប្រចាំថ្ងៃ ប៉ុន្តែបបូរមាត់របស់នាងនៅតែមានពណ៌ផ្កាឈូក។ ក្នុងករណីនោះ អាយុសង្ឃឹមរស់របស់នាងមានអាយុកាលវែង ដែលសបញ្ជាក់ឱ្យឃើញថា ចរន្តឈាមក្នុងរាងកាយមានភាពល្អប្រសើរ ហើយរាងកាយត្រូវបានកម្ចាត់ចោលនូវសារធាតុពុល។
៣. ដៃ និងជើងមានភាពកក់ក្តៅ
យោងតាមអ្នកជំនាញបុរាណចិន មានចំណុចសំខាន់ៗជាច្រើននៅក្នុងជើង ដែលទាក់ទងនឹងសរីរាង្គខាងក្នុង ដូច្នេះគេអាចដឹងតាមរយៈវា ដើម្បីដឹងថារាងកាយមានសុខភាពល្អ។ ព្រមទាំងប្រាប់យើងពីអាយុជីវិតរបស់យើង។
រាងកាយរបស់ស្ត្រីគឺត្រជាក់ជាចម្បង។ ជាធម្មតា ជើង និងដៃក៏ត្រជាក់ផងដែរ។ សូម្បីតែនៅសីតុណ្ហភាពខ្ពស់ អវយវៈនៅតែត្រជាក់។ នេះទំនងជាបណ្តាលមកពីកង្វះចរន្តឈាមក្នុងរាងកាយ៖ ឈាមរត់បានល្អ ឬខ្យល់ត្រជាក់ខ្លាំងពេក។ ដូច្នេះប្រសិនបើអវយវៈរបស់ស្ត្រីមានភាពកក់ក្តៅពេញមួយឆ្នាំ នេះបង្ហាញថារបត់ឈាមបានល្អ កាកសំណល់ និងជាតិពុលត្រូវបានបញ្ចេញទាន់ពេលវេលា។
៤. គេងលក់ស្កប់ស្កល់
អ្នកជំនាញឱសថបុរាណចិន យកចិត្តទុកដាក់ជាពិសេសចំពោះការគេង ដោយនិយាយថា ការគេងឱ្យបានល្អ និងបរិភោគបានត្រឹមត្រូវ នឹងធានាបាននូវសុខភាពល្អ និងអាយុវែង។
ស្ត្រីជាច្រើនគេងមិនបានលក់ស្រួល ហើយជារឿយៗមានបញ្ហាក្នុងការគេង។ ពួកគេនឹងមានអារម្មណ៍អស់កម្លាំងបន្ទាប់ពីភ្ញាក់ពីគេងនៅថ្ងៃបន្ទាប់។ នេះបង្ហាញថាមានបញ្ហានៅក្នុងខ្លួន។ ប្រសិនបើស្ត្រីអាចគេងលក់ស្កប់ស្កល់រហូតដល់ព្រឹក ដោយមិនមានរោគសញ្ញាខុសប្រក្រតីក្នុងពេលគេង នោះរាងកាយរបស់ពួកគេនៅក្មេង និងមានសុខភាពល្អ។
៥. អ្នកនៅតែមានកម្លាំង មិននឿយហត់
ការរក្សាមុខងារប្រព័ន្ធការពារដ៏រឹងមាំគឺជាសញ្ញានៃសុខភាពល្អ។ ក្នុងអំឡុងពេលដំណើរការភាពចាស់ ភាពធន់ទ្រាំនឹងចុះខ្សោយ នៅពេលដែលភាពស៊ាំថយចុះ ហានិភ័យនៃជំងឺនឹងកើនឡើង។
មនុស្សដែលមានចរិតលក្ខណៈទាំងនេះនឹងរស់នៅបានយូរ ប្រសិនបើមនុស្សម្នាក់ក្រោយអាយុ 45 ឆ្នាំមិនសូវឈឺ មានសុខភាពល្អ និងពោរពេញដោយភាពរឹងមាំ៕
ប្រែសម្រួលដោយ៖ វីរៈ(Knongsork)
ព័ត៌មានថ្មីៗ
