កំហុសឆ្គង ៥ យ៉ាង ពេលទទួលទានក្រូចថ្លុងប៉ះពាល់សុខភាពធ្ងន់ធ្ងរ តែមនុស្សជាច្រើននៅតែធ្វើដោយមិនដឹងខ្លួន
ខាងក្រោមនេះ ជាចំណុចសំខាន់ចំនួន ៥ យ៉ាង ដែលអ្នកទាំងអស់គ្នាគួរតែចៀសវាងពេលទទួលទានក្រូចថ្លុង ដើម្បីកុំឲ្យរាងកាយប្រឈមជាមួយជំងឺ និងបង្កគ្រោះថ្នាក់កាន់តែធ្ងន់ធ្ងរ៖
ញ៉ាំនៅពេលឃ្លាន
ក្រូចថ្លុងមានបរិមាណអាស៊ីតច្រើនបើញ៉ាំពេលពោះទទេ វានឹងប៉ះពាល់ដល់ក្រពះ ជាពិសេសអ្នកដែលកំពុងអនុវត្តវិធីសម្រកទម្ងន់។ ហេតុនេះ ពេលវេលាដ៏ល្អបំផុតក្នុងការញ៉ាំផ្លែក្រូចថ្លុង គឺបន្ទាប់ពីញ៉ាំបាយរួច ឬបានញ៉ាំអ្វីបន្តិចនៅក្នុងក្រពះ ក្រូចថ្លុងនឹងជំរុញប្រសិទ្ធភាពនៃការកែលម្អការរំលាយអាហារ នឹងជយយកំណត់ការកើនឡើងនៃកូលេស្តេរ៉ុលក្នុងឈាមផងដែរ។
កុំបរិភោគជាមួយការ៉ុតនិងត្រសក់
ការ៉ុត និងត្រសក់ មិនគួរទទួលទានជាមួយក្រូចថ្លុងទេព្រោះបើអ្នកទទួលទានជាមួយគ្នា វានឹងបាត់បង់តម្លៃអាហារូបត្ថម្ភនៃវីតាមីន C នៅក្នុងក្រូចថ្លុងជាក់ជាមិនខាន។
កុំញ៉ាំនៅពេលប្រើថ្នាំ
ប្រសិនបើអ្នកកំពុងលេបថ្នាំអាឡែកហ្សី គួរតែកុំញ៉ាំ និងផឹកទឹកក្រូចថ្លុងជាដាច់ខាត ព្រោះវាអាចបណ្ដាលឪ្យឈឺក្បាលស្រាល ញ័របេះដូង បង្កគ្រោះថ្នាក់រហូតបណ្តាលឲ្យស្លាប់ភ្លាមៗបាន។ ជាពិសេស នៅពេលដែលអ្នកទទួលទាន ក្រូចថ្លុងជាមួយគ្រឿងផ្សំមួយចំនួនដូចជា៖ Cyclosporine, ជាតិកាហ្វេអ៊ីន, កាល់ស្យូមប្រឆាំងអុកស៊ីតកម្ម, Cisapride, ងាយបង្កផលប៉ះពាល់ដល់សុខភាព។
កុំញ៉ាំនៅពេលអ្នកមានជំងឺពិបាករំលាយអាហារ
ប្រសិនបើអ្នកមានជំងឺរាគហើយទទួលទានក្រូចថ្លុងនោះនឹងធ្វើឲ្យជំងឺអ្នកកាន់តែធ្ងន់ធ្ងរ។ ដូច្នេះហើយបើអ្នកមានសភាពខ្សោយ មិនគួរញ៉ាំក្រូចថ្លុងច្រើនពេកឡើយ ព្រោះអាចមានបញ្ហាប្រព័ន្ធរំលាយអាហារ នឹងធ្វើឱ្យជំងឺកាន់តែធ្ងន់ធ្ងរ។
មួយវិញទៀត ក្នុងផ្លែក្រូចថ្លុងមានផ្ទុកនូវជាតិសរសៃ និងវីតាមីន C យ៉ាងច្រើន អ្នកដែលមានដំបៅក្រពះ ដំបៅ duodenal ឬរលាកលំពែង មិនគួរទទួលទានផ្លែក្រូចថ្លុងទេ ព្រោះអាចបង្កើនជាតិអាស៊ីតក្នុងក្រពះ បណ្តាលឲ្យក្រហាយទ្រូង និងធ្វើឱ្យដំបៅកាន់យ៉ាប់លើសដើម។
កុំញ៉ាំក្រូចថ្លុងជាមួយថ្លើមជ្រូក
ថ្លើមជ្រូកមានជាតិទង់ដែង ជាតិដែក ស័ង្កសី ប្រសិនបើញាំផ្សំជាមួយវីតាមីន C ក្នុងផ្លែក្រូចថ្លុង នឹងបង្កើនល្បឿនអុកស៊ីតកម្មលោហៈ ហើយក្នុងពេលតែមួយអាចធ្វើឲ្យបាត់បង់តម្លៃអាហារូបត្ថម្ភពីកំណើតទៀតផង។
ប្រភព៖ បរទេស
ព័ត៌មានថ្មីៗ
