តម្រាទស្សន៍ទាយបុរាណរបស់ភូមា! ប្រាប់ពីក្បួនលើករាសី រហូតដល់ទិសដែលត្រូវទៅ ចង់ដឹងឆុតប៉ុណ្ណាសាកអានតាមថ្ងៃកំណើតទៅ
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំយកក្បួនទស្សន៍ទាយតាមតម្រាពីបរុមបុរាណនៃប្រទេសភូមាមកចែកជូនប្រិយមិត្ត ជាការទស្សន៍ទាយតាមរយៈថ្ងៃកំណើត ។ នេះបើតាមការស្រាវជ្រាវរបស់អ្នកជំនាញខាងអបិយជំនឿបានឲ្យដឹងថា តម្រាទស្សន៍ទាយរបស់ប្រទេសភូមា មានភាពសុក្រឹតដល់ទៅ 90-95% ឯណោះ ដូច្នេះចង់ដឹងថាឆុតប៉ុណ្ណាតោះទៅ មើលចម្លើយជាក់ស្តែងតាមថ្ងៃកំណើតនីមួយៗរបស់អ្នក ។
អ្នកកើតនៅថ្ងៃអាទិត្យ
សត្វលើករាសី: គ្រុឌ
ទិសនាំសំណាង: ឦសាន
ចរិតអ្នកកើតថ្ងៃអាទិត្យ៖ អ្នកជាមនុស្សស្មោះត្រង់នឹងមានគតិផ្ទាល់ខ្លួនថា “ភាពស្មោះត្រង់នឹងធ្វើឱ្យមនុស្សជឿជាក់ និងមានតែមនុស្សគោរព គ្មានថ្ងៃអត់ឃ្លានទេ ពេលមានបញ្ហាតែងតែមានអ្នកជួយ” ដែលនេះចាត់ទុកជាការគិតល្អ តែត្រូវចេះអានមនុស្ស បើមិនដូច្នោះទេ អ្នកនឹងត្រូវគេកេងប្រវ័ញ្ចជាញឹកញាប់។
ចំណុចពិសេសមួយទៀតគឺ អ្នកក្លាហានមិនងាយចុះចាញ់ ប៉ុន្តែត្រូវប្រុងប្រយ័ត្នផង ខ្លាចថាការខិតខំប្រឹងប្រែងទាំងរឹងទទឹង អាចនឹងធ្វើឲ្យមនុស្សជុំវិញខ្លួនឃ្លាតឆ្ងាយពីអ្នកបាន ។
អ្នកកើតនៅថ្ងៃច័ន្ទ
សត្វលើករាសីចក្រ: ខ្លា
ទិសនាំសំណាង: ខាងកើត
បុគ្គលិកលក្ខណៈថ្ងៃច័ន្ទ៖ អ្នកជាមនុស្សដែលមានជំនាញយករួចខ្លួនខ្ពស់ ក្រៅពីមានភាពអត់ធ្មត់ មានវិធីសាស្រ្ត និងពូកែដោះស្រាយបញ្ហាភ្លាមៗហើយ អ្នកថែមជាមនុស្សសាមញ្ញពូកែសម្របខ្លួនទៀត ។ ស្តាប់មួយភ្លែតទៅអ្នកដូចជាមនុស្សសាមញ្ញពូកែបន្ទាបខ្លួន តែបើចូលសង្គមជាន់ខ្ពស់អ្នកក៏ឲ្យបាក់មុខដែរ ។
អ្នកកើតនៅថ្ងៃអង្គារ
សត្វលើករាសីចក្រ: សឹង្ហ
ទិសនាំសំណាង: ទិសអាគ្នេយ៍
ចរិតលក្ខណៈអ្នកកើតថ្ងៃអង្គារ៖ អ្នកជាមនុស្សដែលមានភាពជាអ្នកដឹកនាំខ្ពស់ ក្លាហាន មានចិត្តជាក្មេងទំនើង ស្រលាញ់កិត្តិយស ស្រលាញ់សេចក្តីថ្លៃថ្នូរ ស្រលាញ់បក្ខពួក។ ចំពោះសេចក្តីស្រឡាញ់នេះ អ្នកត្រូវចេះយកទៅប្រើជាមួយមនុស្សជុំវិញខ្លួនឲ្យបានត្រឹមត្រូវ បើមិនដូច្នេះទេអ្នកនឹងមានភាពលំអៀង រហូតធ្វើឱ្យពិភពលោកផ្អៀងបាន បន្ទាប់មកត្រូវប្រយ័ត្នពាក្យសម្ដី ជាមនុស្សគិតអីនិយាយហ្នឹងវាល្អហើយ តែពេលខ្លះត្រូវចេះទប់ខ្លះកុំឲ្យមាត់វានាំរឿង ។
អ្នកកើតថ្ងៃពុធ (ពេលថ្ងៃ)
សត្វលើករាសីចក្រ : ដំរី
ទិសនាំសំណាង: ទិសខាងត្បូង
