សាកល្បងបាន! ស្រ្តីមានស្បែកស្រស់ស្អាត គ្មានជំងឺ រស់បានយូរ តែងមានអាវុធសំខាន់ ៦ នេះជាប់ខ្លួន
យោងតាមអ្នកស្រាវជ្រាវ បង្ហាញថា មានហេតុផលជាច្រើនដែលធ្វើអោយមនុស្សមួយចំនួនធំមានសភាពចាស់ជាងអាយុ រួមទាំងភាពអស់កម្លាំង ផ្លូវចិត្ត នឹងជំងឺរ៉ាំរ៉ៃ។ មួយវិញទៀត ទម្លាប់នៃការរស់នៅក៏មានឥទ្ធិពលយ៉ាងខ្លាំងដល់អត្រាភាពចាស់របស់ស្ត្រីផងដែរ។ ខាងក្រោមនេះជាចំណុចសំខាន់ដែលបណ្ដាលឲ្យស្ត្រីមានវ័យកាន់តែក្មេង អាយុវែង និងមិនងាយប្រឈមជាមួយជំងឺផ្សេងៗ៖
ធ្វើលំហាត់ប្រាណបានទៀងទាត់៖ លំហាត់ប្រាណដើរតួនាទីយ៉ាងសំខាន់អាចធ្វើឲ្យរាងកាយស្ត្រីមានសុខភាពល្អ នឹងជួយបង្កើនភាពស៊ាំ ឲ្យកាន់តែរឹងមាំ។ ប៉ុន្តែប្រសិនបើអ្នកមិនបានហាត់ប្រាណក្នុងរយៈពេលយូរទេ ចរាចរឈាមក្នុងតំបន់នៃរាងកាយនឹងត្រូវបានរារាំង ដែលអាចមានបញ្ហាប្រឈមដូចជា ការស្ទះសរសៃឈាម ជំងឺសរសៃឈាមបេះដូង និងសរសៃឈាមខួរក្បាល ជាពិសេសបន្ទាប់ពីអាយុ ៥០ ឆ្នាំ គ្រោះថ្នាក់ទាំងអស់នេះងាយកើតឡើងណាស់។
ជាងនេះទៀត ស្រ្តីដែលតែងធ្វើលំហាត់ប្រាណ សមត្ថភាពរំលាយអាហាររបស់រាងកាយនឹងប្រសើរឡើង សារធាតុពុលមួយចំនួន ឬ កាកសំណល់ ត្រូវបានកាត់បន្ថយ នាំឲ្យរាងកាយមានសុខភាពល្អ ល្បឿនចរាចរឈាមមានភាពអំណោយផល ធ្វើឱ្យស្បែករលោងភ្លឺចែងចាំង។
ចូលគេងទាន់ពេល៖ ការគេងឱ្យបានគ្រប់គ្រាន់ ជាលក្ខខណ្ឌមូលដ្ឋានមួយដែលអាចធានាបាននូវសុខភាពល្អ។ ហេតុនេះ ប្រសិនបើអ្នកខ្វះការគេងនឹងនាំឲ្យស្ថានភាពផ្លូវចិត្តកាន់តែអាក្រក់ គុណភាពនៃជីវិតនឹងថយចុះផងដែរ ដែលរំខានដល់ការរំលាយអាហារ ធ្វើឱ្យស្បែកកាន់តែខ្មៅងងឹត។
ផ្ទុយទៅវិញ ប្រសិនបើអ្នកគេងបានគ្រប់គ្រាន់ទាន់ពេលពេល នោះមានន័យថា រាងកាយរបស់អ្នកនឹងមានពេលច្រើនក្នុងការជួសជុលខ្លួនឯង ជួយស្ដារស្បែកឡើងវិញ។ លើសពីនេះ បន្ទាប់ពីអាយុ ៤០ ឆ្នាំ ដើម្បីទទួលបានសុខភាពល្អ ស្ត្រីគួរតែគេងឱ្យបានមុនម៉ោង ១១ យប់ និងគេងយ៉ាងហោចណាស់ ៧ ម៉ោងក្នុងមួយថ្ងៃ។
