សញ្ញាទាំង ៤ បង្ហាញថា អ្នកចិត្តល្អជ្រុលពេកហើយ
ការរស់នៅ ត្រូវមានទឹកចិត្ត គឺជារឿងដែលល្អ តែយ៉ាងណាក៏ដោយ បើយើងចិត្តល្អពេក ច្រើនតែនាំគ្រោះ បង្កជាបញ្ហាឱ្យខ្លួនឯងវិញតែប៉ុណ្ណោះ។ យ៉ាងណាមិញ ៤ ចំណុចខាងក្រោមនេះ បញ្ជាក់ថា អ្នកចិត្តល្អជ្រុលពេកហើយ ល្មមកាត់បន្ថយខ្លះទៅ បើមិនចង់ឱ្យខ្លួនឯងរងគ្រោះ។
១. តែងនិយាយពាក្យថា សុំទោស
មនុស្សដែលចិត្តល្អពេក តែងមានទំនោរដកខ្លួនចេញ ហើយសុំទោសគ្រប់យ៉ាង មិនថាខ្លួនត្រូវ ឬខុសនោះឡើយ។ ទោះបីជាចេតនារបស់អ្នកគឺគួរសម និងអាចទាក់ទងបានក៏ដោយ ក៏មិនចាំបាច់សុំទោសគ្រប់រឿង គ្រប់ពេលដែរ។ សូម្បីតែពេលអ្នកនិយាយច្រើនក៏ដោយ ពាក្យសុំទោសក៏បាត់ន័យដែរ។
២. តម្រូវការរបស់អ្នកមិនដែលត្រូវបានបំពេញ
មនុស្សដែលមានចិត្តល្អហួសហេតុ មានទំនោរទាក់ទាញមនុស្សដែលចូលចិត្តពឹងផ្អែក ចូលចិត្ត ខ្ជិលស្រលាញ់ មិត្តភក្តិដែលត្រូវការជំនួយ សមាជិកគ្រួសារ ជាមួយនឹងសំណើជាបន្តបន្ទាប់។
អ្នកប្រហែលជារកឃើញថា អ្នកមិនដែលមានពេលដើម្បីសម្រេចគោលដៅផ្ទាល់ខ្លួនរបស់អ្នក ឬថាមនុស្សក្នុងជីវិតរបស់អ្នកកម្រចេញមកជួយអ្នកណាស់។ ការមានចិត្តល្អពេកនឹងធ្វើឱ្យមនុស្សកាន់តែមានទំនោរចង់ធ្វើឱ្យអ្នកខកចិត្ត ព្រោះពួកគេដឹងថា ទោះបីជាអ្នកពិបាកចិត្តក៏ដោយ ក៏គេមិននិយាយដែរ។ ផ្តោតលើតម្រូវការរបស់អ្នក អនុញ្ញាតឱ្យមនុស្សជាទីស្រលាញ់របស់អ្នកដឹងថាអ្នកចង់បានដំបូន្មាន និងជំនួយរបស់ពួកគេ។
៣. អ្នកមានអារម្មណ៍អន់ចិត្ត បន្ទាប់ពីយល់ស្របសំណើរនរណាម្នាក់
អ្នកនឹងដឹងថាអ្នកមានចិត្តសប្បុរសពេកហើយ ប្រសិនបើអ្នកមានអារម្មណ៍ហួសចិត្តបន្ទាប់ពីនិយាយថា "បាទ/ចាស" ទៅកាន់នរណាម្នាក់។ ប្រសិនបើអ្នកយល់ព្រមធ្វើអ្វីៗដោយសារតែអ្នកចង់បានគេចូលចិត្ត មិនមែនដោយសារអ្នកមានពេលទេ ការអន់ចិត្តនឹងត្រូវបង្កើតឡើង។
ទោះបីជាវាមិនអាចផ្លាស់ប្តូរបានភ្លាមៗក៏ដោយ ប្រសិនបើអ្នកមិនចង់ គ្រាន់តែនិយាយថា "ទេ" ។ ផ្តល់ការយល់ព្រមចំពោះមនុស្សដែលពិតជាសំខាន់។ ប្រសិនបើអ្នកព្រួយបារម្ភ សូមឆ្លើយតបទៅការបដិសេធ ហើយនៅឱ្យឆ្ងាយពីទូរស័ព្ទ ដែលអាចភ្ជាប់អ្នកជាមួយមនុស្សដែលស្នើសុំជំនួយ។ ការធ្វើដូច្នេះនឹងជួយអ្នកឱ្យចៀសផុតពីកំហុស និងហានិភ័យនៃការសម្រេចចិត្តដ៏រង្គោះរង្គើ។
៤. អ្នកចៀសវាងការប្រឈមមុខ
មិនចូលចិត្តប្រកែក និងប្រឈមមុខនឹងអ្នកដទៃ។ មនុស្សដែលមានចិត្តល្អពេក តែងតែបណ្តោយឱ្យរឿងអាក្រក់កើតឡើងចំពោះពួកគេ ដោយសារតែពួកគេខ្មាសអៀនខ្លាំងពេកក្នុងការនិយាយ ឬបារម្ភថាការតបស្នង នឹងផ្លាស់ប្តូរការយល់ឃើញរបស់នរណាម្នាក់ចំពោះពួកគេ។ អនុវត្តការអះអាង ទោះបីជាវាធ្វើឱ្យអ្នកមើលទៅត្រជាក់ក៏ដោយ។ មិនមានអ្វីខុសទេក្នុងការអះអាង។ អ្នកគ្រាន់តែក្រោកឈរឡើងសម្រាប់ខ្លួនអ្នក៕
ប្រភព ៖ Phunutoday / Knongsrok
ព័ត៌មានថ្មីៗ