បុគ្គលិកលក្ខណៈអ្នកកើតថ្ងៃពុធ (ពេលថ្ងៃ)៖ អ្នកងាយនឹងមានអារម្មណ៍ឆេវឆាវដូចជាខ្យល់បក់បោក ចង់ធ្វើអីធ្វើភ្លាម មានការសម្រេចចិត្តរហ័សមិនចូលចិត្តអ្វីដែលយឺត បើមើលក្នុងផ្លូវវិជ្ជមានអ្នកជាមនុស្សរហ័សទាន់សភាពការណ៍ និងច្បាស់លាស់ តែបើមើលក្នុងផ្លូវអវិជ្ជមាន ល្បឿននេះពេលខ្លះអាចនាំឱ្យខ្វះភាពល្អិតល្អន់ អាចបណ្តាលឱ្យមានការសោកស្តាយនៅពេលក្រោយ ។
អ្នកកើតថ្ងៃពុធ (ពេលយប់)
សត្វលើករាសី៖ ដំរី (ដំរីគ្មានភ្លុក)
ទិសនាំសំណាង: ខាងជើង
បុគ្គលិកលក្ខណៈអ្នកកើតថ្ងៃពុធ (យប់)៖ អ្នកមានចិត្តទូលាយ ជាមនុស្សមានទំនាក់ទំនងល្អ មានមិត្តច្រើន ប៉ុន្តែមិត្តដែលយល់ចិត្តស៊ីជម្រៅមានតិច ព្រោះអ្នកជាមនុស្សស្រឡាញ់សេរីភាព ពូកែប្រយ័ត្នប្រយែង មិនងាយទុកចិត្តអ្នកដទៃផ្តេសផ្តាស ដូចដែលអ្នកដ៏ទៃជឿជាក់លើខ្លួនអ្នកទេ លើសពីនេះអ្នកមានការអត់ធ្មត់ទាប ដូច្នេះអ្នកចូលចិត្តកិច្ចការដែលមានល្បឿនលឿន។
អ្នកកើតនៅថ្ងៃព្រហស្បតិ៍
សត្វលើករាសីចក្រ: កណ្តុរតូច
ទិសនាំសំណាង: ខាងលិច
បុគ្គលិកលក្ខណៈអ្នកកើតថ្ងៃព្រហស្បតិ៍៖ អ្នកមានភាពម៉ឺងម៉ាត់នឹងជីវិត កត្តានេះធ្វើឲ្យបុគ្គលិកលក្ខណៈខាងក្រៅមើលទៅដូចសន្ធោនិងតឹងរ៉ឹង រហូតដល់អ្នកដទៃមិនហ៊ានទៅក្បែរ ប៉ុន្តែអ្នកមិនខ្វល់ទេព្រោះអ្នកដឹងខ្លួនឯងច្បាស់ថាអ្នកជាមនុស្សចិត្តល្អ និងរួសរាយរាក់ទាក់ ថែមមានមហិច្ឆតាផងដែរ។
អ្នកកើតនៅថ្ងៃសុក្រ
សត្វលើករាសី៖ កណ្តុរធំ
ទិសនាំសំណាង: ខាងជើង
បុគ្គលិកលក្ខណៈអ្នកកើតថ្ងៃសុក្រ៖ អ្នកជាមនុស្សមានសីលធម៌ខ្ពស់ មានចិត្តមេត្តា ចេះខ្វល់ពីអារម្មណ៍របស់អ្នកដទៃ ហើយចូលចិត្តជួយអ្នកដទៃដែលលំបាកជាងខ្លួន តែត្រូវដឹងថាចិត្តសប្បុរសគឺមានពេលខ្លះត្រូវមានដែនកំណត់ដែរ ព្រោះវាអាចនាំមកនូវភាពអាម៉ាស់ដល់អ្នកនៅពេលក្រោយ អ្នកត្រូវដឹងពីរបៀបថ្លឹងថ្លែងអារម្មណ៍និងការគិតឲ្យមានស្ថិរភាពគ្រប់ពេល។
អ្នកកើតនៅថ្ងៃសៅរ៍
សត្វលើករាសីចក្រ : នាគ
ទិសនាំសំណាង៖ និរតី
បុគ្គលិកលក្ខណៈអ្នកកើតថ្ងៃសៅរ៍៖ អ្នកឆ្លាត រហ័សរហួន និងមានការតាំងចិត្តខ្ពស់ បើអ្នកប៉ងធ្វើអ្វីមួយអ្នកនឹងខិតខំធ្វើឲ្យទាល់តែបានសម្រេច។ តែចំណុចដែលគួរឲ្យកត់សម្គាល់មួយទៀត ជាមួយនឹងទំនុកចិត្តលើខ្លួនឯងខ្ពស់ ធ្វើឲ្យអ្នកពិបាកក្នុងការធ្វើការជាមួយអ្នកដទៃ ភាគច្រើនចូលចិត្តធ្វើអ្វីតែម្នាក់ឯង ពេលខ្លះហាក់ដូចជាឯកោតែអ្នកនៅតែធ្វើវាបានយ៉ាងល្អ ៕
ប្រភព៖ បរទេស/កែសម្រួល៖ Knongsrok
ព័ត៌មានថ្មីៗ