មិនបរិភោគបង្អែម៖ ជាតិផ្អែមអាចធ្វើឱ្យស្ត្រីបញ្ចេញសារធាតុ dopamine បង្កើតអារម្មណ៍រីករាយ និងធ្វើឱ្យស្ត្រីសប្បាយចិត្តមែន។ ប៉ុន្តែទោះជាយ៉ាងណាក៏ដោយ បង្អែមគឺជាមូលហេតុចម្បងដែលបណ្តាលឱ្យស្ត្រីងាយធាត់ ដោយសារតែបង្អែមមានផ្ទុកជាតិស្ករច្រើនពេក ប៉ះពាល់ដល់រ៉ាឌីកាល់សេរីក្នុងរាងកាយមនុស្ស ងាយនឹងបង្កភាពចាស់ក្នុងពេលតែមួយ។ ម្បង្អែមក៏ធ្វើឱ្យស្ត្រីងាយនឹងកើតមុនទៀតផង ដូច្នេះហើយបើស្ត្រីចង់បានរាងស្អាត និងក្មេងជាងវ័យ នោះការបោះបង់ការទទួលទានផ្អែមពិតជាល្អណាស់។
ផឹកទឹកបានគ្រប់គ្រាន់៖ ក្រោយអាយុ ៤០ ឆ្នាំ ស្ត្រីដែលចង់ថែរក្សាសម្រស់ និងសុខភាព គួរតែយកចិត្តទុកដាក់លើការផ្តល់សំណើមជាចាំបាច់។ បើអ្នកមិនបានទទួលទានទឹកចូលក្នុងរាងកាយទេ នោះសរីរាង្គខាងក្នុងនឹងមានបញ្ហាជាក់ជាមិនខាន ជាពិសេសមនុស្សវ័យកណ្តាល គួរផឹកទឹកឱ្យបានគ្រប់គ្រាន់។
សម្រាប់ស្ត្រី ជាការល្អគួរតែផឹកទឹក chrysanthemum និងតែកុលាប ព្រោះវាមានក្លិនក្រអូបស្រទន់ ហើយថែមទាំងអាចធ្វើអោយស្បែកមុខស្រស់ស្អាតទៀតផង។ ក្រៅពិនោះ តែកុលាបក៏មានប្រសិទ្ធិភាពក្នុងការបន្ធូរថ្លើម និងគ្រប់គ្រង qi ធ្វើអោយអារម្មណ៍មិនល្អ បំប៉នបេះដូង ថ្លើម និងសរសៃឈាមជាដើម។
សើចច្រើន៖ ក្នុងចំណោមទម្លាប់ដែលមានសុខភាពល្អ នោះការញញឹមជារៀងរាល់ថ្ងៃគឺជាវិធីសាមញ្ញនិងល្អបំផុតក្នុងការពន្យឺតភាពចាស់ និងបង្កើនភាពស្រស់ស្អាត។ ស្នាមញញឹមស្រស់ស្រាយ ក្នុងពេលថ្ងៃ ជួយបង្កើនចរាចរឈាមទៅកាន់សាច់ដុំមុខ កាត់បន្ថយការបង្កើតស្នាមជ្រួញ និងទម្រង់មុខ។
ការគ្រប់គ្រងភាពតានតឹងបានល្អ៖ ស្ត្រេសជាបញ្ហាមួយដែលអ្នកទាំងអស់គ្នាតែងជួបប្រទះក្នុងជីវិត។ ដោយនៅពេលអ្នកស្ត្រេស រាងកាយនឹងរងផលប៉ះពាល់យ៉ាងខ្លាំង ដែលអាចនាំឱ្យមានជំងឺធ្លាក់ទឹកចិត្ត សម្ពាធឈាមខ្ពស់ និងជំងឺសរសៃឈាមបេះដូង។ លើសពីនេះ ភាពតានតឹងខ្លាំងពេកក៏អាចធ្វើឱ្យកោសិកាចុះខ្សោយ និងបង្កើនល្បឿនដំណើរការ degeneration ដោយហេតុនេះធ្វើឱ្យអ្នកមើលទៅចាស់ជាងអាយុ។
ប្រភព៖ បរទេស
ព័ត៌មានថ្មីៗ
