ចង់ក្លាយជាសត្វអ្វីពេលភ្ញាក់ឡើង អាចដឹងថាអ្វីដែលអ្នកចង់បានបំផុតក្នុងជីវិត
មនុស្សម្នាក់ៗសុទ្ធតែមានសមត្ថភាព និងមហិច្ឆិតាខុសៗគ្នា តែប្រហែលជាអ្នកមិនបានដឹងទេថា អ្នកមានសមត្ថភាពអ្វីខ្លះ។ នៅក្នុងហ្គេមតេស្តខាងក្រោមនេះអាចឱ្យអ្នកដឹងពីខ្លួនឯងបាន។
សំណួរសួរថា បើសិនជាឱ្យជ្រើសរើសការកើតជាសត្វនៅពេលភ្ញាក់ពីគេងព្រឹកឡើង តើអ្នកចង់ក្លាយទៅជាសត្វអ្វីទៅ?
ចម្លើយ ៖
A. សត្វសេះ
B. សត្វគោ
C. សត្វខ្លា
D. សត្វស្វា
ចូរអានចម្លើយខាងក្រោម ដោយសត្វដែលអ្នកជ្រើសតំណាងឱ្យសភាវគតិ សមត្ថភាព និងថាមពលដែលអ្នកចង់បាន ៖
A. សត្វសេះ ៖ ខ្ញុំចង់លឿន
សេះតំណាងឱ្យល្បឿន ប្រសិនបើអ្នកជ្រើសរើសសេះដោយមិនដឹងខ្លួន គឺបានន័យថាអ្នកចង់បានល្បឿន។ អ្នកប្រហែលជាធ្លាប់គិតថា "ខ្ញុំចង់ធ្វើវាឱ្យលឿនជាងមុន" នៅកន្លែងធ្វើការ និង " ខ្ញុំសូមឱ្យបំណងប្រាថ្នារបស់ខ្ញុំអាចសម្រេចលឿនឆាប់ៗ" ។ ប្រហែលជាអ្នកចង់កែប្រែខ្លួនឯងដែលធ្លាប់តែយឺតយ៉ាវ ឬធ្វើការយឺតយ៉ាវ។ សរុបមកអ្នកជាមនុស្សដែលចង់បានថាមពល និងចង់ធ្វើអ្វីលឿនៗឆាប់ៗ ។
B. សត្វគោ ៖ ខ្ញុំចង់ក្លាយជាអ្នកមាន
សត្វគោ គឺជានិមិត្តរូបនៃព្រះគុណ និងជាទ្រព្យសម្បត្តិ ។ បើអ្នកជ្រើសរើសគោ បានន័យថាអ្នកចង់ក្លាយជាអ្នកមានក្នុងចិត្ត ហើយអ្វីដែលអ្នកចង់បានបំផុតគឺលុយ ដោយអ្នកគិតថាពេលបានលុយ អ្នកចង់ធ្វើអ្វីក៏បាន អាចជួយខ្លួនឯង ជួយគ្រួសារ និងមនុស្សជាទីស្រឡាញ់ជុំខ្លួនឱ្យមានក្តីសុខ។ ដូច្នេះហើយ ដើម្បីមានលុយ និងក្លាយជាអ្នកមាន អ្នកនឹងប្រឹងអស់ពីសមត្ថភាពធ្វើការជាច្រើនមុខ និងគ្រប់យ៉ាងតាមដែលអាចធ្វើបាន ។
C. សត្វខ្លា ៖ ខ្ញុំចង់រឹងមាំ
ខ្លាដ៏កាចសាហាវជានិមិត្តរូបនៃកម្លាំង បើអ្នកជ្រើសរើសខ្លា អ្នកប្រហែលជាចង់មានកម្លាំង ថាមពល និងអំណាចមិនឱ្យចាញ់អ្នកណា។ អ្នកគិតថាប្រសិនជាអ្នកទន់ខ្សោយ អ្នកនឹងត្រូវគេលបខាំ និងលបធ្វើបាបជាដើម។ ជាងនេះទៅទៀត អ្នកចង់មានថាមពល អំណាច និងភាពរឹងមាំមិនមែនគ្រាន់តែត្រឹមជារាងកាយប៉ុណ្ណោះទេ គឺចង់រឹងមាំផ្លូវចិត្តទៀត។ ដូច្នេះប្រសិនជាអ្នកដឹងពីចំណុចខ្សោយរបស់ខ្លួន គឺជាអ្នកជាមនុស្សដែលខ្លាំងណាស់ ព្រោះការដឹងពីចំណុចខ្សោយរបស់ខ្លួនឯង អាចជួយឱ្យអ្នកបោះជំហានឆ្ពោះទៅរកភាពរឹងមាំ និងអំណាចតាមដែលអ្នកចង់បាន ។
D. សត្វស្វា ៖ ជាខ្លួនឯងពិតប្រាកដ
សត្វស្វា មានភាពស្រដៀងនឹងមនុស្ស ប៉ុន្តែខុសគ្នា ព្រោះតែលក្ខណៈពិសេសប្លែកមួយខុសពីគេ។ អ្វីដែលអ្នកចង់បានបំផុតគឺភាពដើមរបស់អ្នក ឬលក្ខណៈពិសេសផ្ទាល់ខ្លួនរបស់អ្នកដែលខុសពីអ្នកដទៃ។ អ្នកប្រហែលជាឆ្ងល់ថាហេតុអ្វីបានជាអ្នកបែបនេះ ហើយអ្នកជាអ្វី និងកើតមកដើម្បីអ្វីឱ្យពិតប្រាក? ប្រាកដណាស់ អ្នកចង់ស្វែងរកខ្លួនឯងថា អ្នកជានរណា?
ដើម្បីដោះស្រាយកង្វល់របស់អ្នក អ្នកអាចព្យាយាមចូលទៅសង្គមកាន់តែច្រើន រៀនជំនាញនិយាយ ទំនាក់ទំនងទៅមនុស្សជុំវិញឱ្យបានច្រើន ហើយពេលនោះអ្នកនឹងអាចបង្ហាញ ឬស្វែងរកពីបុគ្គលិកលក្ខណៈពិសេសផ្ទាល់ខ្លួនរបស់អ្នកបាន៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
