ទេវតាអង្គណាមួយ ដែលទាក់ទាញចិត្ត អាចបង្ហាញច្បាស់ជីវិតអ្នកពេលនេះ កំពុងចន្លោះប្រហោងអ្វី?
តាមរយៈរូបភាពទេវតាទាំង ៧ អង្គផ្សេងៗពីគ្នា សូមអ្នកធ្វើការជ្រើសរើសយកមួយ ដើម្បីមកផ្ទៀងផ្ទាត់ថា តើជីវិតអ្នកពេលនេះកំពុងចន្លោះប្រហោង ឬមានអ្វីត្រូវកែតម្រូវ?
ទេវតាទី ១
អ្នកហាក់ផ្តាច់ទំនាក់ទំនងជាមួយមនុស្សដែលធ្លាប់តែនៅក្បែរគ្នា ស្និទ្ធនឹងគ្នា ដោយខានជជែកគ្នាយូរណាស់ហើយ។ គេអាចធ្លាប់ជាអ្នកយល់ចិត្តអ្នកពីមុនមក ដូច្នេះចូរឆ្លៀតពេលដើម្បីផ្សារភ្ជាប់ទំនាក់ទំនងនោះត្រលប់មកវិញផង។
ទេវតាទី ២
វាដល់ពេលដែលអ្នកត្រូវផ្លាស់ប្តូរ ឬអភិវឌ្ឍខ្លួនទៅកាន់កម្រិតមួយទៀតហើយ។ អាចថា អ្នកគួរតែទៅរៀនជំនាញអ្វីថ្មីមួយ ដែលក្រៅពីផ្តល់ជាការកម្សាន្ត ហើយវាក៏ជាចំណេះថ្មីសម្រាប់អ្នកផងដែរ។
ទេវតាទី ៣
ក្នុងជីវិតរបស់អ្នក ដំណើរកម្សាន្តមិនសូវកើតមាននោះទេ ហើយអ្នកជាមនុស្សដែលរវល់នឹងភាពសកម្មនៃជីវិតប្រចាំ។ ដល់ពេលដែលត្រូវដកឃ្លា ដើម្បីសាកថ្មឲ្យជីវិតខ្លះហើយ សឹមបន្តដំណើរទៅមុខទៀត។
ទេវតាទី ៤
អ្នកហត់នឿយខ្លាំងណាស់មួយរយៈមកនេះ អ្នកមិនបានសម្រាកនោះទេ អ្នកធ្វើដំណើរលើផ្លូវនេះតែម្នាក់ឯង មិនសូវមានអ្នកយល់ពីអ្នក មិនសូវមានអ្នកដឹងពីទំហំលះបង់របស់អ្នក។ ពេលវេលាដែលអ្នកត្រូវការ គឺត្រឹមតែនៅកន្លែងស្ងាត់ ស្តាប់សំឡេងទឹកធ្លាក់ ស្តាប់បក្សីស្រែកយំនៅតាមព្រៃភ្នំ នោះក៏អាចជាការប៉ះប៉ូវឲ្យអ្នកបន្តិចដែរ។
ទេវតាទី ៥
អ្នកហាក់ត្រូវការភាពឯករាជ្យ វាជាអ្វីដែលអ្នកចង់បានពេលនេះ។ អ្នកដូចជាកំពុងរស់នៅក្រោមការកៀបសង្កត់ផ្លូវចិត្ត ចង់ធ្វើអ្វីក៏មិនទាន់អាចធ្វើបាន ដោយហាក់រងសម្ពាធជាខ្លាំង ក៏ជាហេតុនាំឲ្យអ្នកបាត់បង់ឱកាសមួយចំនួនក្នុងជីវិត។
ទេវតាទី ៦
អ្នកត្រូវការផែនការណ៍ជីវិតច្បាស់លាស់ជាងនេះបន្តិច ចូរឆ្លៀតពេលវេលារៀបចំជីវិតខ្លួនឯង ថាត្រូវដើរលើវិថីបែបណា ត្រូវដកឃ្លាសម្រាប់មើលថែទាំខ្លួនឯងបែបណា។ សកម្មភាពប្រចាំថ្ងៃរបស់អ្នក ដូចមិនទាន់ប្រព្រឹត្តិទៅបានល្អឥតខ្ចោះទាល់តែសោះ វាដល់ពេលហើយដែលត្រូវកែខៃវាឲ្យល្អប្រសើរនិងច្បាស់លាស់ជាងនេះ។
ទេវតាទី ៧
អ្នកត្រូវការវិស្សមកាលសម្រាប់ជីវិត ដោយសារតែរយៈពេលជាង ១ ឆ្នាំចុងក្រោយ អ្នកហាក់នៅឆ្ងាយពីធម្មជាតិ អ្នកគ្មានពេលវេលាសាកថ្មឲ្យខ្លួនឯងទាល់តែសោះ។ ចូរកុំបន្តដំណើរជីវិតទាំងបែបហ្នឹង ត្រូវឆ្លៀតពេលសម្រាកខ្លះផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
