ជំនឿ! បំពានសម្បថរឿងស្នេហាអ្វីខ្លះ ប្រយ័ត្នត្រូវបណ្តាសារត្រូវរៀនពីវិធីរំដោះវាសិន
នៅក្នុងរឿងស្នេហា ពេលស្រលាញ់អ្វីៗក៏ល្អ ហើយច្បាស់ណាស់ រឿងពាក្យសន្យា និងសម្បថស្នេហាពិតជារឿងមួយដែលចៀសមិនរួចឡើយ ដើម្បីឱ្យដៃគូម្ខាងទៀតកាន់តែជឿទុកចិត្ត។
តែយ៉ាងណាមិញ នៅក្នុងពេលមួយដែលស្នេហាមានបញ្ហា បែកបាក់ រហូតដល់ព្រាត់ប្រាស់គ្នា វាជាការបំពានពាក្យសន្យារបស់ខ្លួនពីមុន ។ ហើយការដែលបំពានសម្តីខ្លួនឯង បើតាមផលកម្មពេលដែលយើងបានធ្វើអ្វីទាក់ទងនឹងស្នេហា មិនថាជាការសន្យា ការស្បថ ឬយើងបានធ្វើរឿងអាក្រក់ជាមួយមនុស្សជាទីស្រលាញ់ យើងអាចនឹងត្រូវបណ្តាសា ឬទទួលកម្មដែលតាមស្នងក្នុងការក្បត់បំពានសម្បថសន្យាក៏ថាបាន។
ដូច្នេះតោះមករៀនពីវិធី ដកពាក្យសន្យា ឬពាក្យសម្បថស្នេហារបស់ខ្លួនកន្លងមកខាងក្រោម ៖
#ធូប ៣៦ សសៃ
យកវត្ថុ ឬគ្រឿងសក្ការៈណាមួយក៏បានដែលយើងថ្វាយបង្គំ ឬគោរព រួចយកមកដាក់នៅលើតុមួយដែលបានរៀបចំ អាចបន្ថែមផ្លែឈើបន្តិចបន្តួចក៏បាន ហើយអុជធូប ៣៦ ដើម ។
លុតជង្គង់នៅតុ ដែលដាក់វត្ថុពិសិដ្ឋ ដៃកាន់ធូបទាំង ៣៦សសៃ រួចដាក់ដៃសំពះហើយអធិស្ឋាននោះថា ៖
« ខ្ញុំ... (ប្រាប់ឈ្មោះ-នាមត្រកូល) កើតនៅថ្ងៃទី... (ប្រាប់ថ្ងៃ/ខែ/ឆ្នាំកំណើត) ។ ថ្ងៃនេះខ្ញុំសូមឱ្យវត្ថុសក្តិសិទ្ធក្នុងលោក ជួយឱ្យខ្ញុំដកពាក្យសម្បថ ដកបណ្តាសាទាំងឡាយណា ដែលខ្ញុំបានធ្វើខុសចំពោះសង្សារ មនុស្សជាទីស្រលាញ់ ឬជាមួយនរណាម្នាក់ ទាំងដែលខ្ញុំផង និងមិនចាំផង។ សុំនូវកុសលដែលខ្ញុំបានធ្វើ សូមបុគ្គលដែលជាម្ចាស់នៃវេនកម្មបស់ខ្ញុំទទួលបាននូវកុសលនេះផង។ សូមអោយជីវិតខ្ញុំជួបតែរឿងល្អៗ បើមានបញ្ហាស្នេហា សូមឱ្យសេចក្តីស្រឡាញ់របស់ខ្ញុំទៅមុខដោយរលូន អាចស្វែងរកមនុស្សល្អ និងស្វែងរកមនុស្សដែលស្រឡាញ់ខ្ញុំពិតប្រាកដដោយគ្មានឧបសគ្គអ្វីទាំងអស់។ » ។ បន្ទាប់មកដោតធូបទាំង ៣៦ នេះចុះ។
យ៉ាងណាមិញ សម្រាប់ការបួងសួង និងអធិដ្ឋាននេះ អ្នកអាចនិយាយពាក្យស្រដៀងៗខាងលើក៏បាន ដោយសារតែមនុស្សម្នាក់ៗជួបបញ្ហាស្នេហាខុសៗគ្នា ដូច្នេះនៅក្នុងការអធិស្ឋាន អ្នកអាចប្រាប់អំពីបញ្ហាដែលអ្នកប្រឈមមុខ។
ចំណាំ៖ យ៉ាងណាទាំងនេះគ្រាន់តែជាជំនឿតែប៉ុណ្ណោះ ជឿ មិនជឿអាចយកមកពិចារណាដោយខ្លួនឯង ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
