ទេពអប្សរមួយ អាចដឹងថាអ្នកត្រូវការស្នេហាពិតបែបណា ទើបអាចធ្វើឱ្យស្នេហារបស់អ្នកគង់វង្សយូរអង្វែង
តើអ្នកចង់ដឹងទេថា តើស្នេហារបស់អ្នកនឹងទៅជាបែបណា? ដោយថ្ងៃនេះយើងនឹងទស្សន៍ទាយមើលថា តើស្នេហារបស់អ្នកនឹងជាស្នេហាបែបណា ដោយរូបទេពអប្សរដែលអ្នកបានជ្រើសរើស អាចទាយដឹងថាធ្វើបែបណាដើម្បីធ្វើឱ្យស្នេហារបស់អ្នកក្លាយជាការពិត។
តោះជ្រើសរើសរូបទេពអប្សរខាងក្រោម តើមួយណាដែលអ្នកពេញចិត្ត?
ចម្លើយ៖
ក.ពណ៌ទឹកក្រូច
ខ. ផ្កាឈូក
គ. បៃតង
ឃ. ខៀវ
បន្ទាប់ពីជ្រើសរូប អាចអានចម្លើយខាងក្រោមនេះ ៖
ក.ពណ៌ទឹកក្រូច ៖ ស្រលាញ់ដូចមិត្ត
ពណ៌ទឹកក្រូចជាពណ៌ដែលបង្ហាញពីទំនាក់ទំនង ការស្គាល់គ្នា និងភាពសប្បាយរីករាយ។ ស្នេហាដែលសាកសមនឹងអ្នក គឺជាស្នេហាដែលអ្នកអាចសេពគប់ជាមួយដូចជាអ្នកជាមិត្ត។ អ្នកចង់រីករាយនឹងការធ្វើអ្វីដែលអ្នកស្រឡាញ់ជាមួយនឹងដៃគូរបស់អ្នក ដោយមិនជ្រៀតជ្រែកជ្រៅ ឬផ្តល់សម្ពាធដល់គ្នាទៅវិញទៅមក។ អ្នកចង់កសាងទំនាក់ទំនងប្រកបដោយផាសុកភាពជាមួយគ្នា ដោយមិននិយាយច្រើន ត្អូញត្អែរ និងការលាក់បាំងគ្នាទៅវិញទៅមក ។
ខ. ផ្កាឈូក ៖ ស្នេហាផ្អែមល្ហែមស្អិតរមួត
ពណ៌ផ្កាឈូក គឺជាពណ៌ដែលបង្ហាញពីក្តីស្រលាញ់ ការសណ្តោស និងភាពផ្អែមល្ហែម។ ប្រសិនបើអ្នកជ្រើសរើសពណ៌នេះ អ្នកប្រហែលជាមនុស្សដែលមានភាពឯកាក្នុងចិត្ត ចង់ទទួលបានការស្រលាញ់ និងមានសេចក្តីប្រាថ្នាទាមទារខ្លាំង តែងតែចង់ឱ្យមនុស្សភេទផ្ទុយគ្នា ស្រលាញ់ និងចូលចិត្តអ្នក ។ ស្នេហាដ៏ឧត្តម នៅក្នុងចិត្តរបស់អ្នកប្រហែលជាស្នេហាដែលដៃគូរបស់អ្នកនឹងស្រលាញ់អ្នកខ្លាំង ស្មោះស្ម័គ្រ ផ្អែមល្ហែម និងជាស្នេហាយូរអង្វែងដែលមិនក្បត់ចិត្តគ្នា ។
គ. បៃតង ៖ ស្នេហាពោរពេញដោយក្តីមេត្តា និងសុវត្ថិភាព
ពណ៌បៃតងតំណាងឱ្យការមេត្តា ភាពស្ងប់ស្ងាត់ ស្ថិរភាព និងអារម្មណ៍សុវត្ថិភាព។ ដែលស្នេហាក្នុងចិត្តរបស់អ្នក គឺជាស្នេហាដែលពោរពេញទៅដោយចិត្តសប្បុរស ក្តីមេត្តា និងការមានសន្តិភាពក្នុងចិត្ត។ អ្នកអាចនឹងកំពុងស្វែងរកដៃគូដែលចេះគិតគូរ និងគួរឱ្យទុកចិត្ត ទោះបីជាមិនអាចនៅជិតគ្នា ឬទាក់ទងគ្នាញឹកញាប់ក៏ដោយ។ ហើយអ្នកចង់កសាងទំនាក់ទំនងដែលនឹងជួយព្យាបាលទឹកចិត្តគ្នា និងជួយជ្រោមជ្រែងគ្នាទៅវិញទៅមក ។
ឃ. ខៀវ ៖ ស្នេហាពិតស្មោះត្រង់
ពណ៌ខៀវតំណាងឱ្យភាពស្មោះត្រង់ និងបញ្ញា ។ អ្នកប្រហែលជាកំពុងស្វែងរកដៃគូស្នេហាពិត ដែលមានចិត្ត និងបេះដូង រួមគ្នា ដោយអ្នកចង់បានស្នេហាពិត និងស្មោះត្រង់ពិតប្រាកដ។ ពិសេសអ្នកចង់បានស្នេហាពិត ដែលមានមនោសញ្ចេតនាពិត ស្រលាញ់គ្នាទាំងចិត្តនឹងចិត្ត ទោះបីគ្មានទំនាក់ទំនងផ្លូវកាយក៏ដោយ ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
