អ្នកចាំទីក្លិប Matalyaspor របស់ទួរគី, Eyup Turkaslan បានស្លាប់នៅក្នុងសោកនាដកម្មរញ្ជួយដី
Eyup Turkaslan ត្រូវបានសម្លាប់នៅក្នុងការរញ្ជួយដីដែលបានវាយប្រហារប្រទេសរបស់គាត់។ Yeni Matalyaspor ដែលជាក្លិបលេងលីគទី២ របស់ប្រទេសទួរគីបានបញ្ជាក់ថាអ្នកចាំទី Ahmet Eyup Turkaslan បានស្លាប់នៅអាយុ 28 ឆ្នាំបន្ទាប់ពីប្រទេសនេះបានរងគ្រោះដោយការរញ្ជួយដីកម្រិត 7.8 រិចទ័រ។
ប្រទេសទួរគី និងស៊ីរី ប្រទេសទាំងពីរបានរងគ្រោះយ៉ាងខ្លាំងដោយការរញ្ជួយដីដ៏ខ្លាំងក្លាមួយកាលពីយប់ថ្ងៃអាទិត្យ ខណៈដែលមនុស្សជាច្រើនកំពុងដេកលក់ Turkaslan ត្រូវបានគេរាយការណ៍ថា បានបាត់ខ្លួនកាលពីថ្ងៃចន្ទ ហើយក្លឹបឥឡូវនេះកំពុងផ្តល់កិត្តិយសដល់អ្នកចាំទីរបស់ពួកគេ បន្ទាប់ពីគាត់ត្រូវបានគេបញ្ជាក់ថាបានស្លាប់កាលពីថ្ងៃអង្គារ។
ក្លឹបបានសរសេរថា៖ "អ្នកចាំទីរបស់យើង Ahmet Eyup Turkaslan បានបាត់បង់ជីវិត បន្ទាប់ពីស្ថិតនៅក្រោមគំនរបាក់បែកនៃការរញ្ជួយដី។ សូមសម្រាកដោយសន្តិភាព។ ពួកយើងនឹងមិនភ្លេចអ្នកទេ ជាមនុស្សល្អណាស់"។
💔🇹🇷 Yeni Malatyaspor goalkeeper Eyüp Ahmet Türkaslan (28) sadly passed away after being stuck in rubble from the earthquake, reports @yagosabuncuoglu.
Thoughts & prayers to his loved ones and those affected… pic.twitter.com/4uB9xTBmPS
— EuroFoot (@eurofootcom) February 7, 2023
គ្រោះធម្មជាតិនៅក្នុងប្រទេសទួរគី និងស៊ីរី បានបណ្តាលឲ្យមនុស្សយ៉ាងហោចណាស់ ៥.១០០នាក់ស្លាប់ និងរាប់ពាន់នាក់ទៀតរងរបួស។ ការញ័ររញ្ជួយក៏ត្រូវបានឮដល់ឆ្ងាយដូចអេហ្ស៊ីប លីបង់ និងកោះស៊ីប។ ក្លឹបដែលមានមូលដ្ឋាននៅ Malatya រងការប៉ះទង្គិចយ៉ាងខ្លាំង។
វាត្រូវបានបញ្ជាក់ថាអ្នកចាំទី Yeni Matalysaspor Ahmet Eyup Turkaslan គឺជាជនរងគ្រោះម្នាក់ក្នុងចំណោមជនរងគ្រោះដែលបានជាប់ និងស្លាប់នៅក្នុងការរញ្ជួយដីដែលបានវាយប្រហារតំបន់ Kahramanmaras កាលពីយប់ថ្ងៃអាទិត្យ។
កាលពីថ្ងៃចន្ទ ក្លឹបបានសរសេរលើ Instagram របស់ខ្លួនថា៖ «សម្រាប់ចំណេះដឹងទូទៅ! អ្នកចាំទីរបស់យើង Ahmet Eyup Turkaslan ស្ថិតនៅក្នុងអគារមួយដែលត្រូវបានខូចខាត និងបំផ្លិចបំផ្លាញដោយការរញ្ជួយដី។ កិច្ចខិតខំប្រឹងប្រែងស្វែងរក និងជួយសង្គ្រោះនៅតែបន្ត។ រហូតមកដល់ពេលនេះ នៅតែមិនមានដំណឹងពីគាត់។ កុំភ្លេចបន្តការអធិស្ឋាន" ។
យោងតាម De Marke Sports គ្រូបង្វឹក Yılmaz Vural បាននិយាយថា៖ "បន្ទាប់ពីការប្រកួតជាមួយ Rizespor ខ្ញុំបានឱ្យក្រុមសម្រាក 2 ថ្ងៃ។ កីឡាករភាគច្រើនមិននៅ Malatya ទេ" ។
"មានតែម្នាក់គត់ដែលនៅទីនេះគឺជាអ្នកចាំទីទីពីររបស់យើងគឺ Ahmet Eyup Turkaslan ហើយគាត់បានព្យាយាមជួយសង្គ្រោះប្រពន្ធរបស់គាត់...»
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
