កុំប្រហែស! ទម្លាប់អាក្រក់ប្រចាំថ្ងៃ ៤ យ៉ាង អាចធ្វើឲ្យរាងកាយចុះខ្សោយ កើតជំងឺប្រចាំកាយយ៉ាងងាយ!!
តើអ្នកដឹងទេ ថា មានកត្តាមិនល្អបែបណាខ្លះ ដែលបណ្ដាលឲ្យរាងកាយចុះខ្សោយ និងតែងប្រឈមជំងឺប្រចាំកាយ?
ផឹកស្រាច្រើនជាប្រចាំ
យោងតាមអ្នកជំនាញស្រាវជ្រាវ ប្រសិនបើមនុស្សផឹកស្រា ឬភេសជ្ជៈមានជាតិអាល់កុលជាប្រចាំ នឹងធ្វើឱ្យប្រព័ន្ធការពាររាងកាយចុះខ្សោយយ៉ាងខ្លាំង ហើយភេសជ្ជៈនេះក៏បង្កើនហានិភ័យនៃជំងឺបេះដូង ឆ្លងមេរោគផ្លូវដង្ហើម ព្យាបាលមុខរបួសមិនងាយជាសះស្បើយ រលាកសួត ជាដើម។ ដូច្នេះហើយ ដើម្បីការពារសុខភាព អ្នកគួរតែនៅឲ្យឆ្ងាយពីភេសជ្ជៈទាំងនេះ។
ជារឿយៗគេងមិនលក់
យោងតាមអ្នកជំនាញ ពេលដែលមនុស្សយើងគេងលក់ ប្រព័ន្ធសំខាន់ៗនៃរាងកាយ អាចជួសជុលខ្លួនឯងបាន នោះមានន័យថា ប្រសិនបើអ្នកមិនបានសម្រាកគ្រប់គ្រាន់ទេ បេះដូង ខួរក្បាល និងប្រព័ន្ធការពាររាងកាយមិនត្រូវបានរក្សាពេញលេញទេ។
តាមការសិក្សាជាច្រើនបានបង្ហាញថា ការគេងមិនលក់យូរៗទៅអាចមានបញ្ហាប្រឈមនឹងជំងឺធ្ងន់ធ្ងរមួយចំនួនរួមមានជំងឺមហារីក ជំងឺបេះដូង និងជំងឺវង្វេង។ ដោយជាមធ្យម មនុស្សពេញវ័យត្រូវការការគេងពី ៧ ទៅ ៨ ម៉ោងក្នុងមួយថ្ងៃ ដើម្បីធានាសុខភាពល្អ។ សម្រាប់កុមារតូចៗ គួរតែគេងពី ៩ ទៅ ១២ ម៉ោង ក្នុងមួយថ្ងៃ អាស្រ័យលើអាយុ។ ជាពិសេស ក្មេងកាន់តែតូច ការគេងកាន់តែច្រើនម៉ោង នឹងជួយពួកគេអភិវឌ្ឍរាងកាយដ៏ល្អប្រសើរ។
ការងូតទឹកដោយភាពខ្ជិលមិនទទួលបានវីតាមីន D គ្រប់គ្រាន់
បើតាមការស្រាវជ្រាវរបស់លោកវេជ្ជបណ្ឌិត Anthony Fauci អ្នកជំនាញខាងជំងឺឆ្លងនៅសហរដ្ឋអាមេរិក បញ្ជាក់ថា ប្រសិនបើអ្នកខ្វះវីតាមីន D នឹងបង្កើនឱកាសនៃការឆ្លងមេរោគក្នុងរាងកាយ។ ដោយសារវីតាមីន D ជួយពង្រឹងភាពធន់ កាត់បន្ថយការជ្រៀតចូលនៃបាក់តេរី និងមេរោគចូលទៅក្នុងខ្លួន។ ដូច្នេះហើយ អ្នកគួរតែចំណាយពេលទៅងូតទឹកពេលព្រឹកព្រលឹមយ៉ាងតិច ១៥ ទៅ ២០ នាទីជារៀងរាល់ថ្ងៃ។
មានភាពតានតឹងថេរ
ភាពតានតឹងរ៉ាំរ៉ៃ អាចបណ្ដាលឱ្យខួរក្បាលផលិតអរម៉ូនស្ត្រេស cortisol ច្រើនពេក ដែលមានឥទ្ធិពលអវិជ្ជមានលើរាងកាយមួយចំនួន រួមទាំងប្រព័ន្ធការពាររាងកាយចុះខ្សោយ។
យោងតាមសមាគមមហារីកអាមេរិក មនុស្សដែលជួបប្រទះភាពតានតឹងរ៉ាំរ៉ៃគឺងាយនឹងកើតជំងឺផ្តាសាយធម្មតា និងការឆ្លងមេរោគ ដូចជា ជំងឺគ្រុនផ្តាសាយ។ លើស cortisol ក៏បណ្តាលឱ្យរាងកាយផ្ទុកជាតិខ្លាញ់ ដែលងាយនឹងធាត់លើសទម្ងន់និងធ្វើឱ្យប្រព័ន្ធភាពស៊ាំចុះខ្សោយយ៉ាងខ្លាំង។ ដូច្នេះ ដើម្បីមានរាងកាយដែលមានសុខភាពល្អ អ្នកគួររក្សាអាកប្បកិរិយាសុទិដ្ឋិនិយម នៅឲ្យឆ្ងាយពីភាពតានតឹង និងភាពនឿយហត់។
ប្រភព៖ បរទេស
ព័ត៌មានថ្មីៗ
