តារានិករ ៤គូ ដែលជាគូស្នេហ៍ឥតខ្ចោះ ស្រលាញ់គ្នាខ្លាំងគ្មានថ្ងៃបែកគ្នា
យើងទាំងអស់គ្នាជឿជាក់ថាមនុស្សម្នាក់ៗសុទ្ធតែមានគូព្រេងដែលជាគូជីវិតពិត អាចផ្តល់ឱ្យយើងនូវសេចក្តីស្រឡាញ់ដ៏យូរអង្វែង។ ហើយយោងទៅតាមតារានិកររនីមួយៗ គេជឿថាសុទ្ធតែមានដៃគូពិត ដែលជាគូព្រេងស្រលាញ់គ្នាគ្មានថ្ងៃព្រាត់។
តោះ មកដឹងថាតារានិករណាមួយជាដៃគូពិតនឹងគ្នា ៖
១. Aries (21 មីនា – 19 មេសា) ជាមួយ Pisces (19 កុម្ភៈ – 20 មីនា)
អ្នកខ្លះយល់ថា តារានិករនេះមានចរិតផ្ទុយគ្នា តែការពិតតារានិករនេះបែរជាក្លាយជាដៃគូល្អប្រសិនជាក្លាយជាគូស្នហេ៍នឹងគ្នា។ ។ ភាគីទាំងពីរនឹងបំពេញបន្ថែមផ្នែកខ្វះខាតរបស់គ្នាទៅវិញទៅមក។ នៅពេលដែល Aries ជាមនុស្សដែលមានមហិច្ឆតា មានបំណងចង់ធ្វើការអ្វីមួយធំដុំ ក្នុងពេលដែល Pisces ជាមនុស្សដែលខ្វល់ខ្វាយយ៉ាងខ្លាំងចំពោះអ្នកជុំវិញខ្លួន ដូច្នេះ Pisces នឹងក្លាយជាកម្លាំងជំរុញដ៏ក្លាំងក្លា។ ដូច្នេះនៅពេលដែលតារានិករទាំងពីរសម្រេចចិត្តរស់នៅជាមួយគ្នា ពួកគេទាំងពីរនឹងជម្រុញគ្នាទៅវិញទៅមកទៅកាន់គោលដៅដែលពួកគេចង់បាន ដោយគ្មាននរណាមករារាំងអ្នកណាឡើយ។
២. Leo (២៣ កក្កដា ដល់ ២២ សីហា) ជាមួយ Libra (២៣ កញ្ញា ដល់ ២២ តុលា)
Leo ជាមនុស្សដែលលេចធ្លោ ជាមនុស្សដែលមានមនុស្សស្រលាញ់រាប់អានច្រើន និងជាមនុស្សដែលនិយាយច្រើនដែរ ដែលពេលខ្លះធ្វើឱ្យមនុស្សជាច្រើនមានអារម្មណ៍រំខាន ខណៈពេលដែល Libra នោះគឺជាមនុស្សស្ងប់ស្ងាត់ហើយចូលចិត្តភាពឯកជន ប៉ុន្តែជាមនុស្សដែលគ្រប់គ្រងជីវិតរបស់ខ្លួនបានល្អ ដែលសាកសមនឹង Leo ដែលច្រើនតែសកម្មនៅក្នុងរង្វង់សង្គម ហើយនាំឱ្យ Libra អាចបំភ្លេចរឿងទុក្ខសោកផ្ទាល់ខ្លួនខ្លះ ។ ទន្ទឹមនឹងនេះដែរនៅពេលដែល Leo គិតឆ្ពោះទៅមុខ ពួកគេនឹងមាន Libra ជួយណែនាំ និងដាស់តឿនចំពោះពួកគេ ដែលធ្វើឱ្យជីវិតគេនឹងជួបភាពជោគជ័យដូចគ្នា ។
៣. Virgo (23 សីហា ដល់ 22 កញ្ញា) ជាមួយ Aquarius (20 មករា ដល់ 18 កុម្ភៈ)
ពួកគេជាតារានិករគូស្នេហ៍ដែលល្អឥតខ្ចោះ និងជាមនុស្សមានទេពកោសល្យដូចគ្នា។ តារានិករទាំងពីរដួង ប្រៀបដូចជាដៃគូដែលបំពេញឱ្យគ្នាទៅវិញទៅមក។ ប្រសិនបើ Virgo ចង់ធ្វើអ្វីមួយ Aquarius គឺជាមនុស្សម្នាក់ដែលនឹងជួយអ្នកពីក្រោយឱ្យអស់ពីកម្លាំងកាយចិត្ត។
៤. Gemini ( 21 ឧសភា ដល់ 20 មិថុនា) ជាមួយ Sagittarius (22 វិច្ឆិកា ដល់ 21 ធ្នូ)
តារានិករទាំង២នេះ បើផ្គូផ្គងគ្នាទៅវិញទៅមក គឺពិបាកនឹងបែកគ្នាណាស់ ព្រោះអ្នកទាំងពីរគឺដូចជាមនុស្សតែមួយ ដោយសារតែពួកគេទាំងពីរចូលចិត្តដំណើរផ្សងព្រេង និងធ្វើសកម្មភាពដូចគ្នា ហើយចូលចិត្តចេញក្រៅស្វែងរកអ្វីដែលថ្មីៗដូចគ្នា។ ពួកគេទៅណាមកណាបានដោយមិនចាំបាច់មានចំណូលចិត្តដូចគ្នា ដែលធ្វើឱ្យជីវិតអាពាហ៍ពិពាហ៍របស់ពួកគេពោរពេញដោយសុភមង្គល ហើយទោះថ្ងៃណាមួយមានម្នាក់ចង់អង្គុយស្ងៀមតែម្នាក់ឯង ក៏អ្នកម្ខាងទៀតយល់ភ្លាមដែរ ដោយសារតែពួកគេទាំងពីរមានមនោសញ្ចេតនាក្នុងទិសដៅដូចគ្នា៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
