ញ៉ាំទឹកក្នុងពេលវេលាមាសទាំង ៤ នេះជួយបង្កើនភាពស៊ាំ និងអត្ថប្រយោជន៍ច្រើនបំផុត

• 2024-04-21

ទឹកបង្កើតបាន ៧០ ភាគរយនៃរាងកាយរបស់អ្នក។ ប្រសិនបើអ្នកផឹកទឹកនៅពេលវេលាទាំង៤នេះ វានឹងជួយអ្នកពង្រឹងភាពធន់របស់អ្នក និងការពារជំងឺជាច្រើនដែលនឹកស្មានមិនដល់។

១. ផឹកទឹកនៅម៉ោង ៦-៧ ព្រឹក

នៅពេលអ្នកភ្ញាក់ពីគេង ក្រោយពេលគេងបានយូររាងកាយរបស់អ្នកនឹងខ្សោះជាតិទឹក ហើយត្រូវការជាតិទឹកដើម្បីបំពេញបន្ថែមវិញ។ អ្នកគួរតែផឹកទឹកមួយកែវនៅពេលក្រោកពីដំណេក វាពិតជាចាំបាច់ខ្លាំងណាស់ ដើម្បីធ្វើឱ្យមុខងាររបស់សរីរាង្គមានដំណើរការ និងដកជាតិពុលចេញពីរាងកាយ។ ជាពិសេស ប្រសិនបើអ្នកអាចបន្ថែមទឹកឃ្មុំបន្តិចបន្តួច និងទឹកក្រូចឆ្មាពីរបីដំណក់ ដើម្បីទទួលបានប្រសិទ្ធិភាពបន្សុតកាន់តែខ្ពស់។

២. ផឹកនៅម៉ោង ១២ និង៣០នាទី ថ្ងៃត្រង់

នៅពេលដែលអ្នកផឹកទឹកនៅជុំវិញម៉ោង បន្ទាប់ពីអាហារថ្ងៃត្រង់ យើងគួរតែផឹកទឹក ១ កែវ ដើម្បីជួយធ្វើឱ្យប្រព័ន្ធរំលាយអាហារមានភាពប្រសើរឡើង និងជម្រុញដំណើរការរំលាយអាហាររបស់អ្នកឱ្យកាន់តែរលូន។ លើសពីនេះទៀត នៅពេលដែលអ្នកផឹកទឹកនៅពេលនេះ វាក៏ជាពេលដែលរាងកាយរបស់អ្នកបានបាត់បង់ជាតិទឹកច្រើនបន្ទាប់ពីព្រឹកធ្វើការហត់នឿយ។

ដូច្នេះប្រសិនបើអ្នកផឹកទឹក វាចាំបាច់ណាស់ក្នុងការរក្សាសំណើមនៅក្នុងស្បែករបស់អ្នក ដែលល្អសម្រាប់សុខភាពអ្នក។ ជាពិសេសនៅពេលដែលអ្នកផឹកទឹកនៅពេលកំណត់ពេលវេលា ក៏ជួយឱ្យស្មារតីនៃការសម្រាកលំហែកាត់បន្ថយសម្ពាធក្នុងការងារ ធ្វើឱ្យអ្នកសប្បាយចិត្តជាងមុនផងដែរ។

៣. ផឹកទឹកម៉ោង ៧-៨ យប់

នៅពេលដែលអ្នកផឹកទឹកនៅពេលនេះ វាមានប្រសិទ្ធិភាពគាំទ្រក្នុងការគ្រប់គ្រង និងបន្ថយសម្ពាធឈាម។ ប្រសិនបើអ្នកកំពុងស្រកទម្ងន់ អ្នកគួរផឹកទឹកមួយកែវមុនពេលញុំាអាហារ វាក៏ជួយឱ្យយើងញុំាអាហារបានតិចដែរ ការគាំទ្រការសម្រកទម្ងន់ពិតជាល្អសម្រាប់សុខភាពរបស់អ្នក។

៤. ផឹកទឹកចាប់ពីម៉ោង ៩ ដល់ ១០ យប់

នៅពេលអ្នកជ្រើសរើសផឹកទឹកនៅពេលនេះ នឹងជួយគាំទ្រដល់ការបង្កើតកោសិកាឡើងវិញនៅពេលអ្នកគេង។ ជាពិសេសវាក៏មានប្រសិទ្ធភាពការពារការកកឈាម និងល្អសម្រាប់ខួរក្បាលដែរ។ ទោះជាយ៉ាងណាក៏ដោយ កំណត់ចំណាំតិចតួចគឺអ្នកគួរតែផឹកមុនពេលចូលគេងប្រហែល ៣០ នាទី ឬ ១ ម៉ោង ដើម្បីចៀសវាងបង្កឱ្យមានការគេងមិនលក់។

រាល់ថ្ងៃអ្នកគួរពិសាទឹកឱ្យបានទៀងទាត់ពេញមួយថ្ងៃ ជាមួយទឹកចាប់ពី ២ ទៅ ២,៥ លីត្រ។ ត្រូវចងចាំថា កុំឱ្យខកខាននូវតារាងពេលវេលាទាំង ៤ នេះឱ្យសោះ៕

ប្រភព ៖ Phunutoday / ប្រែសម្រួល ៖ Knongsrok