អាថ៌កំបាំងជួយឱ្យស្បែកភ្លឺថ្លា ទប់ស្កាត់ភាពចាស់ ញ៉ាំអាហារ ៥ មុខនិងចៀស ៤ មុខ
ការជ្រើសរើសអាហារដែលត្រឹមត្រូវ គឺជារឿងសំខាន់ណាស់ ដើម្បីជួយស្ត្រីឱ្យមានភាពវ័យក្មេង អាចប្រយុទ្ធប្រឆាំងនឹងភាពចាស់មុនអាយុ បំប៉នដល់ស្បែក និងកាត់បន្ថយស្នាមជ្រីវជ្រួញ។ ដូច្នេះខាងក្រោមនេះ គឺជាអាហារ ៥ ប្រភេទដែលអ្នកគួរទទួលទាន និង ៤ ប្រភេទផ្សេងទៀត ដែលគួរតែចៀសវាង។
១. អាហារ ៥ មុខដែលត្រូវញ៉ាំដើម្បីផ្តល់សំណើមដល់ស្បែក កាត់បន្ថយភាពចាស់
- ផ្លែប៉ោមក្រហម
ផ្លែប៉ោមក្រហម នាំមកនូវអត្ថប្រយោជន៍ជាច្រើនដូចជា ការការពារថ្លើម បញ្ចុះកូឡេស្តេរ៉ូល ជម្រុញការផលិតកោសិកាឈាមសដែលមានផ្ទុកនូវកោសិកាមហារីក ទប់ស្កាត់ការលើសឈាម ព្យាបាលភាពស្លេកស្លាំងពេលមករដូវ ការបាត់បង់ឈាមក្រោយឆ្លងទន្លេជាដើម។ លើសពីនេះទៅទៀត នៅក្នុងផ្លែប៉ោមក្រហមដែលសម្បូរទៅដោយវីតាមីនសេ ស្ត្រីបរិភោគវាដើម្បីបង្កើនភាពបត់បែនស្បែកសម្រាប់ស្បែករលោង។
- ការ៉ុត
ការ៉ុតមានផ្ទុកសារធាតុប្រឆាំងអុកស៊ីតកម្មដូចជា លីកូប៉ែន បេតាការ៉ូទីន វាសម្បូរទៅដោយវីតាមីន A, C, E. ការបរិភោគការ៉ុតក៏ជួយឱ្យស្បែកទន់រលោង ការពារស្បែកស្ងួត គឺពិតជាមានអត្ថប្រយោជន៍ណាស់ក្នុងការការពារកុំឱ្យស្បែកយារ និងលេចចេញស្នាមជ្រីវជ្រួញ។
- ទំពាំងបារាំង
នៅក្នុងបន្លែទំពាំងបារាំងមានផ្ទុកនូវជាតិសរសៃ វីតាមីន អាស៊ីតហ្វូលិក អាស៊ីដអាមីណូសំខាន់ៗ និងធាតុដានជាច្រើន។ អាហារនេះជួយលើកកម្ពស់ចលនារបស់ក្រពះពោះវៀន ខណៈពេលដែលជួយសម្រកទម្ងន់ប្រកបដោយប្រសិទ្ធភាព។ លើសពីនេះទៀត វាក៏អាចជួយទប់ស្កាត់ការលូតលាស់ដុំសាច់ បង្កើនភាពធន់ ពង្រឹងថ្លើម និងតម្រងនោម។
- សណ្ដែកហ័រឡាំងតាវ
សម្បូរទៅដោយប្រូតេអ៊ីនអាស៊ីដអាមីណូ និងវីតាមីន ជាតិរ៉ែ ដែលជួយបំពេញបន្ថែមរាងកាយជាមួយនឹងសារធាតុចិញ្ចឹមដែលមានឥទ្ធិពលបន្ថយដំណើរការចាស់ជម្រុញការរំលាយអាហារ។ ក្រៅពីនេះសណ្តែកក៏ជួយពង្រឹងដល់បេះដូង ធ្វើឱ្យស្បែកស្រស់ស្អាត កាត់បន្ថយជាតិខ្លាញ់ និងសម្ពាធឈាមទាប។
- ឆៃថាវក្រហម
saponins នៅក្នុង beets ជួយលុបបំបាត់កូលេស្តេរ៉ុលនៅក្នុងពោះវៀន។ សែលុយឡូសជួយលើកកម្ពស់ការរំលាយអាហារ និងចលនាពោះវៀន បង្កើនចំណង់អាហារ។ លើសពីនេះទៀត វាក៏ជួយពន្យារភាពចាស់ ជួយបំប៉នសសៃឈាម និងជួយថ្លើមបណ្តេញជាតិពុលបានយ៉ាងល្អ។
២. អាហារ ៤ ប្រភេទដែលស្ត្រីគួរនៅឱ្យឆ្ងាយ ដើម្បីចៀសវាងភាពចាស់មុនអាយុ
- អាហារអាំង និងអាហារផ្អាប់
អាហារអាំង និងជ្រក់ គឺជាអាហារដែលមានផ្ទុកអំបិលច្រើន។ ប្រសិនបើអ្នកញុំាច្រើនវានឹងធ្វើឱ្យស្រទាប់ក្រពះងាយនឹងខូចខាត បង្កើនសម្ពាធឈាមធ្វើឱ្យខូចមុខ និងបង្កើនល្បឿនដំណើរការចាស់របស់រាងកាយ។
- អាហារដែលមានជាតិស្ករខ្ពស់
នំខេក នំប៉័ងពណ៌ស និងសូកូឡា គឺជាអាហារដែលមានហានិភ័យខ្ពស់។ ក្រៅពីនេះពួកគេក៏ជាបុព្វហេតុនៃជាតិ Melanin ដែលធ្វើឱ្យអ្នកឆាប់ចាស់មុនវ័យ ក៏ដូចជាបញ្ហាស្បែកផ្សេងៗទៀត។
- អាហារកំប៉ុង
អាហារកំប៉ុងមិនមានជីវជាតិ និងមិនមានគុណភាពល្អទេ។ ប្រសិនបើញុំាជាប្រចាំវានឹងជួយពន្លឿនការចុះខ្សោយនៃជាលិការក្នុងរាងកាយ និងវ័យចំណាស់។
- អាហារមានជាតិខ្លាញ់
ខ្លាញ់ច្រើនពេកបង្កើតជាតិ lipid peroxide ក្នុងរាងកាយ និងបង្កើនល្បឿនសុីកោសិកា។ ប្រសិនបើអ្នកញុំាអាហារដែលមានជាតិខ្លាញ់ច្រើន ពួកគេនឹងធ្វើឱ្យអ្នកឆាប់ចាស់។ ជំនួសឱ្យការញុំាខ្លាញ់សត្វអ្នកគួរតែបរិភោគខ្លាញ់ត្រី បន្លែដែលមានជីវជាតិខ្ពស់ទើបប្រសើរ៕
ប្រែសម្រួលដោយ ៖ Knongsrok
ព័ត៌មានថ្មីៗ
